ಬೆಂಗಳೂರು : ಕರ್ನಾಟಕದ ಬೆಂಗಳೂರು ಸೇರಿ ರಾಜ್ಯಾದ್ಯಂತ ಪ್ರಮುಖ ನಗರಗಳಲ್ಲಿ ಡಿಮಾರ್ಟ್ ಗಳಿವೆ. ಜನರು ದಿನಸಿ ವಸ್ತುಗಳನ್ನು ಖರೀದಿಸಲು ಹೆಚ್ಚಾಗಿ ಡಿಮಾರ್ಟ್ ಗಳಿಗೆ ತೆರಳುತ್ತಾರೆ. ಆದರೆ, ಡಿಮಾರ್ಟ್ ಗಳಲ್ಲಿ ಶಾಪಿಂಗ್ ಮಾಡುವವರಿಗೆ ಕೆಲವು ಸೀಕ್ರೆಟ್ಸ್ ಗೊತ್ತಿಲ್ಲ. ನಿಗದಿತ ದಿನಗಳಂದು ಡಿಮಾರ್ಟ್ ಗಳಲ್ಲಿ ಅಗತ್ಯ ವಸ್ತುಗಳನ್ನು ಖರೀದಿಸಿದರೆ ಭರ್ಜರಿ ಡಿಸ್ಕೌಂಟ್ ಹಾಗೂ ಬೈ ಒನ್, ಗೆಟ್ ಒನ್ ಆಫರ್ ಸಿಗುತ್ತದೆ. ಅದು ಯಾವ ದಿನ ಎಂಬುದರ ಮಾಹಿತಿ ಇಲ್ಲಿದೆ.
ಸಾಮಾನ್ಯವಾಗಿ ವಾರಾಂತ್ಯದಲ್ಲಿ (ಶುಕ್ರವಾರದಿಂದ ಭಾನುವಾರದವರೆಗೆ) ಡಿಮಾರ್ಟ್ ನಲ್ಲಿ ಅತಿ ಹೆಚ್ಚು ಜನಸಂದಣಿ ಇರುತ್ತದೆ. ಈ ದಿನಗಳಲ್ಲಿ ವಿಶೇಷ ರಿಯಾಯಿತಿಗಳು ಅಥವಾ ‘ಬೈ 1 ಗೆಟ್ 1 ಫ್ರೀ’ ಆಫರ್ ಗಳು ಲಭ್ಯ ಇರುತ್ತವೆ. ಆದರೆ, ಈ ದಿನಗಳಲ್ಲಿ ಬಿಲ್ಲಿಂಗ್ ಕೌಂಟರ್ ಗಳಲ್ಲಿ ಗಂಟೆಗಟ್ಟಲೆ ಕಾಯಬೇಕಾಗುತ್ತದೆ. ಇದರಿಂದ ತಪ್ಪಿಸಿಕೊಳ್ಳಲು ಸೋಮವಾರದಿಂದ ಗುರುವಾರದವರೆಗಿನ ವಾರದ ದಿನಗಳಲ್ಲಿ ಶಾಪಿಂಗ್ ಮಾಡುವುದು ಉತ್ತಮ.
ಅಲ್ಲದೆ, ಅಂಗಡಿ ಬಾಗಿಲು ತೆರೆಯುವ ಬೆಳಗಿನ ಜಾವ ಅಥವಾ ಮಧ್ಯಾಹ್ನ 12 ರಿಂದ 3 ಗಂಟೆಯ ಒಳಗೆ ಭೇಟಿ ನೀಡುವುದರಿಂದ ಜನದಟ್ಟಣೆಯಿಂದ ಕಡಿಮೆ ಇರುತ್ತದೆ ಮತ್ತು ಶಾಂತವಾಗಿ ವಸ್ತುಗಳನ್ನು ಆಯ್ಕೆ ಮಾಡಿಕೊಳ್ಳಬಹುದು. ಕೆಲವು ವಿಶಿಷ್ಟ ಮಾರಾಟ ಮತ್ತು ಕ್ಲಿಯರೆನ್ಸ್ ಸೇಲ್ ಗಳ ದಿನಗಳಂದು (ಸೋಮವಾರದಿಂದ ಗುರುವಾರ) ಭೇಟಿ ನೀಡುವುದು ಹೆಚ್ಚಿನ ಉಳಿತಾಯಕ್ಕೆ ಸಹಕಾರಿಯಾಗುತ್ತದೆ.
ಮನೆ ಬಿಡುವ ಮುನ್ನ ಹೀಗೆ ಮಾಡಿ…
ಮನೆ ಬಿಡುವ ಮುನ್ನ ‘ಡಿಮಾರ್ಟ್ ರೆಡಿ’ ಆ್ಯಪ್ ಮೂಲಕ ವಸ್ತುಗಳ ಬೆಲೆ ಮತ್ತು ಲಭ್ಯವಿರುವ ಆಫರ್ಗಳನ್ನು ಪರಿಶೀಲಿಸಿ. ಬಜೆಟ್ ಮೀರದಂತೆ ಅಗತ್ಯವಿರುವ ವಸ್ತುಗಳ ಪಟ್ಟಿಯನ್ನು ಸಿದ್ಧಪಡಿಸಿಕೊಂಡು ಹೋದರೆ, ಅನಗತ್ಯ ಖರ್ಚಿಗೆ ಕಡಿವಾಣ ಹಾಕಬಹುದು. ರಿಯಾಯಿತಿ ಇದೆ ಎಂದ ಮಾತ್ರಕ್ಕೆ ಬೇಕಾದುದನ್ನೆಲ್ಲ ಖರೀದಿಸುವ ಬದಲು, ನಿಮ್ಮ ಜೇಬಿಗೆ ಹೊರೆಯಾಗದಂತೆ ಸ್ಮಾರ್ಟ್ ಆಗಿ ಶಾಪಿಂಗ್ ಮಾಡುವುದು ಹಣ ಉಳಿಸಲು ಉತ್ತಮ ಮಾರ್ಗವಾಗಿದೆ.
ಇದನ್ನೂ ಓದಿ : ಚೆನ್ನೈ ಸೂಪರ್ ಕಿಂಗ್ಸ್ ಮುಖ್ಯ ಕೋಚ್ ಹುದ್ದೆ ನಿರಾಕರಿಸುವಂತೆ ದಿನೇಶ್ ಕಾರ್ತಿಕ್ಗೆ ಬದರಿನಾಥ್ ಸಲಹೆ
