ಬೆಂಗಳೂರು : ಸ್ವಾತಂತ್ರ್ಯೋತ್ಸವ ಸಮೀಪಿಸುತ್ತಿದೆ. ದೇಶದ ಧ್ವಜ ಎಲ್ಲೆಲ್ಲೂ ರಾರಾಜಿಸುತ್ತಿದೆ. ಈ ನಡುವೆ ವಿಶ್ವದ ಎರಡನೇ ಅತಿದೊಡ್ಡ ಧ್ವಜವನ್ನು ವಿಧಾನಸೌಧದ ಭವ್ಯ ಮೆಟ್ಟಿಲುಗಳ ಮೇಲೆ ಅನಾವರಣ ಎಂದು ಸ್ಪೀಕರ್ ಯು.ಟಿ. ಖಾದರ್ ತಿಳಿಸಿದ್ದಾರೆ.
ವಿಶ್ವದ 2ನೇ ದೊಡ್ಡ ಧ್ವಜವನ್ನು ವಿನೋದ್ ಗುಲಬುರ್ಗಾ ಎನ್ನುವವರು ನಿರ್ಮಿಸಿ, ದಾಖಲೆ ಬರೆದಿದ್ದಾರೆ. ಇದನ್ನು ವಿಧಾನಸೌಧದ ಭವ್ಯ ಮೆಟ್ಟಿಲುಗಳ ಮೇಲೆ ಅನಾವರಣ ಮಾಡುತ್ತಿದ್ದೇವೆ. ವಿಧಾನಸೌಧಕ್ಕೆ ಬರುವವರು ಕೂಡ ಇದನ್ನು ನೋಡಿ ಕಣ್ತುಂಬಿಕೊಳ್ಳಬಹುದು. ಯುವಕರಿಗೆ ಪ್ರೊತ್ಸಾಹ ನೀಡಲು ವಿಧಾನಸೌಧದ ಮೆಟ್ಟಿಲುಗಳ ಮೇಲೆ ಅನಾವರಣಗೊಳಿಸುತ್ತಿದ್ದೇವೆ ಎಂದಿದ್ದಾರೆ.
ಸ್ವಾತಂತ್ರ್ಯ ದಿನಕ್ಕೆ ಇದನ್ನು ಅನಾವರಣ ಮಾಡಬೇಕೆಂದುಕೊಂಡಿದ್ದೇವು. ಮಳೆಗಾಲ ಮುಗಿಯವರೆಗೂ ಮುಂದೂಡಿಕೆ ಮಾಡುತ್ತೇವೆ. ಮಳೆ ಬಂದರೆ ಒದ್ದೇ ಆಗುತ್ತದೆ. ಅದು ರಾಷ್ಟ್ರಧ್ವಜಕ್ಕೆ ಅಗೌರವವಾಗುತ್ತದೆ ಎಂಬ ಕಾರಣಕ್ಕೆ ಮುಂದೂಡಿದ್ದೇವೆ. ಜನರಿಗೆ ನೋಡುವುದಕ್ಕೆ ಅವಕಾಶ ಕಲ್ಪಿಸಬೇಕು ಎಂಬ ಕಾರಣಕ್ಕೆ ಮುಂದೂಡಿದ್ದೇವೆ. ಹೀಗಾಗಿ ತಾತ್ಕಾಲಿಕವಾಗಿ ಮುಂದೂಡುತ್ತೇವೆ ಎಂದು ಖಾದರ್ ಹೇಳಿದ್ದಾರೆ.
