ಉಳಿತಾಯ, ಹೂಡಿಕೆ ಅನ್ನೋದು ಶ್ರೀಮಂತರು, ಹೆಚ್ಚಿನ ಸಂಬಳದವರು ಮಾತ್ರವಲ್ಲ, ಯಾರು ಬೇಕಾದರೂ ಮಾಡಬಹುದಾಗಿದೆ. ಹನಿ ಹನಿ ಸೇರಿದರೆ ಹಳ್ಳ ಅನ್ನೋ ಮಾತಂತೆ, ನಾವು ಉಳಿಸುವ ಒಂದೊಂದು ರೂಪಾಯಿಯೂ ಭವಿಷ್ಯದಲ್ಲಿ ಲಕ್ಷಾಂತರ ರೂಪಾಯಿ ಆಗತ್ತೆ. ಇಂತಹ ಹೂಡಿಕೆಗೆಂದೇ, ಪೋಸ್ಟ್ ಆಫೀಸಿನ ಗ್ರಾಮ ಸುರಕ್ಷಾ ಯೋಜನೆ ಇದೆ. ಇದರಲ್ಲಿ ಪ್ರತಿ ದಿನ ಕೇವಲ 50 ರೂ. ಉಳಿಸಿದರೂ ಸಾಕು, ಮುಂದೊಂದು ದಿನ ಲಕ್ಷಾಂತರ ರೂಪಾಯಿ ಗಳಿಸಬಹುದಾಗಿದೆ.
ನಿತ್ಯ 50 ರೂ. ಉಳಿಸಿ, 35 ಲಕ್ಷ ರೂ. ಗಳಿಸಿ
ಪೋಸ್ಟ್ ಆಫೀಸ್ ನಲ್ಲಿದೆ ಭರ್ಜರಿ ಸ್ಕೀಮ್
ಅಷ್ಟಕ್ಕೂ ಏನಿದು ಗ್ರಾಮ ಸುರಕ್ಷಾ ಯೋಜನೆ?
ಅಂಚೆ ಕಚೇರಿಯ ಗ್ರಾಮ ಸುರಕ್ಷಾ ಯೋಜನೆಯು ಗ್ರಾಮೀಣ ಜನರಿಗೆ ಆರ್ಥಿಕ ಸ್ವಾತಂತ್ರ್ಯವನ್ನು ಸಾಧಿಸಲು ಉತ್ತಮ ಅವಕಾಶ ಒದಗಿಸುತ್ತದೆ. ಕಡಿಮೆ ಮೊತ್ತದ ಹೂಡಿಕೆಯಿಂದ ದೊಡ್ಡ ಲಾಭ, ಸರ್ಕಾರದ ಬೆಂಬಲ, ಮತ್ತು ಜೀವ ವಿಮಾದ ಸೌಲಭ್ಯವನ್ನು ಒದಗಿಸುವ ಈ ಯೋಜನೆ, ಸುರಕ್ಷಿತ ಉಳಿತಾಯಕ್ಕೆ ಒಳ್ಳೆಯ ಆಯ್ಕೆಯಾಗಿದೆ. ಅದ್ರಲ್ಲೂ, ಗ್ರಾಮ ಸುರಕ್ಷಾ ಯೋಜನೆಯು ಕಡಿಮೆ ರಿಸ್ಕ್ನೊಂದಿಗೆ ದೊಡ್ಡ ಲಾಭವನ್ನು ಒದಗಿಸುವುದರ ಜತೆಗೆ, ಗ್ರಾಮೀಣ ಜನರ ಆರ್ಥಿಕ ಭದ್ರತೆಯನ್ನು ಖಾತರಿಪಡಿಸುತ್ತದೆ. ನೀವು ಅಂಚೆ ಕಚೇರಿಗೆ ಭೇಟಿ ನೀಡಿದ್ರೂ ಸಾಕು, ಅಲ್ಲಿನ ಸಿಬ್ಬಂದಿಯು ಯೋಜನೆಯ ವಿವರಗಳನ್ನು ವಿವರಿಸಿ, ಸೂಕ್ತ ಫಾರ್ಮ್ಗಳನ್ನು ಭರ್ತಿ ಮಾಡಲು ಸಹಾಯ ಮಾಡ್ತಾರೆ.
ಇದು ಕೇಂದ್ರ ಸರ್ಕಾರದ ಯೋಜನೆ
ರಿಸ್ಕ್ ಇಲ್ಲ, ಮಾರ್ಕೆಟ್ ಜ್ಞಾನ ಬೇಕಾಗಿಲ್ಲ
ವರ್ಷಕ್ಕೊಮ್ಮೆಯೂ ಪಾವತಿ ಸಾಧ್ಯ
ಗ್ರಾಮ ಸುರಕ್ಷಾ ಯೋಜನೆಯು ದಿನಕ್ಕೆ ಕೇವಲ 50 ರೂ. ಅಥವಾ ತಿಂಗಳಿಗೆ ಸರಿಸುಮಾರು 1,515 ರೂ. ಕಡಿಮೆ ಪ್ರೀಮಿಯಂನೊಂದಿಗೆ ಆರಂಭವಾಗುತ್ತದೆ. ಈ ಪ್ರೀಮಿಯಂ ಅನ್ನು ತಿಂಗಳಿಗೊಮ್ಮೆ, ತ್ರೈಮಾಸಿಕ, ಅರ್ಧವಾರ್ಷಿಕ ಅಥವಾ ವಾರ್ಷಿಕವಾಗಿ ಪಾವತಿಸಬಹುದು, ಇದು ಹೂಡಿಕೆದಾರರಿಗೆ ಹೊಂದಿಕೊಳ್ಳುವ ಸೌಲಭ್ಯವನ್ನು ನೀಡುತ್ತದೆ. ಉದಾಹರಣೆಗೆ, 19 ವರ್ಷದ ವ್ಯಕ್ತಿಯೊಬ್ಬರು ಈ ಯೋಜನೆಯನ್ನು ಆರಂಭಿಸಿ, 55 ವರ್ಷದವರೆಗೆ (ಅಂದರೆ 36 ವರ್ಷ) ಪ್ರತಿದಿನ 50 ರೂ. ಹೂಡಿಕೆ ಮಾಡಿದರೆ, ಯೋಜನೆಯ ಮುಕ್ತಾಯದ ವೇಳೆಗೆ 31.6 ಲಕ್ಷ ರೂ.ನಿಂದ 35 ಲಕ್ಷ ರೂ.ವರೆಗೆ (ಬೋನಸ್ ಸೇರಿದಂತೆ) ಲಾಭ ಪಡೆಯಬಹುದ.
ನಾಮಿನಿಗೆ ಸಿಗಲಿದೆ ಪೂರ್ಣ ಮೊತ್ತದ ಸುರಕ್ಷತೆ
ಯೋಜನೆ ಅನ್ವಯ ಬೋನಸ್ ಕೂಡ ಸಿಗತ್ತೆ
ಪಾಲಿಸಿಯ ಮೇಲೆ ಸಾಲವೂ ಸಿಗತ್ತೆ
ಹೂಡಿಕೆದಾರರ ಅಕಾಲಿಕ ಮರಣದ ಸಂದರ್ಭದಲ್ಲಿ, ನಾಮಿನಿಗೆ ಪೂರ್ಣ ಮೊತ್ತವನ್ನು ಬೋನಸ್ ಸೇರಿದಂತೆ ವಿತರಿಸಲಾಗುತ್ತದೆ. ಯೋಜನೆಯ ಮುಕ್ತಾಯದ ಸಮಯದಲ್ಲಿ ಆಕರ್ಷಕ ಬೋನಸ್ ಮೊತ್ತವನ್ನು ಸೇರಿಸಲಾಗುತ್ತದೆ, ಇದು ಒಟ್ಟಾರೆ ಲಾಭವನ್ನು ಹೆಚ್ಚಿಸುತ್ತದೆ. ಯೋಜನೆಯನ್ನು 4 ವರ್ಷಗಳಿಗಿಂತ ಹೆಚ್ಚಿನ ಅವಧಿಗೆ ಠೇವಣಿ ಮಾಡಿದರೆ, ಪಾಲಿಸಿಯ ಮೇಲೆ ಸಾಲವನ್ನು ಕೂಡ ಪಡೆಯಬಹುದು.
ಯೋಜನೆ ಅನ್ವಯ ಹೂಡಿಕೆ ಹೇಗೆ?
ಯಾವೆಲ್ಲ ದಾಖಲೆಗಳನ್ನು ನೀಡಬೇಕು?
ಪ್ರೀಮಿಯಂ ಪಾವತಿಸೋರು ಇದನ್ನ ಮರೀಬೇಡಿ
ಆಧಾರ್ ಕಾರ್ಡ್, ವೋಟರ್ ಐಡಿ, ಅಡ್ರೆಸ್ ಪ್ರಮಾಣಪತ್ರ, ವಯಸ್ಸಿನ ದಾಖಲೆ, ಪಾಸ್ ಪೋರ್ಟ್ ಸೈಜಿನ ಫೋಟೋಗಳು ಇದ್ದರೂ ಸಾಕು, ನೀವು ಯೋಜನೆಯನ್ನು ಆಯ್ಕೆ ಮಾಡಬಹುದು. ಪೋಸ್ಟ್ ಆಫೀಸಿಗೆ ಹೋಗಿ ಇವುಗಳನ್ನು ಕೊಟ್ಟರೆ, ಅಲ್ಲಿನ ಸಿಬ್ಬಂದಿಯು ಫಾರ್ಮ್ ಭರ್ತಿ ಮಾಡಿ, ಯೋಜನೆಯನ್ನು ಆಯ್ಕೆ ಮಾಡಿಕೊಡ್ತಾರೆ. ಯೋಜನೆ ಆಯ್ಕೆ ಮಾಡಿಕೊಂಡೋರು, ಪ್ರೀಮಿಯಂ ಪಾವತಿಯನ್ನು ನಿಯಮಿತವಾಗಿ ಮಾಡಬೇಕು. ಇಲ್ಲದಿದ್ದರೆ, ಪಾಲಿಸಿಯು ಲ್ಯಾಪ್ಸ್ ಆಗಬಹುದು ಹಾಗೂ ಲಾಭವನ್ನು ಕಡಿಮೆ ಮಾಡಬಹುದು. ಮತ್ತಿನ್ಯಾಕೆ ತಡ, ಯೋಜನೆ ಆಯ್ಕೆ ಮಾಡಿಕೊಳ್ಳಿ, ನಿಯಮಿತವಾಗಿ ಹೂಡಿಕೆ ಮಾಡುತ್ತ ಹೋಗಿ.
