ಒಟ್ಟಾವಾ : ನಿಮಗೆ ದುಷ್ಟ ಶಕ್ತಿಗಳ ಕಾಟವಿದೆ ಎಂದು ಸುಳ್ಳು ಹೇಳಿ ನಂಬಿಸಿ, ಅದಕ್ಕೆ ಪರಿಹಾರ ಕಲ್ಪಿಸುವ ಪೂಜೆಯ ಹೆಸರಿನಲ್ಲಿ ಮಹಿಳೆಯೊಬ್ಬರ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಿದ ಆರೋಪದಡಿ 50 ವರ್ಷದ ಅರ್ಚಕನೊಬ್ಬನನ್ನು ಕೆನಡಾ ಪೊಲೀಸರು ಬಂಧಿಸಿದ್ದಾರೆ.
ಅಮೆರಿಕದ ನ್ಯೂಯಾರ್ಕ್ ಮೂಲದ ರಾಜೇಂದ್ರನಾಥ್ ದೂದ್ನಾಥ್ ಮಹಾರಾಜ್ ಬಂಧಿತ ಆರೋಪಿಯಾಗಿದ್ದಾನೆ, ಕೆನಡಾದ ಒಂಟಾರಿಯೊ ಪ್ರಾಂತ್ಯದ ಒಶಾವಾ ನಗರದಲ್ಲಿ ನಡೆದ ಘಟನೆಗೆ ಸಂಬಂಧಿಸಿ ಆತನನ್ನು ಬಂಧಿಸಲಾಗಿದೆ.
ಸಂತ್ರಸ್ತ ಮಹಿಳೆಯ ಕುಟುಂಬದವರು ವಿಶೇಷ ಧಾರ್ಮಿಕ ವಿಧಿವಿಧಾನ ಹಾಗೂ ಪೂಜೆಗಳನ್ನು ನೆರವೇರಿಸಲು ನ್ಯೂಯಾರ್ಕ್ನಿಂದ ಈ ಅರ್ಚಕನನ್ನು ಕೆನಡಾಕ್ಕೆ ಕರೆಸಿಕೊಂಡಿದ್ದರು. ಆದರೆ, ಪೂಜೆಯ ವೇಳೆಯಲ್ಲಿ ಆಕೆಗೆ ದುಷ್ಟ ಶಕ್ತಿಯ ಬಾಧೆಯಿದೆ ಎಂದು ಆರೋಪಿ ಹೆದರಿಸಿದ್ದ. ಅದಕ್ಕೆ ತಕ್ಷಣವೇ ವಿಶೇಷ ಪರಿಹಾರ ಪೂಜೆ ಮಾಡಬೇಕೆಂದು ನಂಬಿಸಿದ ಆತ, ಮಹಿಳೆಯನ್ನು ಖಾಸಗಿ ಸ್ಥಳವೊಂದಕ್ಕೆ ಕರೆದೊಯ್ದು ಈ ಕೃತ್ಯ ಎಸಗಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.
ತನಿಖೆ ಚುರುಕು
ಸಂತ್ರಸ್ತೆ ನೀಡಿದ ದೂರಿನ ಆಧಾರದ ಮೇಲೆ ತನಿಖೆ ನಡೆಸಿದ ಡರ್ಹಾಮ್ ಪ್ರಾಂತ್ಯದ ಪೊಲೀಸರು, ಆರೋಪಿ ರಾಜೇಂದ್ರನಾಥ್ನನ್ನು ಬಂಧಿಸಿ ಲೈಂಗಿಕ ದೌರ್ಜನ್ಯ ಪ್ರಕರಣ ದಾಖಲಿಸಿದ್ದಾರೆ. ಪ್ರಸ್ತುತ ಆತನನ್ನು ಜಾಮೀನು ವಿಚಾರಣೆಗಾಗಿ ವಶದಲ್ಲಿಡಲಾಗಿದೆ. ಈ ಅರ್ಚಕನಿಂದ ಇನ್ನೂ ಹಲವಾರು ಜನರು ವಂಚನೆ ಅಥವಾ ಲೈಂಗಿಕ ಕಿರುಕುಳಕ್ಕೆ ಒಳಗಾಗಿರುವ ಶಂಕೆ ವ್ಯಕ್ತವಾಗಿದ್ದು, ಘಟನೆಗೆ ಸಂಬಂಧಿಸಿದಂತೆ ಮಾಹಿತಿ ಇದ್ದವರು ತಕ್ಷಣವೇ ಪೊಲೀಸರನ್ನು ಸಂಪರ್ಕಿಸುವಂತೆ ಸಾರ್ವಜನಿಕರಲ್ಲಿ ಮನವಿ ಮಾಡಲಾಗಿದೆ.
ಇದನ್ನೂ ಓದಿ : ಫೆಡರಲ್ ಬ್ಯಾಂಕ್ನಲ್ಲಿ ಸೇಲ್ಸ್ ಆಫೀಸರ್ ನೇಮಕಾತಿ : ಕರ್ನಾಟಕದ 2 ಜಿಲ್ಲೆಗಳಲ್ಲಿ ಅವಕಾಶ
ಇದನ್ನೂ ಓದಿ : ಫೆಡರಲ್ ಬ್ಯಾಂಕ್ನಲ್ಲಿ ಸೇಲ್ಸ್ ಆಫೀಸರ್ ನೇಮಕಾತಿ : ಕರ್ನಾಟಕದ 2 ಜಿಲ್ಲೆಗಳಲ್ಲಿ ಅವಕಾಶ
