ಪುತ್ತೂರು : ಕುಖ್ಯಾತ ಡ್ರಗ್ ಪೆಡ್ಲರ್ ಕೇರಳದ ಮಹಮ್ಮದ್ ಅಜ್ಮಲ್ ಅಲಿಯಾಸ್ ಅಜ್ಜುನನ್ನು ಬಂಧಿಸಲಾಗಿದ್ದು, ದಕ್ಷಿಣ ಕನ್ನಡ ಪೋಲೀಸರ ಕಾರ್ಯಕ್ಕೆ ಭಾರೀ ಮೆಚ್ಚುಗೆ ವ್ಯಕ್ತವಾಗಿದೆ.
ಈ ವಿಷಯ ತಿಳಿದ ಆರೋಪಿ ಅಜ್ಮಲ್ ಸ್ವಗ್ರಾಮವಾದ ಕೋಝಿಕೋಡ್‌ನ ವಡಕರ್ ತಾಲೂಕಿನ ವೇಲಂ ಗ್ರಾಮದ ಚೆನ್ನಿಲೋಟ್ಟುಯಲ್ಲಿ ಗ್ರಾಮಸ್ಥರು ಪಟಾಕಿ ಸಿಡಿಸಿ ಸಂಭ್ರಮಾಚರಣೆ ಮಾಡಿದ್ದಾರೆ.
ಊರಿಗೆ ಮಾರಿಯಂತಿದ್ದ ಅಜ್ಮಲ್ ಯಾನೆ ಅಜ್ಜು, ಊರಿನ ಯುವಕರಿಗೆ ಮಾದಕವಸ್ತು ಪೂರೈಸಿ ಜೀವನ ಹಾಳು ಮಾಡುತ್ತಿದ್ದ. ಕೇರಳದ ಪೋಲೀಸರ ಕೈಗೆ ಸಿಗದೆ ತಿರುಗಾಡುತ್ತಿದ್ದ ಆರೋಪಿ ನಿನ್ನೆ ಪುತ್ತೂರು ಗ್ರಾಮಾಂತರ ಪೋಲೀಸರ ಕೈಗೆ ಸಿಕ್ಕಿಬಿದ್ದಿದ್ದಾನೆ. ಈ ವೇಳೆ ಅಜ್ಮಲ್ ಮತ್ತು ಆತನ ಸಹಚರರಿಂದ ಸುಮಾರು 38 ಲಕ್ಷ ಮೌಲ್ಯದ ಮಾದಕ ವಸ್ತುವನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ.
ಇದನ್ನೂ ಓದಿ : ಯುವಕರಿಗೆ ಮಂಡ್ಯ ನಗರ ಚಿತ್ರಣ ತೋರಿಸುವ ನಿಟ್ಟಿನಲ್ಲಿ ಹೆಲಿಟೂರಿಸಂ | ಸಚಿವ ಚಲುವರಾಯಸ್ವಾಮಿ
