ಬೋಯಿಂಗ್ ಇತಿಹಾಸದಲ್ಲೇ ಅತ್ಯಂತ ಘೋರ ದುರಂತ; ಜಗತ್ತಿನ ಐಶಾರಾಮಿ ವಿಮಾನಕ್ಕೆ ಬಲು ಬೇಡಿಕೆ ಯಾಕೆ?

ಬೋಯಿಂಗ್….ನಿನ್ನೆ ಅಹಮದಾಬಾದ್ ನಲ್ಲಿ ಪತನಗೊಂಡ ವಿಮಾನ ಜಗತ್ತಿನ ಅತ್ಯಂತ ಐಷಾರಾಮಿ ಮತ್ತು ಸುರಕ್ಷಿತ ವಿಮಾನ ಅನ್ನೋ ಖ್ಯಾತಿಗೆ ಪಾತ್ರವಾಗಿದೆ. ಅಮೆರಿಕ ಮೂಲದ ಬೋಯಿಂಗ್, ಜಗತ್ತಿನ ವಿಮಾನ ಯಾನ ಕ್ಷೇತ್ರದಲ್ಲಿ ತನ್ನದೇ ಆದ ಛಾಪು ಮೂಡಿಸಿರುವ ಸಂಸ್ಥೆ. ಭಾರತ ಸೇರಿದಂತೆ ವಿಶ್ವದ ಬಹುತೇಕ ರಾಷ್ಟ್ರಗಳ ಎಲ್ಲ ವಿಮಾನ ಯಾನ ಸೇವೆಯಲ್ಲಿ ಈ ಬೋಯಿಂಗ್ ಡ್ರೀಮ್ ಲೈನರ್ ತಮ್ಮದೇ ಹವಾ ಇಟ್ಟಿವೆ.

ಬೋಯಿಂಗ್ ವಿಮಾನದ ವಿಶೇಷತೆಗಳಾದ್ರು ಏನು?

ಏರಿಂಡಿಯಾಗೆ ಬೋಯಿಂಗ್ ಸೇರ್ಪಡೆಯಾಗಿದ್ಯಾವಾಗ?

ಬೋಯಿಂಗ್ ಸಂಸ್ಥೆಯ ಈ ಡ್ರೀಮ್ ಲೈನರ್ 787 ಸರಣಿ ವಿಮಾನಗಳು ಅತ್ಯಂತ ಸುರಕ್ಷಿತ ಪ್ರಯಾಣಕ್ಕೆ ಹೇಳಿ ಮಾಡಿಸಿದಂಥವು. 2007ರಲ್ಲಿ ಮೊದಲ ಬಾರಿ ತನ್ನ ಉತ್ಪಾದನೆ ಆರಂಭಿಸಿದ ಬೋಯಿಂಗ್ ಡ್ರೀಮ್ ಲೈನರ್, ಪ್ರಯಾಣಿಕರಿಗೆ ಅಹ್ಲಾದಕರ ಪ್ರಯಾಣದ ಅನುಭವ ನೀಡ್ತವೆ. ಈ ವಿಮಾನದಲ್ಲಿ 18 ಬ್ಯುಸಿನೆಸ್ ಕ್ಲಾಸ್ ಒಳಗೊಂಡಂತೆ 238 ಎಕಾನಮಿ ಕ್ಲಾಸ್ ಸೀಟ್ ಗಳಿವೆ.

ಉತ್ಕೃಷ್ಟ ಫೈಬರ್ ಬಳಸಿ ರೂಪಿಸಲಾಗಿರುವ ವಿಮಾನ ಅನ್ಯ ವಿಮಾನಗಳ ಸಂರಚನೆಯಲ್ಲಿ ಶೇಕದಾ 20ರಷ್ಟು ಹಗುರವಾಗಿದೆ. ಬ್ಯುಸಿನೆಸ್ ಕ್ಲಾಸ್‌ನ ಸೌಲಭ್ಯಗಳ ಬಗ್ಗೆ ಹೇಳುವುದಾದರೆ, ಇದು ಫ್ಲಾಟ್-ಬೆಡ್ ಸೀಟುಗಳು, ವಿಶೇಷ ಚೆಕ್-ಇನ್ ಕೌಂಟರ್, ಲೌಂಜ್ ಪ್ರವೇಶ ಮತ್ತು ವಿಶಾಲ ಕಿಟಕಿಗಳನ್ನು ಹೊಂದಿದೆ. ಎಕಾನಮಿ ಕ್ಲಾಸ್ ಬಗ್ಗೆ ಹೇಳುವುದಾದರೆ, ಇದು ಉತ್ತಮ ತಾಪಮಾನ ಮತ್ತು ಬೆಳಕಿನ ನಿಯಂತ್ರಣ, ವಿಭಿನ್ನ ಆಹಾರ ಆಯ್ಕೆಗಳು ಮತ್ತು ಉಚಿತ ಪಾನೀಯಗಳನ್ನು ಹೊಂದಿದೆ. ಅಷ್ಟೇ ಅಲ್ಲಾ ನಿರಂತರವಾಗಿ 15 ಸಾವಿರ ಕಿಲೋಮೀಟರ್ ಹಾರಾಟ ನಡೆಸುವ ಸಾಮರ್ಥ್ಯ ಹಿಂದಿದೆ.

ಹೀಗಾಗಿಯೇ ಬಹುತೇಕ ವಿಮಾನ ಯಾನ ಸಂಸ್ಥೆಗಳು ದೂರದ ಪ್ರಯಾಣದ ಮಾರ್ಗಗಳಲ್ಲಿ ಈ ಡ್ರೀಮ್ ಲೈನರ್ ಗಳನ್ನ ಬಳಸುತ್ತವೆ. ಅಮೆರಿಕ, ಸಿಂಗಾಪುರ್, ಸಿಡ್ನಿ, ಇಂಗ್ಲೆಂಡ್ ದೇಶಗಳಿಗೆ ಈ ವಿಮಾನ ಸೇವೆಯನ್ನು ನೀಡಲಾಗ್ತಿದೆ. 2012ರಲ್ಲಿ ಮೊದಲ ಬಾರಿಗೆ ಏರಿಂಡಿಯಾಗೆ ಈ ಬೋಯಿಂಗ್ ಡ್ರೀಮ್ ಲೈನರನ್ನು ಸೇರ್ಪಡೆ ಮಾಡಿಕೊಳ್ಳಲಾಗಿದೆ.

ಏರಿಂಡಿಯಾ ಫ್ಲೀಟ್ ನಲ್ಲಿ ಇರೋ 787 ಗಳ ಸಂಖ್ಯೆ ಎಷ್ಟು?

ಒಂದು ಬೋಯಿಂಗ್ 787ನ ಬೆಲೆಯಾದ್ರು ಎಷ್ಟು ಗೊತ್ತಾ?

ಟಾಟಾ ಸಂಸ್ಥೆ ಮಾಲೀಕತ್ವದಲ್ಲಿರುವ ಏರಿಂಡಿಯಾ ದೇಶದ ಬಹುತೇಕ ಮಹಾನಗರಗಳಿಂದ ರಾಷ್ಟ್ರೀಯ ಹಾಗೂ ಅಂತಾರಾಷ್ಟ್ರೀಯ ವಿಮಾನ ಸೇವೆ ಒದಗಿಸುತ್ತಾ ಬಂದಿದೆ. ಅದ್ರಲ್ಲೂ ಏರಿಂಡಿಯಾ ತನ್ನ ಬತ್ತಳಿಕೆಯಲ್ಲಿ ಜಗತ್ತಿನ ಅತ್ಯಂತ ಐಷಾರಾಮಿ ಮತ್ತು ಏಕಕಾಲಕ್ಕೆ ಅತಿ ಹೆಚ್ಚು ಪ್ರಯಾಣಿಕರನ್ನು ಹೊತ್ತೊಯ್ಯ ಬಲ್ಲ ಸಾಮರ್ಥ್ಯದ ಬೋಯಿಂಗ್ 787-8 ಸಿರೀಸ್ ನ ವಿಮಾನಗಳನ್ನು ಹೊಂದಿದೆ. ಒಮ್ಮೆಲೇ 240ಕ್ಕೂ ಹೆಚ್ಚು ಪ್ರಯಾಣಿಕರನ್ನು ಡ್ರೀಮ್ ಲೈನರ್ ಕೊಂಡಯ್ಯಬಲ್ಲದು. 2012ರಿಂದ ಏರಿಂಡಿಯಾ ಫ್ಲೀಟ್ ನಲ್ಲಿ ಸೇವೆ ನೀಡ್ತಿರುವ ಬೋಯಿಂಗ್ 787ನ 26 ವಿಮಾನಗಳಿವೆ.

ಇನ್ನು ನೆಕ್ಸ್ಟ್ ಜನರೇಷನ್ ಮಾದರಿಯ ಬೋಯಿಂಗ್ ಅಂದ್ರೆ ಬೋಯಿಂಗ್ 787-9 ಸರಣಿಯ 20 ವಿಮಾನಗಳಿಗೆ ಏರಿಂಡಿಯಾ ಆರ್ಡರ್ ನೀಡಿದ್ದು, 2027ರ ಹೊತ್ತಿಗೆ ಸೇವೆಗೆ ಲಭ್ಯವಾಗಲಿವೆ. ಒಂದೂವರೆ ಲಕ್ಷ ಲೀಟರ್ ಇಂಧನ ಸಾಮರ್ಥ್ಯದ ಈ 787ನ ಒಂದು ವಿಮಾನದ ಬೆಲೆ ಅಂದಾಜು 15ರಿಂದ 20 ಸಾವಿರ ಕೋಟಿಗಳಾಗುತ್ತೆ. ಇಂಥಾ ಬಲು ದುಬಾರಿ ವಿಮಾನವೇ ಈಗ ದುರಂತಕ್ಕೀಡಾಗೋ ಮೂಲಕ ಬೋಯಿಂಗ್ ಡ್ರೀಮ್ ಲೈನರ್ ನಿಜಕ್ಕೂ ಸುರಕ್ಷಿತವಾ ಅನ್ನೋ ಪ್ರಶ್ನೆಯನ್ನು ಮೂಡಿಸುತ್ತಿದೆ.