ಬೆಂಗಳೂರಿನಲ್ಲಿ ಹಾಡಹಗಲೇ ವೀಲ್ಹಿಂಗ್ ಪುಂಡರ ಹಾವಳಿ ತೀವ್ರಗೊಂಡಿದ್ದು, ಸಾರ್ವಜನಿಕರು ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಜಯನಗರದ ನ್ಯಾಷನಲ್ ಕಾಲೇಜು ಬಳಿ ಈ ಭೀಕರ ಘಟನೆ ನಡೆದಿದೆ. ಇಷ್ಟು ದಿನ ಕತ್ತಲಾಗುತ್ತಿದ್ದಂತೆ ರಾತ್ರಿ ವೇಳೆಯಲ್ಲಿ ವೀಲ್ಹಿಂಗ್ ಮಾಡುತ್ತಿದ್ದ ಪುಂಡರು, ಇದೀಗ ರಾಜರೋಷವಾಗಿ ಯಾರ ಭಯವೂ ಇಲ್ಲದೇ ಹಾಡಹಗಲೇ ವೀಲ್ಹಿಂಗ್ ನಡೆಸುತ್ತಿದ್ದಾರೆ.
ಕೇವಲ ಸೋಶಿಯಲ್ ಮೀಡಿಯಾದಲ್ಲಿ ಲೈಕ್ಸ್ ಮತ್ತು ವೀವ್ಸ್ ಗಳಿಗಾಗಿ ವೀಲ್ಹಿಂಗ್ ದಾಹಕ್ಕೆ ಬಿದ್ದಿರುವ ಪುಂಡರು, ಈ ಹುಚ್ಚು ಸಾಹಸದ ವೀಡಿಯೋವನ್ನು ಇನ್‌ಸ್ಟಾಗ್ರಾಂ ನಲ್ಲಿ ಪೋಸ್ಟ್ ಮಾಡಿದ್ದಾರೆ.
