ಹಾಸನ : ವೈಯಕ್ತಿಕ ದ್ವೇಷದಿಂದ ಸಲೂನ್ ಶಾಪ್ಗೆ ನುಗ್ಗಿ ಮಹಿಳೆ ಮೇಲೆ ಮಹಿಳೆಯರ ಗ್ಯಾಂಗ್ವೊಂದು ಹಲ್ಲೆ ಮಾಡಿರುವ ಘಟನೆ ಹಾಸನದ ಚನ್ನಪಟ್ಟಣ ಬಡಾವಣೆಯಲ್ಲಿ ನಡೆದಿದೆ. ಶೀಲಾ.ಎಸ್.ಆರ್ ಹಲ್ಲೆಗೊಳಗಾದ ಮಹಿಳೆ, ಅರ್ಪಿತಾ, ಮೋನಿಕಾ, ಸುಚಿತ್ರಾ, ಪಂಕಜ, ತಿಲಕ್ ಎಂಬುವವರು ಹಲ್ಲೆ ನಡೆಸಿದ ಆರೋಪ ಕೇಳಿಬಂದಿದೆ.
ಕೆಆರ್ಎಸ್ ಪಕ್ಷದ ಮುಖಂಡ ರಮೇಶ್ ಪತ್ನಿ ಅರ್ಪಿತಾ ಬ್ಯೂಟಿ ಪಾರ್ಲರ್ ನಡೆಸುತ್ತಿದ್ದರು. ಕೆಲ ತಿಂಗಳುಗಳ ಹಿಂದೆ ಶೀಲಾ ಅದೇ ಬ್ಯೂಟಿ ಪಾರ್ಲರ್ನಲ್ಲಿ ಕೆಲಸ ಮಾಡುತ್ತಿದ್ದು, ಈ ವೇಳೆ ಶೀಲಾ ಮೇಲೆ ಅರ್ಪಿತಾ ಕಳ್ಳತನದ ಆರೋಪ ಮಾಡಿದ್ದರು.
ಈ ವಿಚಾರಕ್ಕಾಗಿ ಶೀಲಾ ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದರು. ಆಗಿನಿಂದಲೂ ಶೀಲಾ ಮೇಲೆ ಅರ್ಪಿತಾ ಹಗೆತನ ಸಾಧಿಸುತ್ತಿದ್ದರು ಎಂದು ತಿಳಿದುಬಂದಿದೆ. ಅರ್ಪಿತಾ ಜೊತೆ ಒಂದಿಷ್ಟೂ ಜನ ಬಂದಿದ್ದು, ಸ್ಲ್ಯಾಶ್ ಯುನಿ ಸೆಕ್ಸ್ ಸಲೂನ್ಗೆ ನುಗ್ಗಿ ಶೀಲಾ ಮೇಲೆ ಹಲ್ಲೆ ನಡೆಸಿರುವುದು ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದೆ.
