ಕೊಪ್ಪಳ: ಕೊಪ್ಪಳ ಜಿಲ್ಲೆಯ ಗಂಗಾವತಿ ತಾಲೂಕಿನ ಆನೆಗುಂದಿ ಸಮೀಪವಿರುವ ಅಂಜನಾದ್ರಿ ಬೆಟ್ಟದಲ್ಲಿ ಅಪರೂಪದ ದೃಶ್ಯವೊಂದು ಕಂಡು ಬಂದಿದೆ. ಹನುಮನ ದರ್ಶನ ಪಡೆಯಬೇಕೆಂಬ ಅಜ್ಜಿಯ ಹಂಬಲಕ್ಕೆ ಮೊಮ್ಮಗ ಆಸರೆಯಾಗಿದ್ದಾನೆ.
ಅಂಜನಾದ್ರಿ ಬೆಟ್ಟದಲ್ಲಿ ಮೊಮ್ಮಗ, ಅಜ್ಜಿಯನ್ನು ಎರಡು ಕೈಗಳಲ್ಲಿ ಹೊತ್ತು 575 ಮೆಟ್ಟಿಲು ಹತ್ತಿ ಸಹಾಸ ಮೆರೆದಿದ್ದಾನೆ. ವಯೋಸಹಜ ಅಶಕ್ತತೆಯಿಂದ ಮೆಟ್ಟಿಲು ಹತ್ತಲಾಗದ ಅಜ್ಜಿಯನ್ನು ಯುವಕ ಹೊತ್ತು ಸಾಗಿದ್ದಾನೆ.
ನನ್ನನ್ನು ಸಾಕಿದವರನ್ನು ಹೊರುವುದು ಹೊರೆಯಲ್ಲ ಎಂಬ ಮೊಮ್ಮಗನ ಪ್ರೀತಿಗೆ ನೆಟ್ಟಿಗರು ಫಿದಾ ಆಗಿದ್ದು, ಅಂಜನಾದ್ರಿಯಲ್ಲಿ ಮೈಮನ ಸೆಳೆದ ಮೊಮ್ಮಗನ ಈ ಕಾರ್ಯಕ್ಕೆ ಭಕ್ತರಿಂದ ಪ್ರಶಂಸೆಗಳ ಸುರಿಮಳೆ ಸುರಿದಿದೆ.
ಇದನ್ನೂ ಓದಿ: ರೋಗಿಯನ್ನ 2 ಗಂಟೆ ಹೊರಗೆ ನಿಲ್ಲಿಸಿದ ಮಾಲೂರು ಸರ್ಕಾರಿ ಆಸ್ಪತ್ರೆಯ ವೈದ್ಯರು – ಕ್ರಮಕ್ಕೆ ಆಗ್ರಹ


















