ಬೆಂಗಳೂರು : ಜಿಯೋ ಸಿಮ್ ಬಳಸುವ ಗ್ರಾಹಕರಿಗೆ ರಿಲಯನ್ಸ್ ಜಿಯೋ ಈಗ ಭರ್ಜರಿ ಉಡುಗೊರೆ ನೀಡಿದೆ. ಕೇವಲ 200 ರೂಪಾಯಿಗೆ ಜಿಯೋ ಒಟಿಟಿ ಪಾಸ್ (Jio OTT Pass) ಎಂಬ ಪ್ಲಾನ್ ಬಿಡುಗಡೆ ಮಾಡಿದೆ. ಈ ಪ್ಲಾನ್ ನಲ್ಲಿ ಕೇವಲ 200 ರೂಪಾಯಿಗೆ ಯೂಟ್ಯೂಬ್ ಪ್ರೀಮಿಯಂ, ಅಮೆಜಾನ್ ಪ್ರೈಮ್ ಸೇರಿದಂತೆ 15ಕ್ಕೂ ಹೆಚ್ಚು ಒಟಿಟಿ ಆ್ಯಪ್ ಗಳ ಸಬ್ಸ್ಕ್ರಿಪ್ಷನ್ ಸಿಗಲಿದೆ.
ಯಾವೆಲ್ಲ ಹೊಸ ಪ್ಲಾನ್ ಅಡಿಯಲ್ಲಿ ಅಮೆಜಾನ್ ಪ್ರೈಮ್ ವೀಡಿಯೋ, ಯೂಟ್ಯೂಬ್ ಪ್ರೀಮಿಯಂ, ಜಿಯೋ ಹಾಟ್ ಸ್ಟಾರ್, ಸೋನಿ ಲಿವ್, ಡಿಸ್ಕವರಿ, ಜೀ5 ಸೇರಿ ಒಟ್ಟು 15 ಒಟಿಟಿ ಪ್ಲಾಟ್ ಫಾರ್ಮ್ ಗಳಿಗೆ ಉಚಿತ ಪ್ರವೇಶ ಸಿಗುತ್ತದೆ. ಅಲ್ಲದೆ, ಜಿಯೋ ಟಿವಿ (JioTV) ಆ್ಯಪ್ ಮೂಲಕ 150ಕ್ಕೂ ಹೆಚ್ಚು ಪೇಡ್ (Paid) ಚಾನೆಲ್ ಗಳು ಸೇರಿದಂತೆ ಒಟ್ಟು 1,000ಕ್ಕೂ ಹೆಚ್ಚು ಲೈವ್ ಟಿವಿ ಚಾನೆಲ್ ಗಳನ್ನು ವೀಕ್ಷಿಸಬಹುದು. ಈ ಪ್ಲಾನ್ ನಲ್ಲಿ 30 GB ಹೈ-ಸ್ಪೀಡ್ 4G/5G ಡೇಟಾ ಸಿಗುತ್ತದೆ. ಜತೆಗೆ ಅರ್ಹ ಗ್ರಾಹಕರಿಗೆ ಅನ್ ಲಿಮಿಟೆಡ್ 5G ಡೇಟಾ ಸೌಲಭ್ಯವೂ ಲಭ್ಯವಿದೆ. ಇದರ ವ್ಯಾಲಿಡಿಟಿ 28 ದಿನಗಳಾಗಿವೆ.
ಇದು ಆ್ಯಡ್-ಆನ್ ಪ್ಲಾನ್ ಆಗಿದೆ. ಅಂದರೆ, ಈ ಒಟಿಟಿ ಪಾಸ್ ಬಳಸಲು ನಿಮ್ಮ ಜಿಯೋ ನಂಬರ್ ನಲ್ಲಿ ಈಗಾಗಲೇ ಯಾವುದೇ ಒಂದು ಬೇಸ್ ಪ್ಲಾನ್ (Base Plan – ಅನ್ ಲಿಮಿಟೆಡ್ ಕಾಲಿಂಗ್/ಡೇಟಾ ಪ್ಲಾನ್) ಆ್ಯಕ್ಟಿವ್ ಆಗಿರಬೇಕಿರುವುದು ಕಡ್ಡಾಯ. ಈ ಪ್ಲಾನ್ ನಲ್ಲಿ ಯಾವುದೇ ವಾಯ್ಸ್ ಕಾಲಿಂಗ್ ಅಥವಾ ಎಸ್ಎಂಎಸ್ ಸೌಲಭ್ಯ ಇರುವುದಿಲ್ಲ. ರಿಲಯನ್ಸ್ ಜಿಯೋ ಕಂಪನಿಯ ಪ್ರಕಾರ, ಈ ಪ್ಲಾನ್ ನಲ್ಲಿ ಸಿಗುವ ಒಟ್ಟು ಪ್ರಯೋಜನಗಳ ಮೌಲ್ಯ ತಿಂಗಳಿಗೆ ಸುಮಾರು 1,500 ರೂ. ಆಗಿರುತ್ತದೆ. ಆದರೆ ಜಿಯೋ ಇದನ್ನು ಕೇವಲ 200 ರೂಪಾಯಿಗೆ ನೀಡುತ್ತಿದೆ.
ಈ ಜಿಯೋ ಒಟಿಟಿ ಪಾಸ್ ಅನ್ನು MyJio ಆ್ಯಪ್, Jio.com ಅಧಿಕೃತ ವೆಬ್ ಸೈಟ್, ರಿಟೇಲ್ ಅಂಗಡಿಗಳು ಅಥವಾ ಇತರೆ ಥರ್ಡ್-ಪಾರ್ಟಿ ರೀಚಾರ್ಜ್ ಆ್ಯಪ್ ಗಳ (PhonePe, Paytm, Google Pay) ಮೂಲಕ ರೀಚಾರ್ಜ್ ಮಾಡಿಕೊಳ್ಳಬಹುದು. ನೀವು ಸಿನಿಮಾಗಳು, ವೆಬ್ ಸರಣಿಗಳು ಅಥವಾ ಯೂಟ್ಯೂಬ್ ಅನ್ನು ಜಾಹೀರಾತುಗಳಿಲ್ಲದೆ ನೋಡಲು ಇಷ್ಟಪಡುವವರಾಗಿದ್ದರೆ, ಈ ಪ್ಲಾನ್ ಉತ್ತಮ ಆಯ್ಕೆ ಎಂದೇ ಹೇಳಲಾಗುತ್ತಿದೆ.
ಇದನ್ನೂ ಓದಿ : ಸೂಪರ್ ಸ್ಟಾರ್ ಅವಲಂಬನೆಯಿಂದ ಸಾಂಘಿಕ ಹೋರಾಟದತ್ತ : ನಮ್ಮ ಬೆಂಗಳೂರು ತಂಡದ ಹೊಸ ಅವತಾರ!
