ಭಾರತದ ಆಪರೇಷನ್ ಸಿಂಧೂರ್ ಬಳಿಕ ಸಿಂಧೂರ ಎಂಬ ಹೆಸರಿಗೆ ಎಲ್ಲಿಲ್ಲದ ಬೇಡಿಕೆ ಶುರುವಾಗಿದೆ. ಮೇ 7ರ ನಂತ್ರ ಜನಿಸಿದ ಹೆಣ್ಣು ಮಗುವಿಗೆ ಪೋಷಕರು ಸಿಂಧೂರ ಅಂತಾ ಹೆಸರಿಡಲು ಮುಂದಾಗಿದ್ದಾರೆ. ಉತ್ತರ ಭಾರತ ಮತ್ತು ದಕ್ಷಿಣ ಭಾರತದಲ್ಲೀಗ ಸಿಂಧೂರ ಹೆಸರಿನ ಟ್ರೆಂಡ್ ಶುರುವಾಗಿದ್ದು, ಪೋಷಕರು ತಮ್ಮ ಮಕ್ಕಳಿಗೆ ಸಿಂಧೂರ್, ಸಿಂಧೂರ, ಸಿಂಧೂರಿ ಅಂತಾ ನಾಮಕರಣ ಮಾಡುತ್ತಿದ್ದಾರೆ.
ಇನ್ನು ಕೆಲವರು ಜೋತಿಷ್ಯ ಶಾಸ್ತ್ರದ ಮೊರೆ ಹೋಗಿದ್ದು, ಸಿಂಧೂರ ಹೆಸರನ್ನಿಟ್ರೆ ಒಳಿತಾ ಅನ್ನೋ ಅಭಿಪ್ರಾಯ ಸಂಗ್ರಹಿಸಲು ಮುಂದಾಗಿದ್ದಾರೆ. ಈ ನಡುವೆ, ಸಿಂಧೂರ ಅಂದ್ರೆ ಶಕ್ತಿ, ಧೈರ್ಯ, ಪರಾಕ್ರಮದ ಅರ್ಥಗಳಿವೆ. ಹಣೆಯಲ್ಲಿ ಸಿಂಧೂರ ಇದ್ರೆ ದೇಹದೊಳಗೆ ನೆಗೆಟಿವ್ ಎನರ್ಜಿ ಪಾಸ್ ಆಗಲ್ಲ ಎನ್ನುವ ನಂಬಿಕೆಯೂ ಇದೆ. ಸಿಂಧೂರ ಹೆಸರಿಟ್ಟರೆ ಮಕ್ಕಳ ಭವಿಷ್ಯ ಉಜ್ವಲವಾಗಿರುತ್ತೆ. ಸಂಪತ್ತು, ಸೌಭಾಗ್ಯ ಎಲ್ಲನೂ ಸಿಗುತ್ತೆ. ಮಕ್ಕಳಿಗೆ ಸಿಂಧೂರ ಎಂದು ಹೆಸರಿಡಬಹುದು ಎಂದು ಜ್ಯೋತಿಷಿಗಳು ಹೇಳ್ತಿದ್ದಾರೆ. ಕಳೆದ 2 ದಿನಗಳಲ್ಲಿ ಬಿಹಾರದ 12 ಪೋಷಕರು ತಮ್ಮ ಮಕ್ಕಳಿಗೆ ಸಿಂಧೂರ ಹೆಸರಿನ ನಾಮಕರಣ ಮಾಡಿದ್ರೆ, ಬೆಂಗಳೂರಿನಲ್ಲೂ 10ಕ್ಕೂ ಹೆಚ್ಚು ದಂಪತಿಗಳು ತಮ್ಮ ಕಂದಮ್ಮನಿಗೆ ಸಿಂಧೂರ ಹೆಸರನ್ನಿಟ್ಟು ಸಂಭ್ರಮಿಸಿದ್ದಾರೆ.
