ವಾಷಿಂಗ್ಟನ್: ಟೈಮ್ ನಿಯತಕಾಲಿಕೆಯು 2025ರ 100 ಮಂದಿ ಪ್ರಭಾವಿಗಳ ಪಟ್ಟಿಯನ್ನು ಬಿಡುಗಡೆ ಮಾಡಿದ್ದು, ಈ ಬಾರಿ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್, ಬಾಂಗ್ಲಾದೇಶ ಮಧ್ಯಂತರ ಸರ್ಕಾರದ ಮುಖ್ಯಸ್ಥ ಮೊಹಮ್ಮದ್ ಯೂನುಸ್, ಉದ್ಯಮಿ ಎಲಾನ್ ಮಸ್ಕ್ ಮುಂತಾದ ಪ್ರಮುಖರು ಸ್ಥಾನ ಪಡೆದಿದ್ದಾರೆ. ಅಚ್ಚರಿಯೆಂದರೆ, ಟಾಪ್ 100 ಪ್ರಭಾವಿಗಳ ಪಟ್ಟಿಯಲ್ಲಿ ಸ್ಥಾನ ಪಡೆಯುವಲ್ಲಿ ಈ ಬಾರಿ ಭಾರತದ ಪ್ರಧಾನಮಂತ್ರಿ ನರೇಂದ್ರ ಮೋದಿಯವರು ವಿಫಲರಾಗಿದ್ದಾರೆ. ಅಲ್ಲದೇ, ಭಾರತೀಯರ ಪೈಕಿ ಯಾರೊಬ್ಬರೂ ಈ ಪಟ್ಟಿಯಲ್ಲಿ ಸ್ಥಾನ ಪಡೆದಿಲ್ಲ.
ವಿಶ್ವದ ಟಾಪ್ ರಾಜಕೀಯ ನಾಯಕರು
ಡೊನಾಲ್ಡ್ ಟ್ರಂಪ್, ಎಲಾನ್ ಮಸ್ಕ್, ಜೆಡಿ ವ್ಯಾನ್ಸ್, ಕ್ಲೌಡಿಯಾ ಶೆನ್ಬಾಮ್, ಟೆಡ್ರೊಸ್ ಅಧಾನೊಮ್ ಘೆಬ್ರೆಯೆಸಸ್, ಜೇವಿಯರ್ ಮಿಲೆ, ಕೀರ್ ಸ್ಟಾರ್ಮರ್, ರಾಬರ್ಟ್ ಎಫ್ ಕೆನಡಿ ಜೂನಿಯರ್, ಮರಿಯಾ ಕೊರಿನಾ ಮಚಾಡೋ, ಫ್ರೆಡ್ರಿಕ್ ಮೆರ್ಜ್, ಡುಮಾ ಬೊಕೊ, ತೆರೇಸಾ ರಿಬೆರಾ, ಹೊವಾರ್ಡ್ ಲುಟ್ನಿಕ್, ರಸೆಲ್ ವೋಟ್, ಅಹ್ಮದ್ ಅಲ್-ಶರಾ, ಲೀ ಜೇ-ಮ್ಯುಂಗ್, ಮೊಹಮ್ಮದ್ ಯೂನುಸ್ ಮತ್ತಿತರರು ಈ ಪಟ್ಟಿಯಲ್ಲಿದ್ದಾರೆ.
7ನೇ ಬಾರಿ ಟ್ರಂಪ್ಗೆ ಸ್ಥಾನ
ಡೊನಾಲ್ಡ್ ಟ್ರಂಪ್ 7 ನೇ ಬಾರಿಗೆ ಈ ಪಟ್ಟಿಯಲ್ಲಿ ಸ್ಥಾನ ಪಡೆದಿದ್ದಾರೆ. ಇವರಲ್ಲದೇ ಎಲಾನ್ ಮಸ್ಕ್ 6 ಬಾರಿ, ಮಾರ್ಕ್ ಜುಕರ್ಬರ್ಗ್ (5), ಸೆರೆನಾ ವಿಲಿಯಮ್ಸ್ (3), ಲಾರ್ನ್ ಮೈಕೆಲ್ಸ್ (3), ಸಿಮೋನ್ ಬೈಲ್ಸ್ (3), ಕ್ರಿಸ್ಟನ್ ವಿಗ್ (2), ಎಡ್ ಶೀರನ್ (2), ಟೆಡ್ರೊಸ್ ಅಧಾನೊಮ್ ಘೆಬ್ರೆಯೆಸಸ್ (2), ಡೆಮಿಸ್ ಹಸ್ಸಾಬಿಸ್ (2), ಸ್ಕಾರ್ಲೆಟ್ ಜೋಹಾನ್ಸನ್ (2), ಮೆಗನ್ ಕೆಲ್ಲಿ (2), ಬ್ಲೇಕ್ ಲೈವ್ಲಿ (2), ಜೇವಿಯರ್ ಮಿಲೀ (2), ಮಿಯುಸಿಯಾ ಪ್ರಾಡಾ (2), ಜೋ ರೊಗಾನ್ (2), ಟೆಡ್ ಸರಾಂಡೋಸ್ 2 ಬಾರಿ ಈ ಪಟ್ಟಿಯಲ್ಲಿ ಕಾಣಿಸಿಕೊಂಡಿದ್ದಾರೆ.
ವಿವಿಧ ಕ್ಷೇತ್ರಗಳ ಸೆಲೆಬ್ರಿಟಿಗಳು
TIME100 ವಾರ್ಷಿಕ ಪಟ್ಟಿಯಲ್ಲಿ ಶೋಂಡಾ ರೈಮ್ಸ್, ವಿಲ್ ಫೆರೆಲ್, ಅಲಿ ರೈಸ್ಮನ್, ಮಿಚೆಲ್ ಯೋಹ್, ಗ್ಲೋರಿಯಾ ಸ್ಟೀನೆಮ್, ನೋಹ್ ಕಹಾನ್, ಆಮಿ ಪೋಹ್ಲರ್, ಡೆರೆಕ್ ಜೆಟರ್ ಸೇರಿದಂತೆ ಅನೇಕರು ಸ್ಥಾನ ಪಡೆದಿದ್ದಾರೆ.
ಪ್ರಭಾವಿ ಮಹಿಳೆಯರು
ಈ ವರ್ಷದ ಪಟ್ಟಿಯಲ್ಲಿ ಸಿಮೋನ್ ಬೈಲ್ಸ್, ಸ್ಕಾರ್ಲೆಟ್ ಜೋಹಾನ್ಸನ್, ಸೆರೆನಾ ವಿಲಿಯಮ್ಸ್, ಕ್ರಿಸ್ಟನ್ ಬೆಲ್, ರಶೀದಾ ಜೋನ್ಸ್, ಬ್ಲೇಕ್ ಲೈವ್ಲಿ, ನಿಕ್ಕಿ ಗ್ಲೇಸರ್, ಬಾಬಿ ಬ್ರೌನ್, ಸಾಂಡ್ರಾ ಡಯಾಜ್, ವೆಂಡಿ ಫ್ರೀಡ್ಮನ್, ರೇಷ್ಮಾ ಕೆವಲ್ರಮಣಿ, ಇಸ್ಮಹಾನೆ ಎಲೋಫಿ, ಫಾತೌ ಬಾಲ್ಡೆ, ಜೂಲಿ ಬುರ್ಖಾರ್ಟ್, ನೋವಾ ಅರ್ಗಮಾನಿ, ಬೋನಿ ವೈ ಚಾನ್, ಲಿಸಾ ಸು ಮತ್ತಿತರರು ಪ್ರಭಾವಿ ಮಹಿಳೆಯರೆಂದು ಗುರುತಿಸಿಕೊಂಡಿದ್ದಾರೆ.
