ಬೆಂಗಳೂರು : ಸಿಲಿಕಾನ್ ಸಿಟಿ ಬೆಂಗಳೂರಲ್ಲಿ ಬಡ ಆಟೋ ಚಾಲಕನ ಮೇಲೆ ಹಿಂದಿ ಮಹಿಳೆಯೊಬ್ಬಳು ದರ್ಪ ತೋರಿದ ಆರೋಪ ಕೇಳಿ ಬಂದಿದ್ದು, ವಿಡಿಯೋ ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ಭಾರಿ ವೈರಲ್ ಆಗಿದೆ. ಮಹಿಳೆಯ ದುರ್ವತನೆ ಕಂಡು ನೆಟ್ಟಿಗರು ಕಿಡಿಕಾರಿದ್ದಾರೆ.
ಬೆಂಗಳೂರಿನ ನಗರವೊಂದರಲ್ಲಿ ಆಟೋ ಡ್ರೈವರ್ ಹಾಗೂ ಹಿಂದಿ ಭಾಷಿಗರ ನಡುವೆ ಕಿರಿಕ್ ಆಗಿದ್ದು, ವಿಡಿಯೋ ಸಿಕ್ಕಾಪಟ್ಟೆ ವೈರಲ್ ಆಗ್ತಿದೆ. ಮಹಿಳೆ ಸೇರಿ ನಾಲ್ವರು ಹಿಂದಿ ಭಾಷಿಗರು ಪ್ರಯಾಣಕ್ಕೆಂದು ಆಟೋ ಬುಕ್ ಮಾಡಿದ್ದರು. ಪ್ರಯಾಣಿಕರು ಹೆಚ್ಚಿನ ಲಗೇಜ್ ಹೊಂದಿದ್ದ ಹಿನ್ನೆಲೆ ಇಷ್ಟೊಂದು ಲಗೇಜ್ ಹಾಗೂ ಪ್ರಯಾಣಿಕರನ್ನ ಆಟೋದಲ್ಲಿ ಕೊಂಡೊಯ್ಯಲು ಆಗಲ್ಲ ಎಂದು ಚಾಲಕ ಹೇಳ್ತಿದ್ದಂತೆ ಕಿರಿಕ್ ತೆಗೆದಿದ್ದಾರೆ ಎನ್ನಲಾಗಿದೆ.
ಲಗೇಜ್ ಹೆಚ್ಚಿದೆ ಆಟೋದಲ್ಲಿ ಆಗಲ್ಲ ಎಂಬ ಕಾರಣಕ್ಕೆ ಆಟೋ ಡ್ರೈವರ್ ಮೇಲೆಯೇ ಮಹಿಳೆ ಮುಗಿಬಿದ್ದಿದ್ದು, ಡ್ರೈವರ್ಗೆ ಮನಬಂದಂತೆ ನಿಂದಿಸಿದ್ದಾರೆ. ಇದೇನು ನಿನ್ನ ಅಪ್ಪನ ರಸ್ತೆ ಅಲ್ಲ, ನಮ್ಮ ದುಡ್ಡಿನಿಂದ ನೀನು ಬದುಕುತ್ತಾ ಇರೋದು ಎಂದು ಮಹಿಳೆ ಅವಾಜ್ ಹಾಕಿದ್ದಾರೆ ಎನ್ನುವ ಆರೋಪ ಕೇಳಿ ಬಂದಿದೆ.
ನಾನು ಬುಕ್ ಮಾಡಿದ್ರೇ ನಿನ್ನ ಜೀವನ ನಡೆಯುತ್ತೆ. ಕನ್ನಡ ಅಲ್ಲ ಹಿಂದಿಯಲ್ಲಿ ಮಾತಾಡು ಎಂದು ಮಹಿಳೆ ಅವಾಜ್ ಹಾಕಿದ್ದಾರೆ. ಆಟೋ ಡ್ರೈವರ್ನನ್ನ ಮಹಿಳೆ ಬಾಯಿಗೆ ಬಂದಂತೆ ನಿಂದಿಸಿದ್ದು, ಸ್ಥಳೀಯರ ಮೊಬೈಲ್ನಲ್ಲಿ ವಿಡಿಯೋ ರೆಕಾರ್ಡ್ ಆಗಿದೆ. ಸದ್ಯ ಸೋಷಿಯಲ್ ಮೀಡಿಯಾದಲ್ಲಿ ಈ ವಿಡಿಯೋ ವೈರಲ್ ಆಗ್ತಿದೆ.
ಇದನ್ನೂ ಓದಿ : ಅಮೆರಿಕ-ಇಸ್ರೇಲ್ಗೆ ಸವಾಲಾದ ಇರಾನ್ನ ನಿಗೂಢ ನೌಕಾಪಡೆ : ಟ್ರಂಪ್ ಕಣ್ಣಿಗೆ ಬೀಳದ ‘ಕ್ಯಾಸ್ಪಿಯನ್ ಪ್ರೆಸೆನ್ಸ್’!
