ರಾಜಾಜಿನಗರದ ಸರಣಿ ನರಮೇಧ ಪ್ರಕರಣದ ಆರೋಪಿ ಸೈಕೋ ಕಿಲ್ಲರ್ ಶೇಖರ್‌ನನ್ನು ಕೋರ್ಟ್ 12 ದಿನಗಳ ಪೊಲೀಸ್ ಕಸ್ಟಡಿಗೆ ನೀಡಿದೆ. ರಕ್ಕಸ ಪಾಪಿಯನ್ನು ವಿಚಾರಣೆಗೆ ಒಳಪಡಿಸಿರುವ ಪೊಲೀಸರು, 6 ಶವಗಳ ಹುಡುಕಾಟಕ್ಕೆ ಕರೆಯೊಯ್ಯಲಿದ್ದಾರೆ. ಕೊಲೆಗೆ ಇನ್ನೂ ನಿಖರ ಕಾರಣ ಬಿಚ್ಚಿಡದ ಸೈಕೋಪಾತ್, ಪತ್ನಿ ಹಾಗೂ ಅತ್ತೆಯ ಶವಗಳನ್ನು ತಮಿಳುನಾಡಿನ ಸೇಲಂನಲ್ಲಿ ಬಿಸಾಡಿದ್ದಾಗಿ ಹೇಳಿಕೆ ನೀಡಿದ್ದಾನೆ.
ಈ ಹಿನ್ನೆಲೆಯಲ್ಲಿ ಆರೋಪಿಯನ್ನು ತಮಿಳುನಾಡಿನ ಸೇಲಂಗೆ ಕರೆದೊಯ್ದಿದ್ದಾರೆ ಎನ್ನಲಾಗಿದೆ. ಸ್ಥಳೀಯ ಪೊಲೀಸರ ನೆರವು ಪಡೆದು ಶವಗಳ ಶೋಧ ನಡೆಸಲಾಗುತ್ತದೆ. ಮೃತರ ಕೆಲ ಸಂಬಂಧಿಕರನ್ನೂ ಸೇಲಂಗೆ ಕರೆದೊಯ್ಯುವ ಸಾಧ್ಯತೆಯಿದೆ. ಆರೋಪಿ ಶೇಖರ್ ಹೇಳುವ ಜಾಗದಲ್ಲಿ ಪೊಲೀಸರು ಶೋಧ ನಡೆಸಲಿದ್ದಾರೆ.
