ಬೆಂಗಳೂರು : ನಿಮ್ಮ ಹೆಸರಿನಲ್ಲಿ ಹೆಚ್ಚಿನ ಮೊಬೈಲ್ ನಂಬರ್ ಗಳು ನೋಂದಣಿಯಾಗಿದ್ದರೆ ದೂರಸಂಪರ್ಕ ಇಲಾಖೆಯ (DoT) ಹೊಸ ಆದೇಶವು ನಿಮ್ಮ ಮೇಲೆ ಪರಿಣಾಮ ಬೀರಬಹುದು. ದೇಶದಲ್ಲಿರುವ ಸಾರ್ವಜನಿಕರು ಗರಿಷ್ಠ 9 ಮೊಬೈಲ್ ನಂಬರ್ ಗಳನ್ನು ಅಥವಾ ಸಿಮ್ ಕಾರ್ಡ್ ಗಳನ್ನು ಹೊಂದಿರಬೇಕು ಎಂಬ ಆದೇಶ ಹೊರಡಿಸಿದೆ. ಹಾಗಾಗಿ, ಒಬ್ಬರು ಹೆಚ್ಚಿನ ಸಂಖ್ಯೆಯಲ್ಲಿ ಸಿಮ್ ಕಾರ್ಡ್ ಹೊಂದಿದ್ದರೆ ಈಗಲೇ ಎಚ್ಚೆತ್ತುಕೊಳ್ಳುವುದು ಒಳಿತು.
ದೂರಸಂಪರ್ಕ ಇಲಾಖೆಯ ನಿಯಮಗಳ ಪ್ರಕಾರ, 2026ರ ಆಗಸ್ಟ್ 24ರಿಂದ ಜಾರಿಗೆ ಬರುವಂತೆ, ಒಬ್ಬ ವ್ಯಕ್ತಿಯು ಎಲ್ಲಾ ಟೆಲಿಕಾಂ ಆಪರೇಟರ್ಗಳ ವ್ಯಾಪ್ತಿಯಲ್ಲಿ ತನ್ನ ಹೆಸರಿನಲ್ಲಿ ಗರಿಷ್ಠ ಒಂಬತ್ತು ಮೊಬೈಲ್ ನಂಬರ್ ಗಳನ್ನು ಮಾತ್ರ ಹೊಂದಿರಬಹುದು. ಅಂದರೆ ಈ ಮಿತಿಯು ಪ್ರತಿ ಟೆಲಿಕಾಂ ಕಂಪನಿಗೆ ಒಂಬತ್ತು ಸಿಮ್ ಕಾರ್ಡ್ ಗಳೆಂದಲ್ಲ. ಉದಾಹರಣೆಗೆ, ನಿಮ್ಮ ಬಳಿ 4 ಏರ್ ಟೆಲ್ ನಂಬರ್ ಗಳು, 3 ಜಿಯೋ ನಂಬರ್ ಗಳು ಮತ್ತು 2 ವಿಐ ನಂಬರ್ ಗಳು ಇದ್ದರೆ, ನಿಮ್ಮ ಹೆಸರಿನಲ್ಲಿ ಒಟ್ಟು 9 ಮೊಬೈಲ್ ಸಂಪರ್ಕಗಳಿವೆ ಎಂದರ್ಥ.
ಹೆಚ್ಚು ಇದ್ದರೆ ಏನಾಗುತ್ತದೆ?
ನಿಮ್ಮ ಹೆಸರಿನಲ್ಲಿ 9 ಕ್ಕಿಂತ ಹೆಚ್ಚು ಸಿಮ್ ಗಳಿದ್ದರೆ, ದೂರಸಂಪರ್ಕ ಇಲಾಖೆಯ ನಿಯಮಗಳ ಪ್ರಕಾರ ಹೆಚ್ಚುವರಿ ಸಂಪರ್ಕಗಳನ್ನು ರದ್ದುಗೊಳಿಸಲು ಅಥವಾ ವರ್ಗಾಯಿಸಲು ಸೂಚಿಸಲಾಗುತ್ತದೆ. ಇಲ್ಲದಿದ್ದರೆ, ಇಲಾಖೆಯು ಅಂತಹ ಸಂಖ್ಯೆಗಳನ್ನು ಸ್ಥಗಿತಗೊಳಿಸಬಹುದು. ಹೊಸ ಸಿಮ್ ಕಾರ್ಡ್ ಗಳನ್ನೇ ಆದ್ಯತೆಯಲ್ಲಿಟ್ಟುಕೊಂಡು ಬ್ಲಾಕ್ ಮಾಡಬಹುದು ಎಂದು ತಿಳಿಸಲಾಗಿದೆ.
ಪರಿಶೀಲಿಸುವುದು ಹೇಗೆ?
ನಿಮ್ಮ ಹೆಸರಿನಲ್ಲಿ ಎಷ್ಟು ಸಿಮ್ ಕಾರ್ಡ್ ಗಳು ನೋಂದಾಯಿಸಲ್ಪಟ್ಟಿವೆ ಎಂಬುದನ್ನು ತಿಳಿದುಕೊಳ್ಳಲು ಮತ್ತು ನಿಮ್ಮ ಹೆಸರಿನಲ್ಲಿ ಬೇರೆ ಯಾರಾದರೂ ಸಿಮ್ ಪಡೆದಿದ್ದಾರೆಯೇ ಎಂದು ಪರಿಶೀಲಿಸಲು ‘ಸಂಚಾರ್ ಸಾಥಿ’ (Sanchar Saathi) ಪೋರ್ಟಲ್ ಅನ್ನು ಬಳಸಬಹುದು. ಸೈಬರ್ ವಂಚನೆ, ನಕಲಿ ದಾಖಲೆ ಸೇರಿ ಹಲವು ವಂಚನೆಗಳನ್ನು ತಡೆಯಲು ಕೇಂದ್ರ ಸರ್ಕಾರವು ಹೊಸ ನಿಯಮಗಳನ್ನು ಪರಿಚಯಿಸಿದೆ ಎಂದು ವರದಿಯಾಗಿದೆ.
ಇದನ್ನೂ ಓದಿ ; ದೆಹಲಿ-NCRನಲ್ಲಿ ‘ಹಂದಿ ಜ್ವರ’ದ ಆತಂಕ : ಆಕ್ಸಿಜನ್ ಕೊರತೆಯಿಂದ ರೋಗಿಗಳು ಕಂಗಾಲು!
