ತಂತ್ರಜ್ಞಾನ ಜಗತ್ತಿನ ವಿಸ್ಮಯ ವ್ಯಕ್ತಿ ಎಲನ್ ಮಸ್ಕ್ ಮತ್ತೆ ಒಂದಿಷ್ಟು ತಲೆಕೆಡಿಸೋ ಮಾತುಗಳನ್ನಾಡಿದ್ದಾರೆ. “ನಾವು ಬದುಕುತ್ತಿರುವುದು ವಾಸ್ತವ ಅಲ್ಲ, ಬಹುಶಃ ಇದು ನೈಜ ಪ್ರಪಂಚದ ಸೃಷ್ಟಿ ಆಗಿರಬಹುದು ಅಷ್ಟೇ” ಅನ್ನೋ ಹೇಳಿಕೆ ಮತ್ತೆ ಚರ್ಚೆಗೆ ಕಾರಣವಾಗಿದೆ. ವಿಡಿಯೋ ಗೇಮ್ಸ್ನ ವೇಗದ ಪ್ರಗತಿಯನ್ನೇ ಉದಾಹರಣೆಗೆ ಕೊಡ್ತಾ.. “ನಾವು ಕೂಡ ಯಾರಾದ್ರೂ ಸೃಷ್ಟಿಸಿದ ಗೇಮ್ ಕ್ಯಾರೆಕ್ಟರ್ಗಳೇ ಆಗಿರಬಹುದು” ಅಂತ ಮಸ್ಕ್ ಹೇಳಿದ್ದಾರೆ.
ಟೆಸ್ಲಾ, ಸ್ಪೇಸ್ಎಕ್ಸ್, ನ್ಯೂರಾಲಿಂಕ್ ಹೀಗೇ ಹಲವು ಭವಿಷ್ಯದ ತಂತ್ರಜ್ಞಾನಗಳನ್ನು ಮುನ್ನಡೆಸುತ್ತಿರುವ ಎಲನ್ ಮಸ್ಕ್— ಮತ್ತೊಮ್ಮೆ ‘ಸಿಮ್ಯುಲೇಶನ್ ತಯರಿ ವಿಷಯವನ್ನು ಮುಂದಿಟ್ಟಿದ್ದಾರೆ. ಮಸ್ಕ್ ಹೇಳೋದು ಏನು ಅಂದ್ರೆ, “ಮಾನವ ಇತಿಹಾಸದ ತಂತ್ರಜ್ಞಾನ ವೇಗ ನೋಡಿದ್ರೆ… ನಾವು ಬದುಕುತ್ತಿರುವ ಜಗತ್ತು ನಿಜವಾದ ಪ್ರಪಂಚವೇ ಆಗಿರ ಬೇಕೆಂಬ ಗ್ಯಾರಂಟಿ ಇಲ್ಲ”.ಅವರ ಲೆಕ್ಕಕ್ಕೆ, ನಾವು ಸಿಮ್ಯುಲೇಶನ್ನಲ್ಲಿ ಬದುಕಿರುವ ಸಾಧ್ಯತೆ ತುಂಬಾ ಹೆಚ್ಚು ಎಂದಿದ್ದಾರೆ.
ಹೌದು ದಶಕಗಳಲ್ಲಿ ಗೇಮಿಂಗ್ ಜಗತ್ತು 2D ಪಿಕ್ಸೆಲ್ಗಳಿಂದ, ಇಂದು ಜೀವಂತವೇ ಅನ್ನಿಸುವ ಹೈಪರ್-ರಿಯಾಲಿಟಿ ಗ್ರಾಫಿಕ್ಸ್ವರೆಗೂ ಬಂದಿದ್ದೇವು… ಅದೇ ತಂತ್ರಜ್ಞಾನದ ಪ್ರಗತಿ ಮುಂದುವರಿದ್ರೆ, “ನಮ್ಮಂಥ ರಿಯಾಲಿಟಿ ನಿರ್ಮಾಣ ಸಾಧ್ಯವಿಲ್ಲವಾ?” ಅನ್ನೋದನ್ನೇ ಅವರು ಪ್ರಶ್ನಿಸಿದ್ದಾರೆ.
ಭವಿಷ್ಯದ ನಾಗರಿಕತೆಗಳು ಲಕ್ಷಾಂತರ ಸಿಮ್ಯುಲೇಟೆಡ್ ಯುನಿವರ್ಸ್ಗಳನ್ನು ನಿರ್ಮಿಸಬಹುದು, ನಾವು ಅದರಲ್ಲಿ ಒಂದರಲ್ಲಿ ಬದುಕುತ್ತಿದ್ದಾರೇ ಇರಬಹುದು ಎಂಬ ಸಾಧ್ಯತೆಯನ್ನು ಮುಂದಿಟ್ಟಿದ್ದಾರೆ. ಮತ್ತೊಂದೆಡೆ, ಬ್ರಹ್ಮಾಂಡದ ಪ್ರತಿಯೊಂದು ಘಟನೆ ಮೂಲದಲ್ಲಿ ‘ಇನ್ಫರ್ಮೇಶನ್’ ಆಧಾರದ ಮೇಲೆ ನಡೆಯುತ್ತಿದೆ ಎನ್ನುವ ವಾದವೂ ಸಿಮ್ಯುಲೇಶನ್ ಥಿಯರಿಗೆ ಬಲ ನೀಡುತ್ತದೆ. ಈ ಎಲ್ಲಾ ಆಂಗಲ್ಗಳನ್ನು ಸೇರಿಸಿದಾಗ, ಮಸ್ಕ್ ಹೇಳಿದ “ನಮ್ಮ ರಿಯಾಲಿಟಿ ಸಿಮ್ಯುಲೇಶನ್ ಆಗಿರಬಹುದು” ಅನ್ನೋದಕ್ಕೆ ವೈಜ್ಞಾನಿಕ ಆಧಾರಗಳು ಕೂಡ ಬೆಂಬಲ ನೀಡುತ್ತಿರುವಂತೆ ಕಾಣುತ್ತದೆ.
ಮಾನವ ಮೆದುಳು ಮತ್ತು ಕಂಪ್ಯೂಟರ್ ನೇರವಾಗಿ ಲಿಂಕ್ ಆಗುವ ಈ ತಂತ್ರಜ್ಞಾನ ಭವಿಷ್ಯದಲ್ಲಿ ʼಡಿಜಿಟಲ್ ಮೈಂಡ್ʼ ರಿಯಾಲಿಟಿ ಸೃಷ್ಟಿಸಲು ದಾರಿ ಮಾಡಿಕೊಡಬಹುದು ಎಂದು ಅವರು ಹೇಳುತ್ತಾರೆ. ನಾವು ಯಾರೋ ಬೇರೆ ಬುದ್ಧಿವಂತ ನಾಗರಿಕತೆ ನಿರ್ಮಿಸಿದ ಸಿಮ್ಯುಲೇಶನ್ನಲ್ಲಿದ್ದೇವೆ ಅನ್ನೋದಕ್ಕೆ ಈಗಿನ ತಂತ್ರಜ್ಞಾನವೇ ಸಾಕ್ಷಿ ಎಂದರು.
ಇದೆಲ್ಲಕ್ಕೆ ಬೆಂಬಲವಾಗಿ, ಮಸ್ಕ್ ಇನ್ನು ಒಂದು ಕುತೂಹಲಕಾರಿ ವಿಚಾರ ಹೇಳುತ್ತಾರೆ ಬ್ರಹ್ಮಾಂಡದ ನಿಯಮಗಳು ತುಂಬಾ ‘ಗಣಿತ ಮಾದರಿಯಂತೆʼ ಕಾರ್ಯನಿರ್ವಹಿಸುತ್ತವೆ. ಗ್ರಾವಿಟಿ, ಲೈಟ್ ಸ್ಪೀಡ್, ಕ್ವಾಂಟಂ ಲೆವೆಲ್ನ ಬಿಹೇವಿಯರ್ ಎಲ್ಲವೂ ‘ಕೋಡ್ ಮಾಡಿದ ನಿಯಮಗಳಂತೆ’ ಅನ್ನಿಸುವುದಕ್ಕೆ ಕೆಲವು ಭೌತಶಾಸ್ತ್ರಜ್ಞರೂ ಒಪ್ಪುತ್ತಾರೆ.
ಇದನ್ನೂ ಓದಿ : NIMHANS ಸಂಸ್ಥೆಯಲ್ಲಿ ಡೇಟಾ ಕಲೆಕ್ಟರ್ ಹುದ್ದೆಗಳ ನೇಮಕಾತಿ : ಸಂದರ್ಶನದ ದಿನಾಂಕ ಇಲ್ಲಿದೆ
