ಗಾಜಾದ ಮೇಲೆ ಇಸ್ರೇಲ್ ಬಾಂಬ್ ದಾಳಿ; ಕನಿಷ್ಠ 60 ಮಂದಿ ಸಾವು

ಪ್ಯಾಲೆಸ್ತೀನ್: ಗಾಜಾದ ಮೇಲೆ ಇಸ್ರೇಲ್ ಶನಿವಾರ ಬೆಳಗ್ಗೆಯಿಂದ ನಡೆಸಿದ ಬಾಂಬ್ ದಾಳಿಯಲ್ಲಿ ಕನಿಷ್ಠ 60 ಜನರು ಸಾವನ್ನಪ್ಪಿದ್ದಾರೆ ಎಂದು ಗಾಜಾದ ನಾಗರಿಕ ರಕ್ಷಣಾ ಸಂಸ್ಥೆ ತಿಳಿಸಿದೆ. ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು ಬಾಂಬ್ ದಾಳಿಯನ್ನು ನಿಲ್ಲಿಸುವಂತೆ ಒತ್ತಾಯಿಸಿದ ನಂತರವೂ ಇಸ್ರೇಲ್ ದಾಳಿಯನ್ನು ಮುಂದುವರೆಸಿದೆ.

ಇಂದು ಬೆಳಗಿನ ಜಾವದಿಂದ ನಡೆಯುತ್ತಿರುವ ಇಸ್ರೇಲಿ ಬಾಂಬ್ ದಾಳಿಯಿಂದ ಸಾವನ್ನಪ್ಪಿದವರ ಸಂಖ್ಯೆ 57 ರಷ್ಟಿದೆ, ಇದರಲ್ಲಿ ಗಾಜಾ ನಗರದಲ್ಲಿ ಮಾತ್ರ 40 ಮಂದಿ ಸೇರಿದ್ದಾರೆ ಎಂದು ಹಮಾಸ್ ಅಧಿಕಾರದ ಅಡಿಯಲ್ಲಿರುವ ಏಜೆನ್ಸಿಯ ವಕ್ತಾರ ಮಹ್ಮದ್ ಬಸ್ಸಲ್ ಎಎಫ್‌ಪಿಗೆ ತಿಳಿಸಿದ್ದಾರೆ.

ಅಮೆರಿಕ ಅಧ್ಯಕ್ಷ ಟ್ರಂಪ್, ಗಾಜಾ ಮೇಲೆ ಬಾಂಬ್ ದಾಳಿ ನಡೆಸುವುದನ್ನು ನಿಲ್ಲಿಸುವಂತೆ ಕರೆ ನೀಡಿದಾಗಿನಿಂದ ಇಸ್ರೇಲ್ ದಾಳಿಯನ್ನು ತೀವ್ರಗೊಳಿಸಿದೆ. ಇಸ್ರೇಲ್ ಅಬ್ದುಲ್ ಆಲ್ ಮನೆ ಸೇರಿದಂತೆ ಹಲವಾರು ನಾಗರಿಕರ ಮನೆಗಳ ಮೇಲೆ ಬಾಂಬ್ ದಾಳಿ ನಡೆಸಿತು. ಫಿರಂಗಿ ಮತ್ತು ಡ್ರೋನ್‌ಗಳ ಮೂಲಕ ನಾಗರಿಕರ ಮನೆಗಳ ಮೇಲೆ ಬಾಂಬ್ಗಳನ್ನು ಸುರಿಸುತ್ತಿದೆ ಮತ್ತು ಜನರನ್ನು ಗುರಿಯಾಗಿಸಿಕೊಂಡು ಶೆಲ್ ದಾಳಿ ಮುಂದುವರೆಸಿದೆ. ಈಗ ಇಸ್ರೇಲ್ ಅನ್ನು ಯಾರು ತಡೆಯುತ್ತಾರೆ?. ಈ ನರಮೇಧ ಮತ್ತು ನಡೆಯುತ್ತಿರುವ ರಕ್ತಪಾತವನ್ನು ನಿಲ್ಲಿಸಲು ಅದಷ್ಟು ಬೇಗ ಮಾತುಕತೆಗಳು ನಡೆಯಬೇಕು ಎಂದು ಗಾಜಾ ನಗರದ ಅಲ್-ರಿಮಲ್ ನಿವಾಸಿ ಮಹ್ಮದ್ ಅಲ್-ಘಾಜಿ ಒತ್ತಾಯಿಸಿದ್ದಾರೆ.
ಟ್ರಂಪ್ ಅವರ ಕರೆಯ ನಂತರ ಗಾಜಾದಲ್ಲಿ ಮಿಲಿಟರಿ ಯುದ್ಧಕ್ಕೆ ಸನ್ನದ್ಧಗೊಂಡಿದೆ ಎಂದು ಇಸ್ರೇಲ್ ಮಾಧ್ಯಮಗಳು ವರದಿ ಮಾಡಿವೆ. ಆದರೆ ಇಸ್ರೇಲ್ ಸೇನೆ ಇದನ್ನು ದೃಢಪಡಿಸಿಲ್ಲ.