ಬೆಂಗಳೂರು : ಪಶ್ಚಿಮ ಏಷ್ಯಾ ಬಿಕ್ಕಟ್ಟಿನಿಂದಾಗಿ ದೇಶದಲ್ಲಿ LPG ಸಿಲಿಂಡರ್ ಕೊರತೆಯಾಗಿದೆ. ಈಗಾಗಲೇ, ವಾಣಿಜ್ಯ ಬಳಕೆ ಸಿಲಿಂಡರ್ ಕೊರತೆಯಿಂದಾಗಿ ಹೋಟೆಲ್ಗಳು ಮುಚ್ಚಿವೆ. ಗೃಹಬಳಕೆ ಸಿಲಿಂಡರ್ ಕೊರತೆಯೂ ಉಂಟಾಗುತ್ತಿದೆ. ಇದರ ಬೆನ್ನಲ್ಲೇ, ಎಲ್ಪಿಜಿ ಬುಕ್ ಮಾಡುವ ಗ್ರಾಹಕರಿಗೆ ಪೆಟ್ರೋಲಿಯಂ ಕಂಪನಿಗಳು ಎಚ್ಚರಿಕೆ ನೀಡಿವೆ. ನಿಮ್ಮ ಮನೆಗೆ ಅಡುಗೆ ಅನಿಲ ಸಿಲಿಂಡರ್ ಪೂರೈಕೆ ಮಾಡಿದ ನಂತರವಷ್ಟೇ Delivery Authentication Code (DAC) ಅಥವಾ OTP ನೀಡಬೇಕು ಎಂದು ತಿಳಿಸಿವೆ.
ಹೌದು.. ಅಡುಗೆ ಅನಿಲ ಪೂರೈಕೆಗೆ ಡಿಎಸಿ ಅಥವಾ ಒಟಿಪಿಯನ್ನು ಈಗ ಕಡ್ಡಾಯಗೊಳಿಸಲಾಗಿದೆ. ಆದರೂ, ಮೊಬೈಲ್ನಲ್ಲಿ ಕರೆ ಮಾಡುವ ಮೂಲಕ ಗ್ರಾಹಕರಿಂದ ಒಟಿಪಿ ಕೇಳುವ, ಕಾಳಸಂತೆಯಲ್ಲಿ ಸಿಲಿಂಡರ್ಗಳನ್ನು ಮಾರಾಟ ಮಾಡುವ ದಂಧೆ ಆರಂಭವಾಗಿದೆ. ಹಾಗಾಗಿ, ಕಂಪನಿಗಳು ಗ್ರಾಹಕರಿಗೆ ಹಲವು ಸೂಚನೆ ನೀಡಿವೆ. ಎಚ್ಪಿ ಗ್ಯಾಸ್, ಇಂಡೇನ್ ಮತ್ತು ಭಾರತ್ ಗ್ಯಾಸ್ ಕಂಪನಿಗಳು ಗ್ರಾಹಕರಿಗೆ ಸೂಚನೆ ನೀಡಿವೆ.
ಕಂಪನಿಗಳ ಸೂಚನೆಗಳು ಏನು?
• ನಿಮ್ಮ ಮನೆಗೆ ಏಜೆಂಟರು ಎಲ್ ಪಿಜಿ ಸಿಲಿಂಡರ್ ಡೆಲಿವರಿ ಮಾಡಿದ ಬಳಕವೇ ನಿಮ್ಮ ಮೊಬೈಲ್ ಗೆ ಬರುವ DAC ಅಥವಾ OTPಯನ್ನು ಹಂಚಿಕೊಳ್ಳಬೇಕು.
• ಗ್ಯಾಸ್ ಕಂಪನಿಗಳ ಪ್ರತಿನಿಧಿಗಳು ಎಂದಿಗೂ ಫೋನ್ ಕರೆ, ವಾಟ್ಸಾಪ್ ಮೆಸೇಜ್ ಅಥವಾ ಯಾವುದೇ ಲಿಂಕ್ ಗಳ ಮೂಲಕ ನಿಮ್ಮ ಒಟಿಪಿ ಕೇಳುವುದಿಲ್ಲ. ಸಿಲಿಂಡರ್ ನೀಡುವ ಮೊದಲೇ ಯಾರಾದರೂ ಫೋನ್ ನಲ್ಲಿ ಕೋಡ್ ಕೇಳಿದರೆ ಅದು ವಂಚನೆಯಾಗಿರಬಹುದು.
• ಸೈಬರ್ ವಂಚಕರು ಅಧಿಕೃತ ಗ್ಯಾಸ್ ಏಜೆನ್ಸಿಯಂತೆ ನಟಿಸಿ, ಸಿಲಿಂಡರ್ ಬುಕ್ಕಿಂಗ್ ರದ್ದಾಗುತ್ತದೆ ಎಂದು ಹೆದರಿಸಿ ನಿಮ್ಮಿಂದ ಒಟಿಪಿ ಪಡೆದು ನಿಮ್ಮ ಬ್ಯಾಂಕ್ ಖಾತೆಯ ಹಣವನ್ನು ಲಪಟಾಯಿಸುವ ಸಾಧ್ಯತೆ ಇರುತ್ತದೆ.
• HP Gas (VM-HPGAS), Indane (VK-INDANE), ಅಥವಾ Bharat Gas (AD-BPCL) ನಂತಹ ಅಧಿಕೃತ ಐಡಿಗಳಿಂದ ಬರುವ ಸಂದೇಶಗಳನ್ನು ಮಾತ್ರ ನಂಬಿ. ವೈಯಕ್ತಿಕ ಮೊಬೈಲ್ ಸಂಖ್ಯೆಗಳಿಂದ ಬರುವ ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಬೇಡಿ.
• ಸುರಕ್ಷತೆಗಾಗಿ ಅಧಿಕೃತ ಆ್ಯಪ್ ಗಳಾದ ‘IndianOil One’, ‘Hello BPCL’, ಅಥವಾ ‘HP Pay’ ಮೂಲಕವೇ ಸಿಲಿಂಡರ್ ಬುಕ್ ಮಾಡಿ.
ಇದನ್ನೂ ಓದಿ : ಸುರತ್ಕಲ್ NITKಯಲ್ಲಿ ಎಂಜಿನಿಯರ್ ಹುದ್ದೆಗಳ ನೇಮಕಾತಿಗೆ ಅರ್ಜಿ ಆಹ್ವಾನ!
