ಪಾಕಿಸ್ತಾನಕ್ಕೆ ಈಗ ಗ್ರಹಚಾರ ಕೆಟ್ಟು ನಿಂತ ಪರಿಸ್ಥಿತಿ ಬಂದಿದೆ. ಪಹಲ್ಗಾಮ್ ಹೆಸರಿನಲ್ಲಿ ಭಾರತವನ್ನು ಕೆಣಕಿ ಹಿಗ್ಗಾಮುಗ್ಗಾ ಒದೆ ತಿಂದು ಮಲಗಿದಂತಾಗಿದೆ.
ಆಪರೇಷನ್ ಸಿಂಧೂರ್ ಪಾಕ್ ಜೀವನ ಪರ್ಯಂತ ಮರೆಯಲಾಗದಷ್ಟು ಪೆಟ್ಟು ನೀಡಿದೆ. ಇದೀಗ ಭಾರತ ಮಾತ್ರವಲ್ಲ, ಬಲೂಚಿಸ್ತಾನ ಕೂಡ ಮುಗಿ ಬಿದ್ದಿದೆ. ಬಿಎಲ್ಎ (ಬಲೂಚ್ ಲಿಬರೇಷನ್ ಆರ್ಮಿ) ಪಡೆ ಪಾಕಿಸ್ತಾನಿ ಸೇನಾ ವಾಹನದ ಮೇಲೆ ಡೆಡ್ಲಿ ಅಟ್ಯಾಕ್ ನಡೆಸಿ 12 ಸೈನಿಕರನ್ನ ಖತಂ ಮಾಡಿದೆ. ಪಾಕಿಸ್ತಾನದ ನೈಋತ್ಯ ಪ್ರಾಂತ್ಯದ ಬಲೂಚಿಸ್ತಾನದ ಕಚ್ಚಿ ಜಿಲ್ಲೆಯ ಮಾಚ್ ಪ್ರದೇಶದಲ್ಲಿ ಐಇಡಿ ದಾಳಿ ನಡೆಸಲಾಗಿದೆ.
ಬಲೂಚ್ ಲಿಬರೇಶನ್ ಆರ್ಮಿಯ ವಿಶೇಷ ಕಾರ್ಯಾಚರಣೆ ಸ್ಕ್ವಾಡ್ ಈ ಭೀಕರ ದಾಳಿ ಮಾಡಿದೆ. ರಿಮೋಟ್ ಕಂಟ್ರೋಲ್ಡ್ ಐಇಡಿಯೊಂದಿಗೆ ಬೃಹತ್ ಸ್ಫೋಟ ನಡೆಸಿದೆ. ಪಾಕ್ ಸೈನಿಕರು ಮಿಲಿಟರಿ ಕಾರ್ಯಾಚರಣೆಗೆ ಸಂದರ್ಭದಲ್ಲಿ ಈ ಅಟ್ಯಾಕ್ ನಡೆದಿದೆ. ಕಳೆದ ಮಂಗಳವಾರವೇ ಈ ದಾಳಿ ನಡೆದಿದ್ದು, ಇದೀಗ ಆ ದೃಶ್ಯಗಳನ್ನು ಬಿಎಲ್ ಎ ರಿಲೀಸ್ ಮಾಡಿದೆ.
ಈ ವಿಡಿಯೋದಲ್ಲಿ ಬಲೂಚ್ ಲಿಬರೇಷನ್ ಆರ್ಮಿ ಸದಸ್ಯರು ಪ್ಲಾನ್ ಮಾಡುತ್ತಿರುವುದು ನಂತರ ವಾಹನ ಸ್ಫೋಟಗೊಳ್ಳುವ ದೃಶ್ಯಗಳಿವೆ. ಐಇಡು ಸ್ಫೋಟಗೊಳ್ತಿದ್ದಂತೆ ಪಾಕ್ ಸೈನಿಕರಿದ್ದ ವಾಹನ ಸಂಪೂರ್ಣ ಛಿದ್ರ ಛಿದ್ರವಾಗುತ್ತೆ.
