ಪೋರ್ಟ್ ಮೊರೆಸ್ಬಿ: ಭಾರೀ ಭೂ ಕುಸಿತ ಉಂಟಾದ ಪರಿಣಾಮ ನೂರಕ್ಕೂ ಅಧಿಕ ಜನರು ಸಾವನ್ನಪ್ಪಿರುವ ಘಟನೆ ನಡೆದಿದೆ.
ಪಪುವಾ ನ್ಯೂಗಿನಿಯಾದ (Papua New Guinea) ಎಂಗಾ ಎಂಬಲ್ಲಿ ಭೂಕುಸಿತ (Landslide) ಉಂಟಾಗಿದೆ.
ಪಪುವಾ ನ್ಯೂಗಿನಿಯಾದ ಕಾಕಲಂ ಎಂಬಲ್ಲಿ ಭೂ ಕುಸಿತ ಉಂಟಾಗಿದೆ. ಬೆಳಗಿನ 3 ಗಂಟೆಯ ಹೊತ್ತಿಗೆ ಈ ಘಟನೆ ನಡೆದಿದೆ. ಇದರಿಂದಾಗಿ ಪರ್ವತದ ಹತ್ತಿರ ಇರುವ ಮನೆಗಳು ನೆಲಸಮವಾಗಿವೆ. ಸುಮಾರು 100ಕ್ಕೂ ಅಧಿಕ ಜನರು ನೆಲದಡಿಯಲ್ಲಿ ಸಮಾಧಿಯಾಗಿದ್ದಾರೆ ಎಂದು ತಿಳಿದು ಬಂದಿದೆ.
ಮಣ್ಣಿನಡಿ ಸಿಲುಕಿದ ಶವಗಳನ್ನು ಗ್ರಾಮಸ್ಥರು ಹೊರ ತೆಗೆಯುತ್ತಿದ್ದಾರೆ. ಸಾವಿನ ಸಂಖ್ಯೆ ಇನ್ನೂ ಹೆಚ್ಚಾಗುವ ಸಾಧ್ಯತೆ ಇದೆ. ದೊಡ್ಡ ದೊಡ್ಡ ಬಂಡೆಗಳು, ಮರಗಳು, ಕಟ್ಟಡಗಳ ಅವಶೇಷಗಳಡಿ ಮೃತದೇಹಗಳು ಸಿಲುಕಿಕೊಂಡಿವೆ. ಹೀಗಾಗಿ ದೇಹಗಳನ್ನು ಹೊರತೆಗೆಯುವುದು ಕಷ್ಟವಾಗಿದೆ.
