ಬೆಂಗಳೂರು: ಇಲ್ಲಿನ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ ಬಳಿಯ ಬೇಗೂರು ಕ್ರಾಸ್ ಬಳಿ ದೇಶದಲ್ಲೇ ಮೊಟ್ಟ ಮೊದಲ ಸೌರಶಕ್ತಿ ಇವಿ ಚಾರ್ಜಿಂಗ್ ಹಬ್ ಲೋಕಾರ್ಪಣೆಗೊಳಿಸಲಾಯಿತು.
ಇಂಧನ ಸಚಿವ ಕೆ.ಜೆ. ಜಾರ್ಜ್ ಹಾಗೂ ಕಂದಾಯ ಸಚಿವ ಕೃಷ್ಣ ಬೈರೇಗೌಡ ಸೌರಶಕ್ತಿ ಚಾಲಿತ ಇವಿ ಚಾರ್ಜಿಂಗ್ ಹಬ್ ಉದ್ಘಾಟಿಸಿದರು.
ಒಟ್ಟು 23 ಸೌರಶಕ್ತಿ ಚಾಲಿತ ಚಾರ್ಜಿಂಗ್ ಪಾಯಿಂಟ್ ಹೊಂದಿರುವ ಇವಿ ಹಬ್ ಇದಾಗಿದ್ದು, ಬೆಸ್ಕಾಂ ಇಲಾಖೆಯಿಂದ ನಿರ್ಮಾಣ ಸೌರಶಕ್ತಿ ಚಾಲಿತ ಇವಿ ಚಾರ್ಜಿಂಗ್ ಪಾಯಿಂಟ್ ಮಾಡಲಾಗಿದೆ. ಇದು ಒಂದೇ ಭಾರಿ 18 ಇವಿ ಕಾರುಗಳ ಚಾರ್ಜಿಂಗ್ ಮಾಡುವ ಸಾಮರ್ಥ್ಯ ಹೊಂದಿದೆ. ದೇಶದಲ್ಲೇ ಪ್ರಥಮ ಭಾರಿಗೆ ಸೋಲಾರ್ ಪ್ಯಾನಲ್ ಗಳನ್ನು ಬಳಿಸಿ, ಎಲೆಕ್ಟ್ರಿಕ್ ಕನ್ವರ್ಟ್ ಮಾಡಿ ಇವಿ ಚಾರ್ಜಿಂಗ್ ಮಾಡುವ ಹಬ್ ಇದಾಗಿದೆ.
ಪ್ರತಿ ಯುನಿಟ್ ಗೆ 7 ರೂ. ದರವನ್ನು ಬೆಸ್ಕಾಂ ನಿಗದಿ ಮಾಡಿದೆ. 550 ಚದರ ಅಡಿಯಲ್ಲಿ ಸೋಲಾರ್ ಪ್ಯಾನಲ್ ಗಳ ಅಳವಡಿಕೆ ಮಾಡಿ ಇವಿ ಚಾರ್ಜಿಂಗ್ ಗೆ ವಿದ್ಯುತ್ ಸೃಷ್ಟಿ ಮಾಡಲಾಗಿದೆ. ಏರ್ಪೊಟ್ ಗೆ ಬರುವ ಟ್ಯಾಕ್ಸಿಗಳಿಗೆ ಅನುಕೂಲವಾಗಲಿ ಎಂಬ ನಿಟ್ಟಿನಲ್ಲಿ ಈ ಕೇಂದ್ರವನ್ನು ನಿರ್ಮಾಣ ಮಾಡಲಾಗಿದೆ.
