ಬೆಂಗಳೂರು: ಕನ್ನಡದ ತಗ್ಗೆದೆಲೆ ಯಶ್ ತಾಯಿ ಪುಷ್ಪಮ್ಮ ಮತ್ತೆ ಹೊಸ ಚರ್ಚೆಯಲ್ಲಿದ್ದಾರೆ. ಪುಷ್ಪಮ್ಮ ಏನೇ ಮಾತನಾಡಿದ್ರು, ಎಲ್ಲಿಗೆ ಹೋದ್ರು ಅದು ಟ್ರೆಂಡಿಂಗ್ ನಲ್ಲಿರುತ್ತೆ. ಆದರೆ ಈ ಸಲ ಪುಷ್ಪ ಹೂಡಿದ ಮಾತಿನ ಬಾಣ ಹೊಸ ವಿವಾದ ಸೃಷ್ಟಿಸಿದೆ. ಮಾತನಾಡುವ ಭರದಲ್ಲಿ ಪುಷ್ಪ ಹತ್ತಿಸಿರೋ ಫೈಯರ್ ಅಂತಿಂಥದ್ದಲ್ಲ.
ಕೊನೆಗೂ ರಾಕಿಂಗ್ ಸ್ಟಾರ್ ಯಶ್ ಹಾಗೂ ನಟಿ ದೀಪಿಕಾ ದಾಸ್ ನಡುವಿನ ಕೌಟುಂಬಿಕ ಕಲಹ ಬಯಲಾಗಿದೆ. ಯಶ್ ತಾಯಿ ಪುಷ್ಪ ಕೊಟ್ಟಿರೋ ಒಂದು ಹೇಳಿಕೆ ದೀಪಿಕಾ ದಾಸ್ ಗೆ ಪಿತ್ತ ನೆತ್ತಿಗೇರುವಂತೆ ಮಾಡಿದೆ. ಯಶ್ ಚಿಕ್ಕಮ್ಮನ ಮಗಳು ಎಂದು ಎಲ್ಲಿಯೂ ಹೇಳಿಕೊಳ್ಳದ ದೀಪಿಕಾದಾಸ್ ಈಗ ಯಶ್ ತಾಯಿ ವಿರುದ್ಧ ಕೆಂಡಮಂಡಲವಾಗಿದ್ದಾರೆ.
ಯಶ್ ತಾಯಿ ಪುಷ್ಪ ‘ಕೊತ್ತಲವಾಡಿ’ ಚಿತ್ರದಿಂದ ನಿರ್ಮಾಪಕರಾಗಿದ್ದು ಎಲ್ಲರಿಗೂ ಗೊತ್ತೇ ಇದೆ. ಸಿನಿಮಾ ನಿರೀಕ್ಷೆಯಂತೆ ಗೆಲ್ಲಲಿಲ್ಲ. ಆದರೆ ಸಿನಿಮಾ ಬಿಡುಗಡೆಗೂ ಮುಂಚೆ ಪುಷ್ಪಮ್ಮ ಕೊಟ್ಟ ಸಂದರ್ಶನಗಳು ವೈರಲ್ ಆಗಿದ್ದವು. ಮೊದಲ ಸಿನಿಮಾದಲ್ಲೇ ಇಷ್ಟು ಓವರ್ ಕಾನ್ಫಿಡೆನ್ಸ್ ಒಳ್ಳೆಯದಾ ಎನ್ನುವ ಟೀಕೆಗಳು ವ್ಯಕ್ತವಾಗಿತ್ತು. ಬಟ್, ‘ಪುಷ್ಪಮ್ಮ ಮಾತ್ರ ಡೇರ್ ಡೆವಿಲ್ ನಂತೆ ‘ನಾನು ಹೇಳಿದ್ದೇ ನಿಜ. ಮಾತಡೋರು ನೂರು ಮಾತನಾಡಲಿ ಅಂತ ಧೈರ್ಯದಲ್ಲಿದ್ದರು. ಈಗ ‘ಕೊತ್ತಲವಾಡಿ’ ರಿಲೀಸ್ ಅದ್ಮೇಲೂ ಪುಷ್ಪ ಬೆಂಕಿಮಾತುಗಳು ಮುಂದುವರೆದಿದೆ. ಆ ಬೆಂಕಿಯ ಎಫೆಕ್ಟ್ ದೀಪಿಕಾ ದಾಸ್ ಗೆ ತಟ್ಟಿದೆ. ಯೂಟ್ಯೂಬ್ ಸಂದರ್ಶನವೊಂದರಲ್ಲಿ ದೀಪಿಕಾಗೆ ನೀವ್ ಸಿನಿಮಾ ಮಾಡ್ತೀರಾ ಅಂತ ಕೇಳಿದ್ದೆ, ಪುಷ್ಪಮ್ಮ ಫುಲ್ ಗರಂ ಆಗಿದಾರೆ. ‘ನಾನ್ಯಾಕೆ ಅವಳಿಗೆ ಸಿನಿಮಾ ಮಾಡಲಿ? ಅವಳೇನೂ ದೊಡ್ಡ ಹೀರೋಯಿನ್ನಾ ಅಂತ ಮರುಪ್ರಶ್ನೆ ಮಾಡಿದ್ದಾರೆ.
ಇದಕ್ಕೆ ಇನ್ಸ್ಟಾಗ್ರಾಮ್ ಪೋಸ್ಟ್ ನಲ್ಲಿ ತಿರುಗೇಟು ಕೊಟ್ಟಿರೋ ದೀಪಿಕಾದಾಸ್, ‘ ನಾನು ಎಲ್ಲಿಯೂ ಯಾರ ಹೆಸರನ್ನು ಹೇಳಿಕೊಂಡು ಬಂದಿಲ್ಲ. ನಾನು ದೊಡ್ಡ ನಟಿ ಅಲ್ಲದಿರಬಹುದು. ಆದರೆ ನನ್ನ ಬಗ್ಗೆ ಮಾತನಾಡುವ ಯೋಗ್ಯತೆ ಯಾರಿಗೂ ಇಲ್ಲ. ಅದು ದೊಡ್ಡಮ್ಮನ್ನೇ ಆಗಿರಲಿ, ಪುಷ್ಪಮ್ಮನ್ನೇ ಆಗಿರಲಿ’ ಅಂತ ನೇರವಾಗಿ ಟಾಂಗ್ ಕೊಟ್ಟಿದ್ದಾರೆ. ಇದರಿಂದ ಕೆರಳಿ ಮತ್ತೇನಾದ್ರೂ ಪುಷ್ಪಮ್ಮ ವಿವಾದಕ್ಕೀಡಾಗುವ ಮಾತಾಡ್ತಾರ ಕಾದುನೋಡ್ಬೇಕು..!
