ಬೆಂಗಳೂರು : ಬೆಂಗಳೂರು ನಗರದ ಅವಲಹಳ್ಳಿಯಲ್ಲಿ ಸಾಕು ಕೋಳಿ ತಿಂದಿದ್ದಾವೆಂದು ಬೀದಿ ನಾಯಿಗಳ ಮೇಲೆ ಗುಂಡು ಹಾರಿಸಿ ಕೊಲೆ ಮಾಡಿರುವ ಘಟನೆ ಗುಂಡೂರಿನ ಸಮೀಪದ ಪಾಶ್ಮಿನ ಬ್ರೂಕ್ವುಡ್ಸ್ ಅಪಾರ್ಟ್ಮೆಂಟ್ ಬಳಿ ನಡೆದಿದೆ.
ವೆಂಕಟೇಶ್ ಎಂಬ ವ್ಯಕ್ತಿ ಸಾಕು ಕೋಳಿಗಳನ್ನು ತಿಂದು ಹಾಕಿವೆ ಎಂಬ ಆರೋಪದ ಹಿನ್ನೆಲೆ ಈ ಕೃತ್ಯ ಎಸಗಿದ್ದಾನೆ ಎನ್ನಲಾಗಿದೆ. ಮಾಹಿತಿಯ ಪ್ರಕಾರ, ಲೈಸೆನ್ಸ್ ಹೊಂದಿದ ಡಬ್ಬಲ್ ಬ್ಯಾರಲ್ ಗನ್ ಬಳಸಿ ಆರೋಪಿಯು ನಾಯಿಗಳ ಮೇಲೆ ಗುಂಡು ಹಾರಿಸಿದ್ದಾನೆ. ಪರಿಣಾಮವಾಗಿ ಎರಡು ಬೀದಿ ನಾಯಿಗಳು ಸಾವನ್ನಪ್ಪಿವೆ.
ಘಟನೆಯ ಬಳಿಕ ವೆಂಕಟೇಶ್ ವಿರುದ್ಧ ಅವಲಹಳ್ಳಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ. ಈ ಘಟನೆ ಪ್ರಾಣಿ ಹಕ್ಕುಗಳ ಬಗ್ಗೆ ಚರ್ಚೆಗೆ ಕಾರಣವಾಗಿದ್ದು, ಸಾರ್ವಜನಿಕರಿಂದ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ.
ಇದನ್ನೂ ಓದಿ : ಕ್ಷುಲ್ಲಕ ಕಾರಣಕ್ಕೆ ಎರಡು ಗುಂಪುಗಳ ನಡುವೆ ಮಾರಾಮಾರಿ.. ಇಬ್ಬರಿಗೆ ಗಂಭೀರ ಗಾಯ!
