ತಾಜ್ ಮಹಲ್, ಪ್ರೇಮ ಸೌಧ, ಶತಮಾನಗಳೇ ಉರುಳಿದರೂ ಅಚ್ಚಳಿಯದಂತೆ ನಿಂತಿರುವ ಅಮೋಘ ಸೌಧವೇ ಈ ತಾಜ್ ಮಹಲ್. ಮಮ್ತಾಜ್ ಮತ್ತು ಶಹಜಹಾನ್ ನ ಪ್ರೀತಿಯ ಕುರುಹಾಗಿ ಇಂದಿಗೂ ರಾರಾಜಿಸುತ್ತಿರುವ ಐತಿಹಾಸಿಕ ಕಟ್ಟಡ. ಆಗ್ರಾದ ಈ ಕಟ್ಟದ 1632ರಲ್ಲಿ ನಿರ್ಮಾಣವಾಗಿತ್ತು.. ತನ್ನ ಮಡದಿಯ ನೆನಪಿಗಾಗಿ ಅಂದು ಷಹಜಹಾನ್ ಈ ಅಪರೂಪದ ಸ್ಮಾರಕ ಕಟ್ಟಿದ್ದ. ಅಷ್ಟೇ ಅಲ್ಲಾ ಇಂದಿಗೂ ಈ ಕಟ್ಟಡ ಅಚ್ಚಳಿಯದೆ ಭದ್ರವಾಗಿ ನಿಂತಿದೆ ಅಂದ್ರೆ ಅದರ ನಿರ್ಮಾಣದ ಹಿಂದಿನ ಬುದ್ಧಿವಂತಿಕೆ ನಿಜಕ್ಕೂ ಪ್ರೇರಣೀಯವೇ ಸರಿ.
ಷಹಜಹಾನ್ ತಾಜ್ ಗೆ ಖರ್ಚು ಮಾಡಿದ್ದೆಷ್ಟು?
1632ರಲ್ಲಿ ಅರಳಿದ ಈ ಪ್ರೇಮ ಪುಷ್ಪ ಇಂದಿಗೂ ಜಗತ್ತಿನ ಮೂಲೆ ಮೂಲೆಯಿಂದ ಪ್ರವಾಸಿಗರನ್ನು ತನ್ನತ್ತ ಕೈಬೀಸಿ ಕರೆಯುತ್ತಿದೆ. ಇದೇ ಸೌಧವನ್ನ ಕಟ್ಟಲು ಅಂದು ಎಷ್ಟು ಖರ್ಚಾಗಿರಬಹುದು ಅನ್ನೋದು ಇಂದಿಗೂ ಚರ್ಚೆಯ ವಿಷಯವೇ ಸರಿ. ಇಂಡೋ-ಮೊಘಲ್ ಸಂಸ್ಕೃತಿಯ ಈ ಭವ್ಯ ಕಟ್ಟಡ ನಿರ್ಮಾಣಕ್ಕೆ 5 ಸಾವಿರಕ್ಕಿಂತ ಹೆಚ್ಚು ಕಾರ್ಮಿಕರು ಬೆವರು ಬಸೆದಿದ್ದಾರೆ. 1 ಸಾವಿರ ಆನೆಗಳು ಈ ಕಟ್ಟಡಕ್ಕೆ ಕಲ್ಲು ಹೊತ್ತಿವೆ. ದೂರದ ಪರ್ಶಿಯಾ, ಆಫ್ರಿಕಾದ ಕಟ್ಟಾಳುಗಳೂ ಈ ಕಟ್ಟಡ ನಿರ್ಮಾಣಕ್ಕೆ ದುಡಿದಿದ್ದಾರೆ ಅಂತಾ ಇತಿಹಾಸಕಾರ ಜಾದೂನಾಥ್ ಸರ್ಕಾರ ತಮ್ಮ ಪುಸ್ತಕದಲ್ಲಿ ಉಲ್ಲೇಖಿಸಿದ್ದಾರೆ. ಅಷ್ಟೇ ಅಲ್ಲಾ ಅಂದಿನ ಕಾಲದಲ್ಲೇ ಅಮೃತ ಶಿಲೆಯ ಈ ಅಪರೂಪದ ಕಲಾಕೃತಿ ನಿರ್ಮಿಸಲು 3.2 ಕೋಟಿ ಖರ್ಚಾಗಿರಬಹುದು ಎಂದಿದ್ದಾರೆ.
21ನೇ ಶತಮಾನದಲ್ಲಿ ತಾಜ್ ಕಟ್ಟೋದು ಸುಲಭವಾ?
16ನೇ ಶತಮಾನದ ಇಂಜಿನಿಯರಿಂಗ್ ಯುಗದ ಅಮೋಘ ಸೃಷ್ಟಿಯೇ ತಾಜ್ ಮಹಲ್. ಬರೋಬ್ಬರಿ 3 ಕೋಟಿಗೂ ಮೀರಿದ ಬಜೆಟ್ ನಲ್ಲಿ ತಾಜ್ ನಿರ್ಮಾಣವಾಗಿತ್ತು. ಹಾಗಂತ ಇವತ್ತಿನ ಆಧುನಿಕ ಯುಗದಲ್ಲಿ ಈ ಕಟ್ಟಡ ಕಟ್ಟಲು ಅಂದಾಜು 7500 ಕೋಟಿ ರೂ. ಗೂ ಹೆಚ್ಚು ಹಣ ಬೇಕಂತೆ. ವಿಶ್ವದ ಸುಪ್ರಸಿದ್ಧ ಇಂಜಿನಿಯರ್ ಗಳು ಲೆಕ್ಕ ಮಾಡಿರುವಂತೆ ಇಂದಿಗೆ ತಾಜ್ ನ ಅಪರವಾತಾರವನ್ನು ನಿರ್ಮಿಸುವುದು ಕಷ್ಟ ಸಾಧ್ಯ. ಹಾಗಂತ ಪ್ರಯತ್ನ ಪಟ್ಟರೂ ಸರಿಸುಮಾರು 7500 ಕೋಟಿ ರೂ. ಖರ್ಚಾಗಬಹುದು ಎನ್ನಲಾಗುತ್ತಿದೆ.
ಇನ್ನು ವಿಶೇಷವೆಂದ್ರೆ ಅವತ್ತು ಷಹಜಹಾನ್ ತಾಜ್ ಮಹಲ್ ಎದುರಲ್ಲೇ ಕಪ್ಪು ತಾಜ್ ಕಟ್ಟಲು ಅಡಿಪಾಯ ಹಾಕಿದ್ದ. ತನ್ನ ಮರಣಾನಂತರ ಅಲ್ಲೇ ಆತನ ಸಂಸ್ಕಾರ ಮಾಡುವಂತೆಯೂ ಹೇಳಿದ್ದ. ಬಟ್, ಷಹಜಹಾನ್ ನ ಆ ಕಪ್ಪು ತಾಜ್ ನಿರ್ಮಾಣವಾಗಲೇ ಇಲ್ಲಾ..ಹೌದು ಅಪ್ಪನ ಈ ಕನಸು ರಾಜ್ಯದ ಬೊಕ್ಕಸಕ್ಕೆ ದುಂದು ವೆಚ್ಚ ಅಂತಾ ಭಾವಿಸಿದ ಔರಂಗಜೇಬ್ ಈ ಕನಸಿಗೆ ತಣ್ಣೀರೆರಚಿಬಿಟ್ಟ. ಒಂದೊಮ್ಮೆ ತಾಜ್ ಎದುರಲ್ಲೇ ಕಪ್ಪು ತಾಜ್ ತಲೆ ಎತ್ತಿದ್ರೆ ಆ ಕಪ್ಪು-ಬಿಳುಪಿನ ಸಂಗಮ ಜಗತ್ ವಿಸ್ಮಯವಾಗಿರುತ್ತಿತ್ತು.
