ಬಿಸಿಲಿಗೆ ಗುಡ್-ಬೈ ಹೇಳಿ.. ಬೆಂಗಳೂರಿನ ಈ ತಂಪಾದ ತಾಣಗಳಲ್ಲಿ ಎಂಜಾಯ್ ಮಾಡಿ!

ಬೆಂಗಳೂರು | ಬೇಸಿಗೆಯ ರಜೆ ಶುರುವಾಗಿದೆ.. ದಿನನಿತ್ಯದ ಜಂಜಾಟದಿಂದ ವಿರಾಮ ಪಡೆದು, ನಿಮಗಿಷ್ಟವಾದ ರೀತಿಯಲ್ಲಿ ಈ ರಜೆಯನ್ನು ಕಳೆಯಲು ಇದು ಸರಿಯಾದ ಸಮಯ. ಭಾರತದ ನೆಚ್ಚಿನ ಮನರಂಜನಾ ತಾಣ BookMyShow, ಈ ಮಾರ್ಚ್, ಏಪ್ರಿಲ್ ಮತ್ತು ಮೇ ತಿಂಗಳಲ್ಲಿ ಬೆಂಗಳೂರಿನಲ್ಲಿ ನಡೆಯಲಿರುವ ವಿಶೇಷ ಕಾರ್ಯಕ್ರಮಗಳ ಪಟ್ಟಿಯನ್ನು ನಿಮಗಾಗಿ ಸಿದ್ಧಪಡಿಸಿದೆ.

ವಂಡರ್ಲಾ ಅಮಿಜ್‌ಮೆಂಟ್ ಪಾರ್ಕ್, ಬೆಂಗಳೂರು

ಇದು ಅತ್ಯಂತ ರೋಮಾಂಚಕ ರೈಡ್‌ಗಳು ಮತ್ತು ಕುಟುಂಬ ಸಮೇತ ಆನಂದಿಸಬಹುದಾದ ಪ್ರಸಿದ್ಧ ತಾಣವಾಗಿದೆ. ಇಲ್ಲಿ ಹೈ-ಎನರ್ಜಿ ರೋಲರ್ ಕೋಸ್ಟರ್‌ಗಳಿಂದ ಹಿಡಿದು ತಂಪಾದ ವಾಟರ್ ರೈಡ್‌ಗಳವರೆಗೆ ವೈವಿಧ್ಯಮಯ ಆಕರ್ಷಣೆಗಳಿವೆ.

ಜಾಲಿವುಡ್ ಸ್ಟುಡಿಯೋಸ್ ಅಂಡ್ ಅಡ್ವೆಂಚರ್

ಇಡೀ ಕುಟುಂಬದೊಂದಿಗೆ ಒಂದು ದಿನದ ಪೂರ್ಣ ಮೋಜು-ಮಸ್ತಿಗಾಗಿ ಇದು ಅತ್ಯುತ್ತಮ ತಾಣ. ಇಲ್ಲಿನ ಪ್ರಮುಖ ಆಕರ್ಷಣೆ ಎಂದರೆ ಮಾನವ ನಿರ್ಮಿತ ಬೀಚ್ (Man-made Beach). ನಗರದಲ್ಲೇ ಸಮುದ್ರ ತೀರದ ಸೌಂದರ್ಯವನ್ನು ಸವಿಯಬಹುದು. ಸಂಜೆಯ ಮಲ್ಟಿಮೀಡಿಯಾ ಶೋಗಳು ಮತ್ತು ಚಿತ್ರೀಕರಣದ ಅನುಭವ ಇಲ್ಲಿನ ವಿಶೇಷ.

ಸ್ನೋ ಸಿಟಿ, ಬೆಂಗಳೂರು

ಬಿಸಿಲಿನ ಬೇಗೆಯಿಂದ ಕಂಗೆಟ್ಟಿದ್ದೀರಾ? ಹಾಗಿದ್ದರೆ ಸ್ನೋ ಸಿಟಿ ನಿಮಗೆ ಸೂಕ್ತ. ಇಲ್ಲಿ ಸ್ನೋ ರಾಫ್ಟಿಂಗ್, ಸ್ನೋಬಾಲ್ ಫೈಟ್ ಮತ್ತು ಮೌಂಟೇನ್ ಕ್ಲೈಂಬಿಂಗ್‌ನಂತಹ ಹಿಮಲೋಕದ ಅನುಭವಗಳನ್ನು ಪಡೆಯಬಹುದು.

ಅಕ್ವೇರಿಯಂ ಪ್ಯಾರಡೈಸ್, ಬೆಂಗಳೂರು

ಇದು ಸಮುದ್ರದ ಆಳದ ಅದ್ಭುತ ಪ್ರಪಂಚವನ್ನು ನಿಮಗೆ ಪರಿಚಯಿಸುತ್ತದೆ. ಇಲ್ಲಿ ಭಾರತದ ಅತಿ ಉದ್ದದ ಅಂಡರ್ ವಾಟರ್ ಟನಲ್ (ನೀರೊಳಗಿನ ಸುರಂಗ) ಇದ್ದು, ಜಲಚರಗಳನ್ನು ಹತ್ತಿರದಿಂದ ನೋಡುವ ಅವಕಾಶ ಕಲ್ಪಿಸುತ್ತದೆ.

ParSEC

ಇದು ಒಂದು ವಿಶಿಷ್ಟ ವಿಜ್ಞಾನ ಕೇಂದ್ರವಾಗಿದ್ದು, ಇಲ್ಲಿ ಐದು ಥೀಮ್ ಗ್ಯಾಲರಿಗಳಿವೆ. ಮಕ್ಕಳಿಗೆ ಮಾತ್ರವಲ್ಲದೆ ದೊಡ್ಡವರಿಗೂ ಇದು ಜ್ಞಾನ ಮತ್ತು ಮನರಂಜನೆಯನ್ನು ನೀಡುವ ಸ್ಥಳವಾಗಿದೆ.

ಇಂಡಿಯನ್ ಮ್ಯೂಸಿಕ್ ಎಕ್ಸ್‌ಪೀರಿಯನ್ಸ್ ಮ್ಯೂಸಿಯಂ (IME)

ಭಾರತದ ಶ್ರೀಮಂತ ಸಂಗೀತ ಪರಂಪರೆಯನ್ನು ಆಚರಿಸುವ ಸಾಂಸ್ಕೃತಿಕ ಕೇಂದ್ರವಿದು. ಶಾಸ್ತ್ರೀಯ ಸಂಗೀತದಿಂದ ಹಿಡಿದು ಬಾಲಿವುಡ್‌ವರೆಗಿನ ಸಂಗೀತದ ಪ್ರಯಾಣವನ್ನು ಇಲ್ಲಿ ಅನ್ವೇಷಿಸಬಹುದು.

ಡೇವ್ ಅಂಡ್ ಬಸ್ಟರ್ಸ್, ಬೆಂಗಳೂರು

ಕೋರಮಂಗಲದಲ್ಲಿರುವ ಇದು ಗೇಮಿಂಗ್, ಡೈನಿಂಗ್ ಮತ್ತು ನೈಟ್‌ಲೈಫ್ ಒಳಗೊಂಡಿರುವ ಹೊಸ ಹಾಟ್‌ಸ್ಪಾಟ್. ಇಲ್ಲಿ ವರ್ಚುವಲ್ ರಿಯಾಲಿಟಿ (VR) ಗೇಮಿಂಗ್ ಮತ್ತು ಬೌಲಿಂಗ್ ಸೌಲಭ್ಯವಿದೆ.

ಪ್ಲೇ ಅರೆನಾ

ಸಾಹಸ ಮತ್ತು ಕ್ರೀಡಾ ಪ್ರೇಮಿಗಳ ನೆಚ್ಚಿನ ತಾಣ. ಇಲ್ಲಿ ಗೋ-ಕಾರ್ಟಿಂಗ್, ಕ್ರಿಕೆಟ್, ಫುಟ್‌ಬಾಲ್ ಮತ್ತು ಟ್ರ್ಯಾಂಪೊಲೈನ್ ಜೋನ್‌ಗಳಿದ್ದು, ಎಲ್ಲಾ ವಯೋಮಾನದವರಿಗೂ ಇಲ್ಲಿ ಚಟುವಟಿಕೆಗಳಿವೆ.

ಲೋಕೋ ಬೇರ್, ಬೆಂಗಳೂರು

ಸಾಹಸ ಪ್ರಿಯರಿಗಾಗಿ 35ಕ್ಕೂ ಹೆಚ್ಚು ಆಟಗಳನ್ನು ಹೊಂದಿರುವ ತಾಣ. ಇಂಡೋರ್ ಗೋ-ಕಾರ್ಟಿಂಗ್, ಲೇಸರ್ ಟ್ಯಾಗ್ ಮತ್ತು ವಿಆರ್ ಬ್ಯಾಟಲ್‌ಗಳು ಇಲ್ಲಿನ ಪ್ರಮುಖ ಆಕರ್ಷಣೆ.

ಜವಾಹರಲಾಲ್ ನೆಹರು ತಾರಾಲಯ, ಬೆಂಗಳೂರು

1989 ರಲ್ಲಿ ಸ್ಥಾಪನೆಯಾದ ಈ ತಾರಾಲಯವು ವಿಜ್ಞಾನ ಶಿಕ್ಷಣದ ಪ್ರಮುಖ ಕೇಂದ್ರವಾಗಿದೆ. ಇಲ್ಲಿನ ‘ಸ್ಕೈ ಥಿಯೇಟರ್’ ಶೋಗಳು, ಸ್ಟಾರ್-ಗೇಜಿಂಗ್ ಸೆಷನ್‌ಗಳು ಮತ್ತು ವಿಜ್ಞಾನ ಚಲನಚಿತ್ರಗಳು ವಿದ್ಯಾರ್ಥಿಗಳಿಗೆ ಮತ್ತು ವಿಜ್ಞಾನ ಆಸಕ್ತರಿಗೆ ಅತ್ಯಂತ ಆಕರ್ಷಕವಾಗಿವೆ.

ಇದನ್ನೂ ಓದಿ : ಭಾರತ-ಪಾಕ್ ಮೇಲೆ ಹಬ್ಬಿದ ಸಾವಿರ ಕಿ.ಮೀ ಮಳೆ ಮೋಡ.. ದೆಹಲಿ ಸೇರಿ ಉತ್ತರ ಭಾರತದಲ್ಲಿ ವರುಣನ ಆರ್ಭಟ!