ಬೆಂಗಳೂರು ಮತ್ತು ಮಂಗಳೂರು ನಡುವೆ ವಂದೇ ಭಾರತ್ ರೈಲು ಸಂಚಾರಕ್ಕೆ ಕ್ಷಣಗಣನೆ ಆರಂಭವಾಗಿದೆ. ನಾಳೆಯಿಂದ ಬೆಂಗಳೂರು ಮತ್ತು ಮಡಗಾಂವ್ ನಡುವೆ 26655 ಮತ್ತು 26656 ಸಂಖ್ಯೆಯ ಎರಡು ವಂದೇ ಭಾರತ್ ರೈಲುಗಳು ಅಧಿಕೃತವಾಗಿ ಓಡಾಟ ನಡೆಸಲಿವೆ.
ಬೆಳಿಗ್ಗೆ 7:35ಕ್ಕೆ ಬೆಂಗಳೂರಿನ ಯಶವಂತಪುರ ರೈಲ್ವೆ ನಿಲ್ದಾಣದಿಂದ ಈ ರೈಲು ಹೊರಡಲಿದೆ. ಮಧ್ಯಾಹ್ನ 3:05ಕ್ಕೆ ಮಂಗಳೂರು ರೈಲ್ವೆ ನಿಲ್ದಾಣವನ್ನು ತಲುಪಲಿದೆ. ಬಳಿಕ ಮಡಗಾಂವ್‌ನತ್ತ ಪ್ರಯಾಣ ಬೆಳೆಸಿ, ರಾತ್ರಿ 8:55ಕ್ಕೆ ಮಡಗಾಂವ್ ನಿಲ್ದಾಣ ತಲುಪಲಿದೆ.
ಮತ್ತೊಂದು ವಂದೇ ಭಾರತ್ ರೈಲು ಬೆಳಿಗ್ಗೆ 8:20ಕ್ಕೆ ಮಡಗಾಂವ್ ನಿಲ್ದಾಣದಿಂದ ಹೊರಡಲಿದೆ. ಮಧ್ಯಾಹ್ನ 1:50ಕ್ಕೆ ಮಂಗಳೂರು ರೈಲ್ವೆ ನಿಲ್ದಾಣಕ್ಕೆ ಆಗಮಿಸಲಿದೆ. ನಂತರ ಮಂಗಳೂರಿನಿಂದ ಪ್ರಯಾಣಿಸಿ ರಾತ್ರಿ 9:15ಕ್ಕೆ ಬೆಂಗಳೂರಿನ ಯಶವಂತಪುರ ರೈಲ್ವೆ ನಿಲ್ದಾಣ ತಲುಪಲಿದೆ.
