ಬೆಂಗಳೂರು : ಸ್ಮಾರ್ಟ್ಫೋನ್ ಮಾರುಕಟ್ಟೆಯಲ್ಲಿ ತನ್ನದೇ ಆದ ಛಾಪು ಮೂಡಿಸಿರುವ ವಿವೋ ಸಂಸ್ಥೆಯು ಇದೀಗ ಭಾರತದಲ್ಲಿ ತನ್ನ T5 ಸರಣಿಯ ನಾಲ್ಕನೇ ಆವೃತ್ತಿಯಾಗಿ ‘ವಿವೋ T5e’ (Vivo T5e) ಅನ್ನು ಬಿಡುಗಡೆ ಮಾಡಿದೆ. ಟೆಕ್ ಪ್ರಿಯರಿಗೆ ಕೈಗೆಟುಕುವ ಬೆಲೆಯಲ್ಲಿ ಅತ್ಯುತ್ತಮ ಅನುಭವವನ್ನು ನೀಡುವ ಉದ್ದೇಶದಿಂದ ಈ ಎಂಟ್ರಿ-ಲೆವೆಲ್ ಫೋನ್ ಅನ್ನು ಪರಿಚಯಿಸಲಾಗಿದ್ದು, ಫೀಚರ್ಗಳ ಹಾಗೂ ಬ್ಯಾಟರಿ ಸಾಮರ್ಥ್ಯದ ವಿಚಾರದಲ್ಲಿ ಇದು ಗ್ರಾಹಕರ ಗಮನ ಸೆಳೆಯುತ್ತಿದೆ.
ವಿವೋ T5e ಸ್ಮಾರ್ಟ್ಫೋನ್ ಬೆಲೆ ಮತ್ತು ಲಭ್ಯತೆ
ಭಾರತದಲ್ಲಿ ವಿವೋ T5e ಸ್ಮಾರ್ಟ್ಫೋನಿನ ಬೆಲೆಯನ್ನು ಕೇವಲ 13,999 ರೂಪಾಯಿಗಳಿಗೆ ನಿಗದಿಪಡಿಸಲಾಗಿದೆ. ಸಿಂಗಲ್ ವೇರಿಯೆಂಟ್ನಲ್ಲಿ ಲಭ್ಯವಿರುವ ಈ ಫೋನ್ 4GB RAM ಹಾಗೂ 64GB ಆಂತರಿಕ ಸ್ಟೋರೇಜ್ ಸಾಮರ್ಥ್ಯವನ್ನು ಹೊಂದಿದೆ. ಗ್ರಾಹಕರು ಈ ಹೊಸ ಸ್ಮಾರ್ಟ್ಫೋನ್ ಅನ್ನು ಪ್ರಸ್ತುತ ವಿವೋ ಸಂಸ್ಥೆಯ ಅಧಿಕೃತ ಆನ್ಲೈನ್ ಸ್ಟೋರ್, ಇ-ಕಾಮರ್ಸ್ ದೈತ್ಯ ಫ್ಲಿಪ್ಕಾರ್ಟ್ (Flipkart) ಮತ್ತು ಆಫ್ಲೈನ್ ರಿಟೇಲ್ ಮಳಿಗೆಗಳ ಮೂಲಕ ಸುಲಭವಾಗಿ ಖರೀದಿಸಬಹುದಾಗಿದೆ. ಆಕರ್ಷಣೀಯವಾಗಿ ಕಾಣುವ ಏರೋ ಬ್ಲೂ (Aero Blue) ಮತ್ತು ಶ್ಯಾಡೋ ಗ್ರೇ (Shadow Grey) ಎಂಬ ಎರಡು ಬಣ್ಣಗಳ ಆಯ್ಕೆಯಲ್ಲಿ ಇದು ಮಾರುಕಟ್ಟೆಗೆ ಲಗ್ಗೆಯಿಟ್ಟಿದೆ.
ಭರ್ಜರಿ ಬ್ಯಾಟರಿ ಬ್ಯಾಕಪ್ ಹಾಗೂ ಪ್ರೊಸೆಸರ್
ಈ ಫೋನಿನ ಪ್ರಮುಖ ಆಕರ್ಷಣೆ ಎಂದರೆ 5,500mAh ಸಾಮರ್ಥ್ಯದ ಭರ್ಜರಿ ಬ್ಯಾಟರಿ. ಒಮ್ಮೆ ಪೂರ್ಣವಾಗಿ ಚಾರ್ಜ್ ಮಾಡಿದರೆ ಬರೋಬ್ಬರಿ 47 ಗಂಟೆಗಳ ಕಾಲ ನಿರಂತರ ಮ್ಯೂಸಿಕ್ ಪ್ಲೇಬ್ಯಾಕ್ ನೀಡುತ್ತದೆ ಎಂದು ವಿವೋ ಸಂಸ್ಥೆ ಹೇಳಿಕೊಂಡಿದೆ. 18 ಗಂಟೆಗಳ ಆನ್ಲೈನ್ ವಿಡಿಯೋ ಪ್ಲೇಬ್ಯಾಕ್, 13.5 ಗಂಟೆಗಳ ಸೋಶಿಯಲ್ ಮೀಡಿಯಾ ಬಳಕೆ ಮತ್ತು 28 ಗಂಟೆಗಳ ವಾಯ್ಸ್ ಕಾಲ್ ಮಾಡುವ ಅವಕಾಶವಿದ್ದು, 15W ವೈರ್ಡ್ ಫಾಸ್ಟ್ ಚಾರ್ಜಿಂಗ್ ಬೆಂಬಲವನ್ನು ಅಳವಡಿಸಲಾಗಿದೆ. ಭವಿಷ್ಯದಲ್ಲಿ 4 ವರ್ಷಗಳವರೆಗೆ ಬ್ಯಾಟರಿ ಹೆಲ್ತ್ ಉತ್ತಮವಾಗಿರಲಿದೆ ಎಂದು ಸಂಸ್ಥೆ ಖಾತರಿಪಡಿಸಿದೆ.
ಆಕ್ಟಾ-ಕೋರ್ ಯುನಿಸಾಕ್ T7225 ಚಿಪ್ಸೆಟ್ನ (Unisoc T7225) ಶಕ್ತಿಯೊಂದಿಗೆ ಇದು ಕಾರ್ಯನಿರ್ವಹಿಸಲಿದ್ದು, ವರ್ಚುವಲ್ RAM ಎಕ್ಸ್ಪ್ಯಾನ್ಶನ್ ಮೂಲಕ 4GB ವರೆಗೆ RAM ವಿಸ್ತರಿಸಿಕೊಳ್ಳುವ ಹಾಗೂ ಮೈಕ್ರೊ ಎಸ್ಡಿ ಕಾರ್ಡ್ ಮೂಲಕ 2TB ವರೆಗೆ ಸ್ಟೋರೇಜ್ ಅನ್ನು ವಿಸ್ತರಿಸಿಕೊಳ್ಳುವ ಅವಕಾಶವಿದೆ.
ಅತ್ಯಾಕರ್ಷಕ ಡಿಸ್ಪ್ಲೇ ಹಾಗೂ ಕ್ಯಾಮೆರಾ ವೈಶಿಷ್ಟ್ಯಗಳು
ಹೊಸ ವಿವೋ T5e ಸ್ಮಾರ್ಟ್ಫೋನ್ ಆಂಡ್ರಾಯ್ಡ್ 16 ಆಧಾರಿತ ಲೇಟೆಸ್ಟ್ OriginOS 6 ಮೂಲಕ ಕಾರ್ಯನಿರ್ವಹಿಸುತ್ತದೆ. 90Hz ರಿಫ್ರೆಶ್ ರೇಟ್ ಹೊಂದಿರುವ 6.74 ಇಂಚಿನ HD+ ಡಿಸ್ಪ್ಲೇ (720×1600 ಪಿಕ್ಸೆಲ್ಸ್) ಇದಕ್ಕಿದೆ. ದೂಳು ಹಾಗೂ ನೀರಿನ ಹನಿಗಳಿಂದ ರಕ್ಷಣೆ ಪಡೆಯಲು ಇದು IP64 ರೇಟಿಂಗ್ ಅನ್ನು ಹೊಂದಿದೆ. ಇನ್ನು ಫೋಟೊಗ್ರಾಫಿ ಮತ್ತು ವಿಡಿಯೊಗ್ರಾಫಿಗಾಗಿ ಫೋನಿನ ಹಿಂಭಾಗದಲ್ಲಿ 8 ಮೆಗಾಪಿಕ್ಸೆಲ್ ಸೆನ್ಸಾರ್ನ ಸಿಂಗಲ್ ಕ್ಯಾಮೆರಾವನ್ನು ನೀಡಲಾಗಿದ್ದು, ಸೆಲ್ಫಿ ಹಾಗೂ ವಿಡಿಯೋ ಕರೆಗಳಿಗಾಗಿ 5 ಮೆಗಾಪಿಕ್ಸೆಲ್ ಫ್ರಂಟ್ ಕ್ಯಾಮೆರಾವನ್ನು ಅಳವಡಿಸಲಾಗಿದೆ.
ಇದನ್ನೂ ಓದಿ : ಜಿಂಬಾಬ್ವೆ ವಿರುದ್ಧದ ಭರ್ಜರಿ ಸರಣಿ ಜಯ : ICC ಟಿ20 ಶ್ರೇಯಾಂಕದಲ್ಲಿ ಅಗ್ರಸ್ಥಾನಕ್ಕೇರಿದ ಟೀಮ್ ಇಂಡಿಯಾ!
