ಹೆಮ್ಮಾಡಿ- ಮೂವತ್ತುಮುಡಿ ಸಮೀಪದ ಅರಾಟೆ ಸೇತುವೆ ಬಳಿ ಅಪಘಾತ: ಮೂವರ ಸ್ಥಿತಿ ಗಂಭೀರ
ಕುಂದಾಪುರ:ರಾಷ್ಟ್ರೀಯ ಹೆದ್ದಾರಿ 66 ರ ಹೆಮ್ಮಾಡಿ – ಮೂವತ್ತುಮುಡಿ ಸಮೀಪದ ಅರಾಟೆ ಸೇತುವೆ ಬಳಿ ಭಾನುವಾರ ಮುಂಜಾನೆ ಎರಡು ಖಾಸಗಿ ಬಸ್ ಗಳ ನಡುವೆ ಸಂಭವಿಸಿದ ಭೀಕರ ಮುಖಾಮುಖಿ ಅಪಘಾತದಲ್ಲಿ 28 ಮಂದಿ ಗಾಯಗೊಂಡಿದ್ದಾರೆ.ಗಾಯಳುಗಳ ಪೈಕಿ ಮೂವರ ಸ್ಥಿತಿ ಗಂಭೀರವಾಗಿದ್ದು, ಅವರನ್ನು ಮಣಿಪಾಲ ಆಸ್ಪತ್ರೆಗೆ ದಾಖಲಿಸಲಾಗಿದೆ.
ಪೆರ್ಡೂರು ನಿವಾಸಿ ಸಂತೋಷ್‌ ಶೆಟ್ಟಿ, ಪಡುಕೋಣೆ ನಿವಾಸಿ ವಿಟ್ಟಲ್‌ ಹೆಬ್ಬಾರ್‌ ಹಾಗೂ ಉಳ್ತೂರು ನಿವಾಸಿ ಸುಧಾಕರ್‌ ಗಂಭೀರವಾಗಿ ಗಾಯಗೊಂಡವರು. ಉಳಿದ ಗಾಯಾಳುಗಳ ಪೈಕಿ 20 ಮೊದಿಯನ್ನು ಕುಂದಾಪುರದ ಖಾಸಗಿ ಆಸ್ಪತ್ರೆಗೆ ಹಾಗೂ ಮೂವರನ್ನು ಕುಂದಾಪುರದ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಪಡೆಡು ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ.ಕುಂದಾಪುರ ತಾಲೂಕು ಆರೋಗ್ಯಧಿಕಾರಿ ಡಾ.ಪ್ರೇಮಾನಂದ ಅವರು ಆಸ್ಪತ್ರೆಗಳಿಗೆ ಭೇಟಿ ನೀಡಿ ಗಾಯಳುಗಳ ಆರೋಗ್ಯದ ಕುರಿತು ಮಾಹಿತಿ ನೀಡಿದರು.
ವೇಗವಾಗಿ ಬಂದ ಬಸ್ ನಿಂದ ಅಪಘಾತ:
ಕುಂದಾಪುರದಿಂದ ಬೈಂದೂರಿನತ್ತ ತೆರಳುತ್ತಿದ್ದ ಶ್ರೀದುರ್ಗಾಂಬ ಖಾಸಗಿ ಬಸ್‌ಗೆ, ಮಂತ್ರಾಲಯದಿಂದ ಮಂಗಳೂರಿನತ್ತ ವೇಗವಾಗಿ ಬರುತ್ತಿದ್ದ ಗಣೇಶ್‌ ಖಾಸಗಿ ಬಸ್ ಎದುರಿನಿಂದ ಡಿಕ್ಕಿ ಹೊಡೆದಿದೆ.ಡಿಕ್ಕಿಯ ತೀವ್ರತೆಗೆ ಶ್ರೀ ದುರ್ಗಾಂಬ ಬಸ್ ನ ಮುಂಭಾಗ ಸಂಪೂರ್ಣ ನಜ್ಜುಗುಜ್ಜಾಗಿದ್ದು, ಬಸ್ ತಿರುಗಿ ಹಿಂಬದಿಯಿಂದ ಬರುತ್ತಿದ್ದ ಗೂಡ್ಸ್‌ ಪಿಕಪ್‌ ವಾಹನದ ಚಾಲಕ ಗಾಯಗೋಡಿದ್ದಾರೆ.
ಗಾಯಗೊಂಡವರ ಪೈಕಿ ನಿತ್ಯದ ಖಾಸಗಿ ರೂಟ್‌ ಬಸ್‌ನ ಚಾಲಕ, ಸಾಗರದ ಆನಂದಪುರ ನಿವಾಸಿ ಏಕಾಂತಪ್ಪ, ಬೆಳ್ಮಣ್ ನ ರಾಜೇಶ್‌ ಹಾಗೂ ಅವರ ಪತ್ನಿ ಚಂದ್ರಿಕಾ, ಮುಳ್ಳಿಕಟ್ಟೆಯಸವಿತಾ, ಅಕ್ಷಯ್‌, ಆಯುಷ್‌ ಮತ್ತು ಅನುಶ್ರೀ, ತಲ್ಲೂರಿನ ಉಮೇಶ್‌, ತೆಕ್ಕಟ್ಟೆಯ ಮಧುಸೂಧನ್‌,ಹುನ್ನಾವರದ ಮಯಾಂಕ್‌ ಶೇಟ್‌ ಹಾಗೂ ಮಂಜುನಾಥ್‌ ಶೇಟ್‌,ಕಂಡ್ಲೂರಿನ ಅಣ್ಣಪ್ಪ ಮೊಗವೀರ, ಕುಂದಾಪುರದ ಗಣೇಶ್‌ ಹಾಗೂ ರವಿಪೂಜಾರಿ, ಶಿರಿಯಾರದ ಹರೀಶ್‌, ಬೈಂದೂರಿನ ಜಯಂತ್‌, ಕೋಡಿಯ ತಾಹೀರ್‌, ಹಕ್ಲಾಡಿಯ ಶೀನಾ, ಬೀಜಾಡಿಯ ಪಿಕಪ್‌ ಚಾಲಕ ಮಹಮ್ಮದ್‌ ಸೇರಿದ್ದಾರೆ. ಇವರೆಲ್ಲರೂ ಕುಂದಾಪುರದ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.ಕೆಲವರಿಗೆ ಕೈಕಾಲು ಹಾಗೂ ತಲೆಗೆ ಗಂಭೀರ ಗಾಯಗಳಾಗಿವೆ. ಕುಂದಾಪುರ ಸರ್ಕಾರಿ ಆಸ್ಪತ್ರೆಯಲ್ಲಿ ಸಿದ್ದು, ಅಂಜನ್‌ ಹಾಗೂ ವಿರೇಶ್‌ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಗಣೇಶ್‌ ಬಸ್ ನ ಚಾಲಕ ಶಿವರಾಜ್‌ ಬಿರಾದಾರ್‌ ಚಿಕಿತ್ಸೆ ಪಡೆದು ಬಿಡುಗಡೆಯಾಗಿದ್ದಾರೆ.
ಸ್ಥಳೀಯರಿಂದ ನೆರವು:
ಅಪಘಾತದ ಸುದ್ದಿ ತಿಳಿಯುತ್ತಿದ್ದಂತೆ ಗಂಗೊಳ್ಳಿಯ ಟೀಮ್ ಎಂ. ಎಚ್. ಐ ಅಪತ್ಪಾಂಧವ ಆಂಬುಲೆನ್ಸ್ ತಂಡದ ಇಬ್ರಾಹಿಂ ಗಂಗೊಳ್ಳಿ, ಅಬ್ರಾರ್‌ ಹಾಗೂ ಸ್ವಯಂಸೇವಕ ವಿಕಾಸ್‌ ಎರಡು ಆಂಬುಲೆನ್ಸ್ ಗಳ ಮೂಲಕ ಗಾಯಾಳುಗಳನ್ನುಆಸ್ಪತ್ರೆಗೆ ಸಾಗಿಸಲು ನೆರವಾದರು. ಹೆಮ್ಮಾಡಿಯ ರಿಕ್ಷಾ ಚಾಲಕರಾದ ಶರತ್‌, ಕೃಷ್ಣ ಹಾಗೂ ಪ್ರಶಾಂತ್‌ ಕೂಡ ರಕ್ಷಣಾ ಕಾರ್ಯದಲ್ಲಿ ಸಹಕರಿಸಿದರು.
ಕುಂದಾಪುರನಗರ ಠಾಣೆಯ ಇನ್ಸ್ ಪೆಕ್ಟರ್‌ ಜಯರಾಮಗೌಡ, ಸಂಚಾರ ಠಾಣೆಯ ಪಿಎಸ್‌ಐ ಅನೂಪ್‌ ನಾಯಕ್‌ ಹಾಗೂ ಸಿಬ್ಬಂದಿ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಶಿದ್ದಾರೆ.
ಅರಾಟೆ ಸೇತುವೆ ಬಳಿ ಹೆಚ್ಚುತ್ತಿವೆ ಅಪಘಾತಗಳ ಸರಣಿ: ಐವರ ಬಳಿ
ಅರಾಟೆ ಹಳೆಯ ಸೇತುವೆಯ ದುರಸ್ತಿ ಕಾಮಗಾರಿ ವಿಳಂಬವಾಗುತ್ತಿರುವುದು ಈ ಭಾಗದಲ್ಲಿ ಸಂಚಾರ ಸಮಸ್ಸೆಗೆ ಕಾರಣವಾಗಿದೆ. ಹಳೆಯ ಸೇತುವೆಯಲ್ಲಿ ವಾಹನ ಸಂಚಾರ ಸ್ಥಗಿತಗೊಳಿಸಿ ಎರಡು ವರ್ಷ ಕಳೆದಿದ್ದು, ಕಟ್ಟು ಕ್ರಾಸ್ನಿಓದ ಅರಾಟೆಯವರೆಗೆ ಹೊಸ ಸೇತುವೆಯ ಮಾರ್ಗದಲ್ಲಿಯೇ ಎರಡೂ ದಿಕ್ಕಿನ ವಾಹನಗಳಿಗೆ ಸಂಚಾರಕ್ಕೆ ಅವಕಾಶ ನೀಡಲಾಗಿದೆ. ಪ್ರದೇಶದಲ್ಲಿ ಆಗಾಗ್ಗೆ ಅಪಘಾತಗಳು ಸಂಭವಿಸುತ್ತಿವೆ. ಈವರೆಗೆ ಈಭಾಗದಲ್ಲಿ ಐವರು ಪ್ರಾಣ ಕಳೆದುಕೊಂಡಿದ್ದು, ಅನೇಕರು ಗಾಯಗೊಂಡಿದ್ದಾರೆ.ಕಳೆದ ಅ. 12 ರಂದು ಬೈಕ್‌ ಸವಾರರೊಬ್ಬರು ಮೃತಪಟ್ಟಿದ್ದರು. ಸಂಚಾರ ಸುರಕ್ಷತೆಗಾಗಿ ಇಲಾಖೆಯು ಅಳವಡಿಸಿದ್ದ ರಿಪ್ಲೆಕ್ಟರ್‌ ಕೋನ್ ಗಳು ಕೂಡ ಕೆಲ ದಿನಗಳ ಹಿಂದೆ ಭಾರೀ ವಾಹನಗಳ ಸಂಚಾರದಿಂದ ಕಿತ್ತುಹೋಗಿದ್ದವು. ಸೇತುವೆ ಕಾಮಗಾರಿ ಶೀಘ್ರ ಪೂರ್ಣಗೊಳಿಸಿ, ರಾಷ್ಟೀಯ ಹೆದ್ದಾರಿಯಲ್ಲಿ ಎರಡೂ ದಿಕ್ಕುಗಳ ಸಂಚಾರವನ್ನು ಸಮರ್ಪಕವಾಗಿ ವ್ಯವಸ್ಥೆಗೊಳಿಸಬೇಕು ಎಂದು ವಾಹನ ಸವಾರರು ಆಗ್ರಹಿಸಿದ್ದಾರೆ.
