ಬೆಂಗಳೂರು: ದೇಶದಲ್ಲೇ ಬೃಹತ್ ಟೆಲಿಕಾಂ ಸಂಸ್ಥೆಯಾಗಿರುವ ರಿಲಯನ್ಸ್ ಜಿಯೋ ಈಗ ಹೊಸ ವರ್ಷಕ್ಕಾಗಿ ನೂತನ ಆಫರ್ ಬಿಡುಗಡೆ ಮಾಡಿದೆ. 500 ರೂಪಾಯಿಗೆ ಉಚಿತವಾಗಿ 5 ಜಿ ಇಂಟರ್ ನೆಟ್, ಅನ್ ಲಿಮಿಟೆಡ್ ಕರೆಗಳು ಸೇರಿ ಹಲವು ಆಫರ್ ಗಳನ್ನು ಘೋಷಣೆ ಮಾಡಿದೆ. ಹಾಗಾಗಿ, ಜಿಯೋ ಬಳಕೆದಾರರಿಗೆ ಇದು ಒಳ್ಳೆಯ ಆಫರ್ (Reliance Jio Offer) ಎನಿಸಿದೆ. ಆಫರ್ ಹೆಸರನ್ನೇ ‘ಹ್ಯಾಪಿ ನ್ಯೂ ಇಯರ್ 2026’ ಎಂದು ಇರಿಸಿದೆ.
500 ರೂ. ಜಿಯೋ ಯೋಜನೆಯು 28 ದಿನಗಳ ವ್ಯಾಲಿಡಿಟಿ ಹೊಂದಿದೆ. 28 ದಿನವೂ ಪ್ರತಿ ದಿನ 2GB ಹೈ-ಸ್ಪೀಡ್ ಡೇಟಾವನ್ನು ನೀಡುತ್ತದೆ. ಹೆಚ್ಚುವರಿಯಾಗಿ, ನೀವು ಅನಿಯಮಿತ ಧ್ವನಿ ಕರೆ ಮತ್ತು ದಿನಕ್ಕೆ 100 ಎಸ್ಎಂಎಸ್ ಗಳನ್ನು ಉಚಿತವಾಗಿ ಮಾಡುತ್ತೀರಿ. 28 ದಿನಗಳ ಮಾನ್ಯತೆ ಮತ್ತು ದಿನಕ್ಕೆ 2ಜಿಬಿ ಡೇಟಾದೊಂದಿಗೆ, ಈ ಯೋಜನೆಯು ಒಟ್ಟು 56GB ಹೈ-ಸ್ಪೀಡ್ ಡೇಟಾ ನೀಡುತ್ತದೆ. 5G ಫೋನ್ ಹೊಂದಿರುವ ಮತ್ತು ಜಿಯೋದ 5G ನೆಟ್ ವರ್ಕ್ ಹೊಂದಿರುವವರಿಗೆ ಅನುಕೂಲವಾಗಲಿದೆ.
ಒಟಿಟಿ ಆ್ಯಕ್ಸೆಸ್ ಕೂಡ ಉಚಿತ
ಉಚಿತ ಕರೆ, 5ಜಿ ಇಂಟರ್ ನೆಟ್ ಜತೆಗೆ ಒಟಿಟಿ ಆಫರ್ ಗಳನ್ನು ಕೂಡ ಜಿಯೋ ಘೋಷಣೆ ಮಾಡಿದೆ. 500 ರೂಪಾಯಿ ರಿಚಾರ್ಜ್ ಮಾಡಿಸಿದರೆ ಅಮೆಜಾನ್ ಪ್ರೈಮ್ ವೀಡಿಯೋ, ಜಿಯೋ ಹಾಟ್ ಸ್ಟಾರ್, ಜೀ5, ಡಿಸ್ಕವರಿ ಪ್ಲಸ್ ಸೇರಿ ಹಲವು ಒಟಿಟಿ ವೇದಿಕೆಗಳಲ್ಲಿ ನೆಚ್ಚಿನ ಸಿನಿಮಾ, ವೆಬ್ ಸಿರೀಸ್ ಗಳನ್ನು ಉಚಿತವಾಗಿ ವೀಕ್ಷಿಸಬಹುದಾಗಿದೆ ಎಂದು ಜಿಯೋ ತಿಳಿಸಿದೆ.
ಇವುಗಳ ಜತೆಗೆ, ನೀವು ವೃತ್ತಿಪರರಾಗಿದ್ದರೆ, ನಿತ್ಯ ಕೃತಕ ಬುದ್ಧಿಮತ್ತೆ ತಂತ್ರಜ್ಞಾನವನ್ನು ಬಳಸುತ್ತಿದ್ದರೆ, ಇಲ್ಲೂ ನಿಮಗೆ ಉಪಯೋಗಗಳಿವೆ. 500 ರೂಪಾಯಿ ರಿಚಾರ್ಜ್ ಮಾಡಿಸಿದರೆ, ನೀವು ಒಂದೂವರೆಗೆ ವರ್ಷದವರೆಗೆ ಗೂಗಲ್ ಜೆಮಿನಿ ಪ್ರೊ ಅನ್ನು ಉಚಿತವಾಗಿ ಬಳಸಬಹುದಾಗಿದೆ.
ಇದನ್ನೂ ಓದಿ : “ಇದೇ ಧೋನಿಯ ಲಾಸ್ಟ್ ಸೀಸನ್”; ಮಾಹಿತಿ ನಿವೃತ್ತಿ ಬಗ್ಗೆ ಬಾಂಬ್ ಸಿಡಿಸಿದ ಆಪ್ತ ಸ್ನೇಹಿತ!
