ಮಸ್ಕಟ್: ಒಮಾನ್ ದೇಶದಲ್ಲಿರುವ ಒಮಾನ್ ಇಂಡಿಯನ್ ಸ್ಕೂಲ್ ನಲ್ಲಿ ಹಲವು ಬೋಧಕ ಹುದ್ದೆಗಳು ಖಾಲಿ ಇದ್ದು, ಅರ್ಜಿ ಆಹ್ವಾನಿಸಲಾಗಿದೆ. ಅರ್ಜಿ ಸಲ್ಲಿಸಲು ಇಂದೇ (ಏಪ್ರಿಲ್ 15) ಕೊನೆಯ ದಿನವಾಗಿರುವ ಕಾರಣ ಅಭ್ಯರ್ಥಿಗಳು ಆನ್ ಲೈನ್ ಮೂಲಕ ಅರ್ಜಿ ಸಲ್ಲಿಸಬಹುದಾಗಿದೆ. ಒಪೆಡೆಕ್ (ODEPEC) ಮೂಲಕ ನೇಮಕಾತಿ ಮಾಡಿಕೊಳ್ಳಲಾಗುತ್ತಿದ್ದು, ಶಿಕ್ಷಕರಿಗೂ ಲಕ್ಷಾಂತರ ರೂ. ಸಂಬಳ ನೀಡಲಾಗುತ್ತದೆ.
ಆಯಾ ಹುದ್ದೆಗಳಿಗೆ ತಕ್ಕಂತೆ ವಿದ್ಯಾರ್ಹತೆ ನಿಗದಿಪಡಿಸಲಾಗಿದೆ. ಕನಿಷ್ಠ ಐದು ವರ್ಷ ಅನುಭವ ಇದ್ದವರಿಗೆ ಆದ್ಯತೆ ನೀಡಲಾಗುತ್ತದೆ. ಇಂಗ್ಲಿಷ್ ನಲ್ಲಿ ಸಂವಹನ ಮಾಡುವ ಕೌಶಲ ಇರಬೇಕು ಎಂದು ತಿಳಿಸಲಾಗಿದೆ. ವೈಸ್ ಪ್ರಿನ್ಸಿಪಾಲ್, ಸೆಕೆಂಡರಿ ಇಂಗ್ಲಿಷ್ ಶಿಕ್ಷಕರು, ಸೆಕೆಂಡರಿ ಗಣಿತ ಶಿಕ್ಷಕರು, ಪ್ರಾಥಮಿಕ ಇಂಗ್ಲಿಷ್ ಶಿಕ್ಷಕರು, ಪ್ರಾಥಮಿಕ ಗಣಿತ ಶಿಕ್ಷಕರು, ಸೆಕೆಂಡರಿ ಭೌತಶಾಸ್ತ್ರ ಶಿಕ್ಷಕರು, ಸೆಕೆಂಡರಿ ಐಸಿಟಿ ಶಿಕ್ಷಕರು ಮತ್ತು ದೈಹಿಕ ಶಿಕ್ಷಣ ಶಿಕ್ಷಕರ ಹುದ್ದೆಗಳಿಗೆ ನೇಮಕಾತಿ ಮಾಡಿಕೊಳ್ಳಲಾಗುತ್ತಿದೆ.
ಅರ್ಜಿ ಸಲ್ಲಿಸುವವರಿಗೆ ಗರಿಷ್ಠ 40 ವರ್ಷಗಳ ವಯೋಮಿತಿ ನಿಗದಿಪಡಿಸಲಾಗಿದೆ. ಶಿಕ್ಷಕರಿಗೆ ಮಾಸಿಕ 300 ರಿಂದ 350 ಒಮಾನಿ ರಿಯಾಲ್ಗಳ ವೇತನ ದೊರೆಯಲಿದೆ. ಅಂದರೆ ಸರಿಸುಮಾರು 67,000 – 78,000 ಭಾರತೀಯ ರೂ. ಸಂಬಳ ಸಿಗಲಿದೆ. ಉಪ ಪ್ರಾಂಶುಪಾಲರಾಗಿ ಆಯ್ಕೆಯಾದವರು ಮಾಸಿಕ 500 ಒಮಾನಿ ರಿಯಾಲ್ಗಳವರೆಗೆ (1,11,734 ಭಾರತೀಯ ರೂ.) ವೇತನ ಪಡೆಯುತ್ತಾರೆ.
ಸಂಬಳದ ಜತೆಗೆ, ವಸತಿ, ವೀಸಾ ಮತ್ತು ಟಿಕೆಟ್ಗಳು ಸೇರಿ ಹಲವು ಪ್ರಯೋಜನಗಳು ಇರುತ್ತವೆ. ಅಭ್ಯರ್ಥಿಗಳು ಏಪ್ರಿಲ್ 15 ರೊಳಗೆ ತಮ್ಮ ಸಿವಿಯನ್ನು career@odepc.in ಇಮೇಲ್ ಐಡಿಗೆ ಕಳುಹಿಸಬೇಕು. ಇಮೇಲ್ನ ಸಬ್ಜೆಕ್ಟ್ ವಿಭಾಗದಲ್ಲಿ ‘ಒಮಾನ್ ಶಾಲಾ ಹುದ್ದೆಗಳು 2025’ ಎಂದು ನಮೂದಿಸಿರಬೇಕು ಎಂದು ಸೂಚಿಸಲಾಗಿದೆ.
