ಇರಾನ್ ಸರ್ವನಾಶಕ್ಕೆ ಮುನ್ನುಡಿ ಬರೆದ ಅಮೆರಿಕ: ಯುದ್ಧರಂಗಕ್ಕೆ ಜಗತ್ತಿನ ಅತ್ಯಂತ ದುಬಾರಿ ಫೈಟರ್ ಜೆಟ್

ಇಂದು, ನಾಳೆ ಅಂತಿದ್ದ ಆ ಗಳಿಗೆ ಕಡೆಗೂ ಬಂದೇ ಬಿಟ್ಟಿದೆ. ಅಮೆರಿಕದ ಕಾದು ನೋಡುವ ತಾಳ್ಮೆಯೂ ಅಂತ್ಯವಾಗಿದೆ. ಕಟ್ಟಕಡೆಯ ವಾರ್ನಿಂಗೂ ಜಗ್ಗದ ಇರಾನ್ ಸರ್ವೋಚ್ಛ ನಾಯಕ ಖಮೇನಿ ಖೇಲ್ ಖತಂಗೆ ಅಮೆರಿಕ ಯುದ್ಧರಂಗ ಪ್ರವೇಶಿಸಿದೆ. ಈ ಮೂಲಕ ಇರಾನ್ ಮತ್ತು ಇಸ್ರೇಲ್ ನಡುವಿನ ದಾಯಾದಿ ಕಲಹವೀಗ ಅಮೆರಿಕದ ಹೆಗಲಿಗೇರಿದೆ.

ಇರಾನ್ ಅಣ್ವಸ್ತ್ರ ಕೇಂದ್ರಗಳನ್ನು ಉಡಾಯಿಸಿದ ಬಿ 2 ವಿಮಾನ
ಬಂಕರ್ ಬ್ಲಸ್ಟರ್ ಆರ್ಭಟಕ್ಕೆ ಇರಾನ್ ಅಣ್ವಸ್ತ್ರ ನಗರಿ ಬೂದಿ
2009ರವರೆಗೂ ಇರಾನ್ ನಲ್ಲಿ ಅಣ್ವಸ್ತ್ರ ಪರೀಕ್ಷೆ ನಡೆದಿದೆ ಅನ್ನೋ ಮಾಹಿತಿ ಜಗತ್ತಿಗೆ ಗೊತ್ತಾಗಿರ್ಲಿಲ್ಲ. ಆದ್ರೆ, ಇರಾನ್ ಪೋರ್ಡೋ ದಲ್ಲಿ ಅತ್ಯಂತ ನಿಗೂಢವಾಗಿ ಭೂಗತ ಅಣ್ವಸ್ತ್ರ ನಗರಿಯನ್ನೇ ಸೃಷ್ಟಿ ಮಾಡಿತ್ತು. ಇದಾಗ ಬಳಿಕ ಜಾಗತಿಕ ಅಣ್ವಸ್ತ್ರ ನಿಷೇಧ ಸಂಸ್ಥೆಯ ಕಣ್ಗಾಲಿಗೆ ಬಂದ ಇರಾನ್, ಹತ್ತಾರು ಎಚ್ಚರಿಕೆ ಬಳಿಕವೂ ಯುರೇನಿಯಂ ಸಂಸ್ಕರಣವನ್ನು ನಿಲ್ಲಿಸಲಿಲ್ಲ. ಇದು ಅಮೆರಿಕಕ್ಕೆ ದಿಗಿಲು ತಂದಿತ್ತು.

ಇಂದು ಇರಾನ್ ಸಂಸ್ಕರಿಸಿರುವ ಯುರೇನಿಯಂನಲ್ಲಿ ಕನಿಷ್ಠ ನಾಲ್ಕು ಶಕ್ತಿಶಾಲಿ ಪರಮಾಣು ಬಾಂಬ್ ಗಳನ್ನು ರೂಪಿಸಬಹುದಾಗಿದೆ. ಇದೇ ಆತಂಕ ಅಮೆರಿಕವನ್ನು ಇನ್ನಿಲ್ಲದಂತೆ ಕಾಡಿದ್ದು ಸುಳ್ಳಲ್ಲ. ಇದರ ಭಾಗವಾಗಿಯೇ ಎನ್ನುಂತೀಗ ಅಮೆರಿಕ ಆಪರೇಷನ್ ಮಿಡ್ ನೈಟ್ ಹ್ಯಾಮರ್ ಆರಂಭಿಸಿದ್ದು, ತನ್ನ ಬತ್ತಳಿಯ ಅತ್ಯಂತ ಪ್ರಭಾವಿ ಯುದ್ಧ ವಿಮಾನ ಬಿ 2 ಸ್ಟೆಲ್ತ್ ನ್ನು ಸಮರಾಂಗಣಕ್ಕೆ ಇಳಿಸಿದೆ.

ಏನಿದು ಬಿ2 ಸ್ಟೆಲ್ತ್ ಯುದ್ಧ ವಿಮಾನದ ವಿಶೇಷತೆ
ಬಂಕರ್ ಬ್ಲಸ್ಟರ್ ನ ತಾಕತ್ತಾದ್ರು ಏನು ಗೊತ್ತಾ
ಜಗತ್ತಿನ ಅತ್ಯಂತ ದುಬಾರಿ ವಿಮಾನ ಅನ್ನೋ ಶ್ರೇಯ ಈ ಬಿ2ಗೆ ಸೇರುತ್ತೆ. ಅಂದಾಜು 18 ಸಾವಿರ ಕೋಟಿ ಬೆಲೆ ಬಾಳೋ ಈ ವಿಮಾನ ಯಾವುದೇ ದೇಶದ ರೆಡಾರ್ ಗೂ ಸುಳಿವು ನೀಡದೆ ಶತ್ರುಗಳನ್ನು ಸಂಹರಿಸುತ್ತೆ. ಒಮ್ಮೆ ವಿಮಾನದ ಟ್ಯಾಂಕ್ ತೈಲದಿಂದ ಸಂಪೂರ್ಣ ಭರ್ತಿಯಾದ್ರೆ 11 ಸಾವಿರ ಕಿಲೋಮೀಟರ್ ನಿರಂತರವಾಗಿ ಹಾರಾಟ ನಡೆಸಬಲ್ಲದು. ಅಷ್ಟೇ ಅಲ್ಲಾ ಅನಿವಾರ್ಯತೆ ಬಂದ್ರೆ ಆಗಸದಲ್ಲೇ ಇಂಧನವನ್ನು ಮರುಭರ್ತಿ ಮಾಡಿಕೊಳ್ಳೋ ಸಾಮರ್ಥ್ಯ ಹೊಂದಿದೆ. ಅಷ್ಟೇ ಅಲ್ಲಾ 14 ಸಾವಿರ ಕೆಜಿ ತೂಕದ ಬಾಂಬ್ ಗಳನ್ನು ಹೊತ್ತು ಸಾಗುವ ತಾಕತ್ತು ಈ ಬಿ2ಗಿದೆ. ಇದರೊಟ್ಟಿಗೆ ಅಣ್ವಸ್ತ್ರ ಸಿಡಿತಲೆಯನ್ನೂ ಈ ವಿಮಾನ ಹೊತ್ತು ಸಾಗಬಲ್ಲದಾಗಿದೆ.

ಇರಾನ್ ಮೇಲೆ ಸ್ಫೋಟಿಸಿದ ಟಾಮ್ ಹಾಕ್ ಕ್ಷಿಪಣಿ
25 ನಿಮಿಷ 3 ಅಸ್ವಸ್ತ್ರ ಕೇಂದ್ರಗಳು ಸುಟ್ಟು ಬೂದಿ
ಇರಾನಿನ ಅಣ್ವಸ್ತ್ರ ಕೇಂದ್ರಗಳನ್ನು ಸುಟ್ಟು ಬೂದಿ ಮಾಡಿದ್ದು ಬಂಕರ್ ಬ್ಲಸ್ಟರ್ ಬಾಂಬ್ ಗಳು. ಹೆಸರೇ ಸೂಚಿಸವಂತೆ 300ರಿಂದ 500 ಅಡಿ ಆಳದರಲ್ಲಿರುವ ಗುರಿಯನ್ನು ಸರ್ವನಾಶ ಮಾಡೋ ತಾಕತ್ತು ಈ ಬಂಕರ್ ಬ್ಲಸ್ಟರ್ ಗಳಿಗಿದೆ. ಇಂಥಾ ಬಾಂಬ್ ಗಳು ಅಮೆರಿಕ ಹೊರತುಪಡಿಸಿ ಬ್ಯಾರ್ಯಾವ ದೇಶದ ಬಳಿಯೂ ಇಲ್ಲಾ ಅನ್ನೋದು ವಿಶೇಷ. ಹಾಗಾಗಿಯೇ ಅಮೆರಿಕ ಯುದ್ಧರಂಗ ಪ್ರವೇಶಿಸೋ ಅನಿವಾರ್ಯತೆ ಇಸ್ರೇಲ್ ಗೂ ಇತ್ತು.

ಅಣ್ವಸ್ತ್ರ ನಗರಿಯನ್ನೇ ಸುಟ್ಟು ಕರಕಲಾಗಿಸಿರುವ ಈ ಬಂಕರ್ ಬ್ಲಸ್ಟರ್ ಗಳು, 20 ಅಡಿ ಉದ್ದ, 14 ಸಾವಿರ ಕೆಜಿ ತೂಕದ್ದಾಗಿವೆ. ಕೇವಲ ಬಂಕರ್ ಬ್ಲಸ್ಟರ್ ಗಳಷ್ಟೇ ಅಲ್ಲಾ, ಅಮೆರಿಕದ ನೌಕಾ ಪಡೆಗಳು ಸಿಡಿಸಿದ ಟಾಮ್ ಹಾಕ್ ಕ್ಷಿಪಣಿಗಳೂ ಇರಾನ್ ಗೆ ಅಂತಿಮ ಚರಣ ಬರೆದಿವೆ. ಶಬ್ಧಕ್ಕಿಂತ ಸ್ವಲ್ಪ ಕಡಿಮೆ ವೇಗದಲ್ಲಿ ಸಾಗೋ ಈ ಟಾಮ್ ಹಾಕ್ ಗಳು, ಗಂಟೆಗೆ 880 ಕಿಲೋಮೀಟರ್ ವೇಗದಲ್ಲಿ ಸಾಗುತ್ತವೆ. 1600 ಕೆಜಿ ತೂಕದ ಈ ಟಾಮ್ ಹಾಕ್ 1600 ಕಿಲೋಮೀಟರ್ ದೂರದ ಗುರಿಯನ್ನೂ ಉಡಾಯಿಸೋ ಶಕ್ತಿ ಹೊಂದಿವೆ. ಒಟ್ನಲ್ಲಿ, ಅಮೆರಿಕದ ಈ ಸರ್ವಶಕ್ತ ದಾಳಿ ಇರಾನ್ ಪಾಲಿಗೆ ಸರ್ವನಾಶದ ಕರೆಗಂಟೆಯಾಗಿರೋದು ಕಟು ಸತ್ಯ.