ಫಾಸ್ಟ್ಯಾಗ್ ವಾರ್ಷಿಕ ಪಾಸ್:ಇದ್ರಿಂದ ಏನೆಲ್ಲ ಪ್ರಯೋಜನ?

ಟೋಲ್ ಗೇಟ್ ಗಳಲ್ಲಿ ವಾಹನಗಳು ಟೋಲ್ ಶುಲ್ಕ ಪಾವತಿಸಲು ಸಾಲುಗಟ್ಟಿ ನಿಲ್ಲುವ ವ್ಯವಸ್ಥೆಗೆ ಫಾಸ್ಟ್ಯಾಗ್ ಮೂಲಕ ಇತಿಶ್ರೀ ಹಾಡಿದ ಕೇಂದ್ರ ಸರ್ಕಾರವೀಗ ಮತ್ತೊಂದು ಕ್ರಾಂತಿಕಾರಕ ನಿರ್ಧಾರ ತೆಗೆದುಕೊಂಡಿದೆ. ವಾಹನ ಸವಾರರು ಪದೇಪದೆ ಫಾಸ್ಟ್ಯಾಗ್ ರಿಚಾರ್ಜ್ ಮಾಡಿಸಿಕೊಳ್ಳೋ ತಲೆನೋವಿನಿಂದ ಮುಕ್ತಿಗೊಳಿಸಲು ಕೇಂದ್ರ ಸರ್ಕಾರವು ಫಾಸ್ಟ್ಯಾಗ್ ಪಾಸ್ ಜಾರಿಗೊಳಿಸುತ್ತಿದೆ. ಕೇವಲ 3 ಸಾವಿರ ರೂಪಾಯಿಗೆ ಪಾಸ್ ದೊರೆಯುತ್ತದೆ. ಹಾಗಾದ್ರೆ ಏನಿದು ಪಾಸ್? ಪಡೆಯೋದು ಹೇಗೆ? ಏನೆಲ್ಲ ಉಪಯೋಗ ಇವೆ ಎಂಬುದೇ ಇವತ್ತಿನ ಸ್ಪೆಷಲ್ ಸ್ಟೋರಿ.

ಏನಿದು ಫಾಸ್ಟ್ಯಾಗ್ ವಾರ್ಷಿಕ ಪಾಸ್?
ಇದ್ರಿಂದ ಏನೆಲ್ಲ ಪ್ರಯೋಜನ?
ಯಾಕಾಗಿ ಹೊಸ ನಿಯಮ ಜಾರಿ?

ಕೇಂದ್ರ ಸರ್ಕಾರ 3,000 ರೂ. ಬೆಲೆಯ ಫಾಸ್ಟ್ಯಾಗ್ ಆಧಾರಿತ ವಾರ್ಷಿಕ ಪಾಸ್ ಅನ್ನು ಪರಿಚಯಿಸಿದ್ದು, ಇದು 2025ರ ಆಗಸ್ಟ್ 15ರಿಂದ ಜಾರಿಗೆ ಬರಲಿದೆ. ವಾರ್ಷಿಕ ಪಾಸ್ ಗಳಿಂದ ಖಾಸಗಿ ಕಾರುಗಳು, ಜೀಪ್ಗಳು ಮತ್ತು ವ್ಯಾನ್ಗಳು ಗೊತ್ತುಪಡಿಸಿದ ರಾಷ್ಟ್ರೀಯ ಹೆದ್ದಾರಿ ಟೋಲ್ ಪ್ಲಾಜಾಗಳಲ್ಲಿ ವರ್ಷಕ್ಕೆ 200 ಟೋಲ್-ಫ್ರೀ ಟ್ರಿಪ್ಗಳನ್ನು ಕೈಗೊಳ್ಳಲು ಅನುಮತಿ ಸಿಗುತ್ತದೆ. 200 ಟ್ರಿಪ್ಗಳ ನಂತರ ಅಥವಾ ಸಕ್ರಿಯಗೊಳಿಸಿದ ಒಂದು ವರ್ಷದ ನಂತರ (ಯಾವುದು ಮೊದಲು ಬರುತ್ತದೆಯೋ ಅದು) ಪಾಸ್ ಅವಧಿ ಮುಗಿಯುತ್ತದೆ. ಮತ್ತು ಪ್ರಮಾಣಿತ ಬಳಕೆಗೆ ಅನುಗುಣವಾದ ಪಾವತಿಸುವ FASTag ಮಾದರಿಗೆ ಮರಳುತ್ತದೆ.

ಫಾಸ್ಟ್ಯಾಗ್ ಪಾಸ್ ಕಾರ್ಯನಿರ್ವಹಣೆ ಹೇಗೆ?
ಇದರ ಮೂಲಕ ಬ್ಯಾಲೆನ್ಸ್ ಹೇಗೆ ಕಡಿತ?
ಸ್ವಯಂಚಾಲಿತವಾಗಿಯೇ ಹಣ ಕಡಿತ ಹೇಗೆ?

ಫಾಸ್ಟ್ಯಾಗ್ ರೇಡಿಯೋ ಫ್ರೀಕ್ವೆನ್ಸಿ ಐಡೆಂಟಿಫಿಕೇಷನ್ ತಂತ್ರಜ್ಞಾನದ ಮೂಲಕ ಕಾರ್ಯನಿರ್ವಹಿಸುತ್ತದೆ, ಇದು ಮೈಕ್ರೋಚಿಪ್ ಮತ್ತು ಆಂಟೆನಾದ ಬಳಕೆಯನ್ನು ಒಳಗೊಂಡಿರುತ್ತದೆ. ಫಾಸ್ಟ್ಯಾಗ್ ನಲ್ಲಿರುವ ಮೈಕ್ರೋಚಿಪ್ ಅನ್ನು ವಾಹನದ ನೋಂದಣಿ ಸಂಖ್ಯೆ, ಮಾಲೀಕರ ಹೆಸರು, ವಾಹನದ ವಿಧ ಮತ್ತು ಅದಕ್ಕೆ ಲಿಂಕ್ ಮಾಡಲಾದ ಬ್ಯಾಂಕ್ ಖಾತೆಯಂತಹ ವಿವರಗಳೊಂದಿಗೆ ಪ್ರೋಗ್ರಾಮ್ ಮಾಡಲಾಗಿದೆ. ವಾಹನವು ಟೋಲ್ ಪ್ಲಾಜಾವನ್ನು ಸಮೀಪಿಸಿದಾಗ, ಆಂಟೆನಾ ಫಾಸ್ಟ್ಯಾಗ್ ನಲ್ಲಿರುವ ಮಾಹಿತಿಯನ್ನು ರೀಡ್ ಮಾಡುತ್ತದೆ. ಅಲ್ಲದೆ, ಲಿಂಕ್ ಮಾಡಲಾದ ಬ್ಯಾಂಕ್ ಖಾತೆಯಿಂದ ಟೋಲ್ ಶುಲ್ಕವನ್ನು ಸ್ವಯಂಚಾಲಿತವಾಗಿ ಕಡಿತಗೊಳಿಸುತ್ತದೆ.

ವಾರ್ಷಿಕ ಫಾಸ್ಟ್ಯಾಗ್ ಪಾಸ್ ಪಡೆಯೋದು ಹೇಗೆ?
ಇದು ಟ್ರಿಪ್ ಗಳನ್ನು ಹೇಗೆ ಲೆಕ್ಕ ಹಾಕುತ್ತದೆ?
ವರ್ಷಾಂತ್ಯದ ಬಳಿಕ ಗ್ರಾಹಕರು ಏನು ಮಾಡಬೇಕು?

ವಾರ್ಷಿಕ ಪಾಸ್ ಅನ್ನು ರಾಜಮಾರ್ಗಯಾತ್ರೆ ಮೊಬೈಲ್ ಅಪ್ಲಿಕೇಶನ್ ಅಥವಾ NHAI ವೆಬ್ಸೈಟ್ ಮೂಲಕ ಮಾತ್ರ ಖರೀದಿಸಬಹುದು. ಸಾಮಾನ್ಯ ಟೋಲಿಂಗ್ ಮೂಲಕ ಪ್ರತಿ ಮಾರ್ಗವನ್ನು ಅಂದ್ರೆ, ಒಳಬರುವ/ಹೊರಹೋಗುವ ಪ್ರಯಾಣಕ್ಕೆ ಒಂದು ಟ್ರಿಪ್ ಎಂದು ಎಣಿಸಲಾಗುತ್ತದೆ, ಇಂತಹ 200 ಟ್ರಿಪ್ಗಳ ನಂತರ, ಬಳಕೆದಾರರು ವರ್ಷಾಂತ್ಯದ ಮೊದಲು ಪಾಸ್ ಅನ್ನು ಮರು-ಖರೀದಿಸಬಹುದು.

ಪಾಸ್ ಗಾಗಿ ಹೊಸ ಫಾಸ್ಟ್ಯಾಗ್ ಖರೀದಿಸಬೇಕಿಲ್ಲ
ರಾಜ್ಯ ಹೆದ್ದಾರಿಗಳಲ್ಲಿ ಇದು ಕಾರ್ಯನಿರ್ವಹಿಸಲ್ಲ
ಮೊದಲಿನಷ್ಟೇ ಮೊತ್ತ ಶುಲ್ಕವಾಗಿ ಕಡಿತ

ವಾರ್ಷಿಕ ಪಾಸ್ಗೆ ಹೊಸ ಫಾಸ್ಟ್ಯಾಗ್ ಖರೀದಿಸುವ ಅಗತ್ಯವಿಲ್ಲ. ನೀವು ಈಗಾಗಲೇ ನಿಮ್ಮ ವಾಹನದ ನೋಂದಣಿ ಸಂಖ್ಯೆಗೆ ಮಾನ್ಯವಾದ ಫಾಸ್ಟ್ಟ್ಯಾಗ್ ಅನ್ನು ಜೋಡಿಸಿದ್ದರೆ ಮತ್ತು ಅದನ್ನು ಮುಂದಿನ ಗಾಜಿಗೆ ಸರಿಯಾಗಿ ಅಂಟಿಸಿದ್ದರೆ, ನಿಮಗೆ ಹೊಸ ಫಾಸ್ಟ್ಟ್ಯಾಗ್ ಅಗತ್ಯವಿಲ್ಲ. ಆದಾಗ್ಯೂ, ಚಾಸಿಸ್ ಸಂಖ್ಯೆಗಳಿಗೆ ಮಾತ್ರ ಲಿಂಕ್ ಮಾಡಲಾದ ಫಾಸ್ಟ್ಯಾಗ್ ಗಳು ಅನರ್ಹವಾಗಿವೆ. ವಾರ್ಷಿಕ ಪಾಸ್ ಅನ್ನು ಸಕ್ರಿಯಗೊಳಿಸಲು VRN ಅನ್ನು ನವೀಕರಿಸಬೇಕು.

ಇನ್ನೊಂದು ಸಂಗತಿ ನೆನಪಿರಲಿ. ಫಾಸ್ಟ್ಯಾಗ್ ಪಾಸ್ ರಾಜ್ಯ ಹೆದ್ದಾರಿಗಳು ಅಥವಾ ಸ್ಥಳೀಯ ಅಥವಾ ರಾಜ್ಯ ಅಧಿಕಾರಿಗಳು ನಿರ್ವಹಿಸುವ ಇತರ ಎಕ್ಸ್ ಪ್ರೆಸ್ ವೇಗಳಲ್ಲಿನ ಟೋಲ್ ಗಳಿಗೆ ಅನ್ವಯಿಸುವುದಿಲ್ಲ. ಆ ಸ್ಥಳಗಳಲ್ಲಿ, ನಿಮ್ಮ FASTag ನಿಯಮಿತ ಟ್ಯಾಗ್ ಆಗಿ ಕಾರ್ಯನಿರ್ವಹಿಸುತ್ತದೆ ಮತ್ತು ಟೋಲ್ ಶುಲ್ಕವನ್ನು ಎಂದಿನಂತೆ ಕಡಿತಗೊಳಿಸಲಾಗುತ್ತದೆ.