ಬೆಂಗಳೂರು: ನಮಗೆ ಪರಿಚಯವಿರುವ ಎಲ್ಐಸಿ(LIC) ಪಾಲಿಸಿದಾರರಿಗೆ ಗುಡ್ ನ್ಯೂಸ್ | ನಿಮಗೆ ಸಿಗಲಿದೆ ಭರ್ಜರಿ 30% ರಿಯಾಯಿತಿ ಏಜೆಂಟ್ಳ ಒತ್ತಾಯಕ್ಕೆ ಮಣಿದು, ನಮಗೂ ಒಂದು ಜೀವ ವಿಮೆ ಸುರಕ್ಷತೆ ಇರಲಿ ಎಂದೋ ಎಲ್ಐಸಿ ಪಾಲಿಸಿ ಮಾಡಿಸಿರುತ್ತೀರಿ. ಆದರೆ, ಆರ್ಥಿಕ ಸಂಕಷ್ಟ ಸೇರಿ ಹಲವು ಕಾರಣಗಳಿಂದ ತಿಂಗಳು ಅಥವಾ ವರ್ಷಗಟ್ಟೆಲೆ ಎಲ್ಐಸಿ ಪಾಲಿಸಿ ಕಟ್ಟಿರುವುದಿಲ್ಲ. ಆದರೆ, ಮೊದಲು ಹಲವು ಕಂತುಗಳನ್ನು ಕಟ್ಟಿರುತ್ತೀರಿ. ಈಗ ಹಣಕಾಸು ಸ್ಥಿತಿ ಸುಧಾರಿಸಿದೆ, ಎಲ್ಐಸಿ ಪಾಲಿಸಿ ರಿಕವರಿ ಮಾಡೋಣ ಎಂದರೆ ಹೆಚ್ಚಿನ ಶುಲ್ಕ ಪಾವತಿಸಬೇಕು ಎಂಬ ಬೇಸರ ಕಾಡುತ್ತಿರುತ್ತದೆ. ಆದರೆ, ಈಗ ಬೇಸರ ಬೇಡ. ಎಲ್ಐಸಿ ಪಾಲಿಸಿ ರಿಕವರಿ ಮೇಲಿನ ಹೆಚ್ಚುವರಿ ಶುಲ್ಕಕ್ಕೆ ಸಂಸ್ಥೆಯು ಈಗ ಶೇ.30ರಷ್ಟು ರಿಯಾಯಿತಿ ನೀಡಿದೆ.
ಹೌದು, ಲ್ಯಾಪ್ಸ್ ಆಗಿರುವ ಎಲ್ಐಸಿ ಪಾಲಿಸಿಗಳನ್ನು ರಿಕವರ್ ಮಾಡಲು, ಜನ ಮತ್ತೆ ಪ್ರೀಮಿಯಂ ಪಾವತಿಸುವ ಮೂಲಕ ಪಾಲಿಸಿ ಮುಂದುವರಿಸಲು ಎಲ್ಐಸಿಯು ವಿಶೇಷ ಅಭಿಯಾನ ಆರಂಭಿಸಿದೆ. 2026ರ ಜನವರಿ 1ರಿಂದ ಮಾರ್ಚ್ 2ರವರೆಗೆ ಅಭಿಯಾನ ಚಾಲ್ತಿಯಲ್ಲಿರಲಿದೆ. ಅಷ್ಟರೊಳಗೆ ಪಾಲಿಸಿದಾರರು ಎಲ್ಐಸಿ ಪಾಲಿಸಿಯನ್ನು ರಿಕವರ್ ಮಾಡುವ ಜತೆಗೆ, ವಿಳಂಬ ಶುಲ್ಕದ ಮೇಲೆ ಶೇ.30ರಷ್ಟು ರಿಯಾಯಿತಿಯನ್ನೂ ಪಡೆಯಬಹುದಾಗಿದೆ.
ರಿಕವರಿ ಮಾಡುವುದು ಹೇಗೆ?
ನಿಷ್ಕ್ರಿಯಗೊಂಡಿರುವ ಎಲ್ಐಸಿ ಖಾತೆಯನ್ನು ರಿಕವರಿ ಮಾಡಬಹುದಾಗಿದೆ. ನೀವು ಹತ್ತಿರದ ಎಲ್ಐಸಿ ಶಾಖೆ ಅಥವಾ ಏಜೆಂಟ್ ಅವರನ್ನು ಸಂಪರ್ಕಿಸಿ, ಪಾಲಿಸಿ ಸ್ಥಿತಿಯನ್ನು ಪರಿಶೀಲಿಸಬಹುದು. ಫಾರ್ಮ್ 680 ಅಥವಾ ಎಲ್ಐಸಿ ಒದಗಿಸಿದ ರಿಕವರಿ ವಿನಂತಿ ಫಾರ್ಮ್ ಅನ್ನು ಭರ್ತಿ ಮಾಡಬಹುದು. ನೀವು ತಪ್ಪಿಸಿದ ಎಲ್ಲಾ ಪ್ರೀಮಿಯಂಗಳನ್ನು ಬಡ್ಡಿಯೊಂದಿಗೆ ಪಾವತಿ ಮಾಡಬೇಕಾಗುತ್ತದೆ. ಇದಾದ ನಂತರವೇ ಮತ್ತೆ ಸಕ್ರಿಯವಾಗುತ್ತದೆ. ಈಗ ರಿಯಾಯಿತಿ ಇರುವುದರಿಂದ ಜನರಿಗೆ ಅನುಕೂಲವಾಗಲಿದೆ.
ನೀವು ನಿಮ್ಮ ಪಾಲಿಸಿಗಳನ್ನು ಈ ಗ್ರೇಸ್ ಅವಧಿಯೊಳಗೆ ಪ್ರೀಮಿಯಂ ಪಾವತಿಸದಿದ್ದರೆ ಮಾತ್ರ ನಿಮ್ಮ ಪಾಲಿಸಿ ರದ್ದಾಗುತ್ತದೆ. ಗ್ರೇಸ್ ಅವಧಿ ಮುಗಿದ ನಂತರ ನಿಮ್ಮ ಜೀವ ವಿಮೆಯನ್ನು ರದ್ದುಗೊಳಿಸಲಾಗುತ್ತದೆ. ಇದರ ಜತೆಗೆ ನಿಮ್ಮ ಪಾಲಿಸಿ ಮೇಲಿನ ಬೋನಸ್ ಮತ್ತು ಲಾಯಲ್ಟಿ ಅನುಕೂಲವನ್ನು ತಡೆಹಿಡಿಯಲಾಗುತ್ತದೆ. ನೀವು ನಂತರ ಪಾಲಿಸಿಯನ್ನು ಸಕ್ರಿಯಗೊಳಿಸದಿದ್ದರೆನೀವು ಮೆಚ್ಯೂರಿಟಿ ಪ್ರಯೋಜನಗಳಿಗೆ ಅರ್ಹತೆಯನ್ನು ಕಳೆದುಕೊಳ್ಳುತ್ತೀರಿ. ಹಾಗಾಗಿ, ಕೂಡಲೇ ರಿಕವರ್ ಮಾಡುವುದು ಉತ್ತಮ.
ಎಷ್ಟಿರುತ್ತದೆ ಬಡ್ಡಿ?
ನಿಮ್ಮ ಪಾಲಿಸಿಗಳು 6 ತಿಂಗಳಿಗಿಂತ ಹೆಚ್ಚು ಕಾಲ ರದ್ದಾಗಿದ್ದರೆ ಅಥವಾ ಹೆಚ್ಚಿನ ಮೊತ್ತದ ವಿಮಾ ಯೋಜನೆಗಳಿದ್ದರೆ, ಎಲ್ಐಸಿಗೆ ಸಂಬಂಧಪಟ್ಟ ಪ್ರಾಧಿಕಾರದಿಂದ ದಾಖಲೆಗಳನ್ನು ನೀಡಿ ಮತ್ತೆ ಸಕ್ರಿಯಗೊಳಿಸಬಹುದು. 2 ದಿಂದ 5 ವರ್ಷ ವಿಳಂಬವಾದರೆ, ಅದಕ್ಕೆ ಶೇ.8-10ರಷ್ಟು ಬಡ್ಡಿಯನ್ನು ಪಾವತಿಸುವ ಮೂಲಕ ಪಾಲಿಸಿಯನ್ನು ವಾಪಸ್ ಪಡೆಯಬಹುದು. ಐದು ವರ್ಷಕ್ಕಿಂತ ಹೆಚ್ಚು ನಿಷ್ಕ್ರಿಯವಾಗಿದ್ದರೆ, ನೀವು ಅದನ್ನು ರಿಕವರಿ ಮಾಡಲು ಬರುವುದಿಲ್ಲ.
ಇದನ್ನೂ ಓದಿ: ಕೇಂದ್ರ ಸರ್ಕಾರದ NALCO ಸಂಸ್ಥೆಯಲ್ಲಿ 48 ಹುದ್ದೆಗಳ ನೇಮಕಾತಿ : 2.08 ಲಕ್ಷ ರೂ. ಸಂಬಳ
