ಎಲ್ಲ ಇದೆ ಆದ್ರೆ ಅಳಿಯನ ಬಾಯಲ್ಲಿ ಶನಿ ಇದೆ ಅಂಥಾರಲ್ಲ, ಹಾಗಾಗಿದೆ ಇರಾನ್ ಹಾಗೂ ಗಲ್ಫ್ ರಾಷ್ಟ್ರಗಳ ಪರಿಸ್ಥಿತಿ. ಏಕೆಂದರೆ ಗಲ್ಫ್ ನಲ್ಲಿ ಯಥೇಚ್ಛ ತೈಲ ಇದೆ. ಆದರೆ, ಅದನ್ನ ಉಣ್ಣೋಕೆ ಬಿಡುತ್ತಿಲ್ಲ ಬಲಿಷ್ಠ ರಾಷ್ಟ್ರಗಳು.
ಹೌದು.. ಗಲ್ಫ್ ನೆಲ ಅಕ್ಷರಶಃ ಹೊತ್ತಿ ಉರಿಯುತ್ತಿದೆ. ಗಲ್ಫ್ ರಾಷ್ಟ್ರಗಳ ತೈಲದ ಮೇಲೆ ಹಿಂದಿನಿಂದಲೂ ಕೆಲವು ಬಲಿಷ್ಠ ರಾಷ್ಟ್ರಗಳು ಕಣ್ಣು ಹಾಕುತ್ತಲೇ ಬಂದಿದ್ದವು. ಅದರಲ್ಲಿ ಅಮೆರಿಕವಂತೂ ನಾಚಿಕೆ ಬಿಟ್ಟು ನಿಂತಿರುವುದನ್ನು ಇತಿಹಾಸ ಹೇಳುತ್ತದೆ. ಇರಾಕ್, ವೆನಿಜುವೆಲಾ ನಂತರ ಮತ್ತೊಂದು ದೊಡ್ಡ ತೈಲ ನಿಕ್ಷೇಪ ತಮ್ಮ ಕೈಯಲ್ಲಿದೆ ಎಂಬ ದುರಾಸೆಯಿಂದ ಅಮೆರಿಕ ಯುದ್ಧೋನ್ಮಾದದಲ್ಲಿದೆ. ತೈಲದಿಂದಾಗಿ ಅರಬ್ ರಾಷ್ಟ್ರಗಳು ಆಗರ್ಭ ಶ್ರೀಮಂತವಾಗಿವೆ. ಹೀಗಾಗಿಯೇ ಕೆಲವು ಬಲಿಷ್ಠ ರಾಷ್ಟ್ರಗಳು ಆ ಸಂಪತ್ತಿನ ಮೇಲೂ ಕಣ್ಣಿಟ್ಟಿವೆ. ಆಫಿಕ್ರಾದ ಕೆಲವು ದೇಶಗಳಲ್ಲೂ ಯತೇಚ್ಛ ತೈಲ ಇದ್ದರೂ ರಾಜಕೀಯ ಅಸ್ಥಿರತೆ, ಭಯೋತ್ಪಾದನೆ ಬೆಳೆಯಲು ಬಿಡುತ್ತಿಲ್ಲ.
ಸದ್ಯ ಯುದ್ಧಕ್ಕೆ ಬಲಿಯಾಗುತ್ತಿರುವ ಇರಾನ್ ನಲ್ಲಿ ಬರೋಬ್ಬರಿ 208 ಬಿಲಿಯನ್ ಬ್ಯಾರೆಲ್ ನಷ್ಟು ತೈಲ ಇದ್ದು, ಜಾಗತಿಕವಾಗಿ ಅತೀ ಹೆಚ್ಚು ತೈಲ ಉತ್ಪಾದಿಸುವ ರಾಷ್ಟ್ರಗಳಲ್ಲಿ ಮೂರನೇ ಸ್ಥಾನದಲ್ಲಿದೆ. ಈ ರಾಷ್ಟದ ಸೊಕ್ಕು, ದುರಹರಂಕಾರದಿಂದಾಗಿ ತೈಲ ರಫ್ತಾಗುತ್ತಿಲ್ಲ. ಇದರ ಲಾಭವನ್ನ ಚೀನಾ ಮಾಡಿಕೊಳ್ಳುತ್ತಿದೆ. ಚೀನಾ ಇರಾನ್ ನ ಕಚ್ಚಾ ತೈಲವನ್ನು ಕಡಿಮೆ ಬೆಲೆಗೆ ಖರೀದಿಸುತ್ತಿದೆ. ಇರಾನ್ ನಲ್ಲಿ ಯುರೇನಿಯಂ ಇದೆ. ಹೀಗಾಗಿ ಚೀನಾ ಲಾಭ ಮಾಡಿಕೊಳ್ಳುತ್ತಿದೆ. ಸಹಜವಾಗಿ ಜಗತ್ತಿನ ಬಲಿಷ್ಠ ರಾಷ್ಟ್ರಗಳು ತೈಲ ರಾಷ್ಟ್ರಗಳ ಮೇಲೆ ಈ ಕಾರಣಕ್ಕೆ ಕಣ್ಣಿಟ್ಟಿವೆ. ಆ ರಾಷ್ಟ್ರಗಳ ಮೇಲೆ ಸಾರ್ವಭೌಮತ್ವ ಸಾಧಿಸಿ ಆ ಮೂಲಕ ತೈಲ ಕೊಳ್ಳೆ ಹೊಡೆದು ಶ್ರೀಮಂತರಾಗಲು ಹವಣಿಸುತ್ತಿವೆ.
ಈಜಗತ್ತಿನಲ್ಲಿ ಅತೀ ಹೆಚ್ಚು ತೈಲ ಹೊಂದಿರುವ ದೇಶಗಳ ಪಟ್ಟಿಯಲ್ಲಿ ಲಿಬಿಯಾ 10ನೇ ಸ್ಥಾನದಲ್ಲಿದೆ. ಅಲ್ಲಿ 48 ಬಿಲಿಯನ್ ಬ್ಯಾರೆಲ್ ನಷ್ಟು ತೈಲ ಇದೆ. ಇದು ಆಫ್ರಿಕಾ ಖಂಡದಲ್ಲೇ ಅತಿ ಹೆಚ್ಚು ತೈಲ ಹೊಂದಿರುವ ರಾಷ್ಟ್ರವಾಗಿದೆ. 37 ಬಿಲಿಯನ್ ನಷ್ಟು ತೈಲ ಹೊಂದಿರುವ ನೈಜೀರಿಯಾ ಆಫ್ರಿಕಾದಲ್ಲಿ 2ನೇ ಅತಿ ದೊಡ್ಡ ತೈಲ ನಿಕ್ಷೇಪ ಹೊಂದಿರುವ ರಾಷ್ಟ್ರವಾಗಿದ್ದು 11ನೇ ಸ್ಥಾನದಲ್ಲಿದೆ. 9ನೇ ಸ್ಥಾನದಲ್ಲಿ 68.8 ಬಿಲಿಯನ್ ಬ್ಯಾರೆಲ್ ಹೊಂದಿರುವ ಅಮೆರಿಕ ಇದೆ. 107 ಬಿಲಿಯನ್ ನಷ್ಟು ತೈಲ ಹೊಂದಿರುವ ರಷ್ಯಾ 8ನೇ ಸ್ಥಾನದಲ್ಲಿದೆ.
ಮತ್ತೊಂದು ವರದಿ ರಷ್ಯಾದಲ್ಲಿ ಕೇವಲ 58 ಬಿಲಿಯನ್ ಡಾಲರ್ ನಷ್ಟು ಇದೆಯಂತೆ. ಹೀಗಾಗಿ ಅದನ್ನ 8ನೇ ಸ್ಥಾನದಲ್ಲಿ ಇಡಲಾಗಿದೆ. 101 ಬಿಲಿಯನ್ ಬ್ಯಾರಲ್ ನಷ್ಟು ತೈಲ ಹೊಂದಿರುವ ಕುವೈತ್ 7ನೇ ಸ್ಥಾನ ಹೊಂದಿದೆ. 97.8 ಬಿಲಿಯನ್ ತೈಲ ನಿಕ್ಷೇಪ ಹೊಂದಿರುವ ಯುಎಇ 6ನೇ ಸ್ಥಾನದಲ್ಲಿದೆ. 172 ಬಿಲಿಯನ್ ಬ್ಯಾರಲ್ ಹೊಂದಿರುವ ಕೆನಡಾ 5ನೇ ಸ್ಥಾನದಲ್ಲಿದೆ. 175 ಬಿಲಿಯನ್ ಬ್ಯಾರೆಲ್ ತೈಲ ಹೊಂದಿರುವ ಇರಾಕ್ 4ನೇ ಸ್ಥಾನದಲ್ಲಿದೆ. ಈಗಾಗಲೇ ಇರಾಕ್ ತೈಲದ ಮೇಲೆ ಅಮೆರಿಕ ಸಾರ್ವಭೌಮತ್ವ ಸಾಧಿಸಿದೆ. ಅಲ್ಲಿನ ತೈಲದ ಬಾವಿಗಳ ಮೇಲೆ ಕಂಪನಿಗಳು ಕೂತಿವೆ. ಮೂರನೇ ಸ್ಥಾನದಲ್ಲಿ ಇರಾನ್, ಎರಡನೇ ಸ್ಥಾನದಲ್ಲಿ 297 ಬಿಲಿಯನ್ ಬ್ಯಾರೆಲ್ ಹೊಂದಿರುವ ಸೌದಿ ಅರೇಬಿಯಾ ಇದ್ದು, ಮೊದಲ ಸ್ಥಾನದಲ್ಲಿ ವೆನಿಜುವೆಲಾ ಇದೆ. ವೆನಿಜುವೆಲಾ ಬಳಿ 303 ಬಿಲಿಯನ್ ಬ್ಯಾರೆಲ್ ತೈಲ ನಿಕ್ಷೇಪ ಇದೆ. ಈಗಾಗಲೇ ವೆನಿಜುವೆಲಾ ಅಮೆರಿಕದ ಕೈಗೊಂಬೆಯಾಗಿದೆ.
ಇದನ್ನು ಗಮನಿಸಿದರೆ ತೈಲ ರಾಷ್ಟ್ರಗಳ ಮೇಲೆ ಅಮೆರಿಕ ಸೇರಿದಂತೆ ಬಲಿಷ್ಠರ ಕೆಟ್ಟ ಕಣ್ಣು ಬಿದ್ದಿದ್ದು ಗೋಚರವಾಗುತ್ತಿದೆ. ಗಲ್ಫ್ ನ ರಾಷ್ಟ್ರಗಳು ಬೆದರಿಸಿರುವ ಅಮೆರಿಕಾಗೆ ಇರಾನ್ ಹಾಗೂ ರಷ್ಯಾ ಮುಳುವಾಗಿದ್ದವು. ಆದರೆ, ರಷ್ಯಾ ಎದುರಿಸುವುದ ಕಷ್ಟ ಎಂದು ಭಾವಿಸಿರುವ ಅಮೆರಿಕ, ಇರಾನ್ ಮೇಲೆ ಹಿಡಿತ ಸಾಧಿಸಿ, ಮತ್ತಷ್ಟು ಶ್ರೀಮಂತವಾಗಲು ಹವಣಿಸುತ್ತಿದೆ.
ಇದನ್ನೂ ಓದಿ : ನಿಮ್ಮ ಮನೆಗೆ LPG ಸಿಲಿಂಡರ್ ರದ್ದಾಗಬಾರದು ಅಂದ್ರೆ ಮೊದಲು ಈ ಕೆಲಸ ಮಾಡಿ
