ಅತಿ ದೊಡ್ಡ ಪ್ರಾಕೃತಿಕ ದುರಂತಕ್ಕೆ ಶುರುವಾಗಿದೆಯಾ ಕ್ಷಣಗಣನೆ? ಮನುಕುಲವನ್ನೇ ಸರ್ವನಾಶ ಮಾಡಲಿದೆಯಾ ಆ ದುರಂತ?

ಜಗತ್ತು ಗೊತ್ತಿದ್ದೋ ಗೊತ್ತಿಲ್ಲದೆಯೋ ಒಂದು ಅವ್ಯಕ್ತ ಭಯ ಭೀತಿಯಲ್ಲಿ ಬದುಕುತ್ತಿದೆ. ಒಂದೆಡೆ, ಇಸ್ರೇಲ್, ರಷ್ಯಾ ಕದನ, ಇನ್ನೊಂಡೆದೆ ಹಮಾಸ್ ಯುದ್ಧ, ಇತ್ತ ಭಾರತ-ಪಾಕಿಸ್ತಾನ ನಡುವೆ ಸಮರ..ಇದೆಲ್ಲದರ ನಡುವೆ ದಿನದಿಂದ ದಿನಕ್ಕೆ ಮತ್ತೆ ಕೊವಿಡ್ ಸಂಖ್ಯೆ ಉಲ್ಬಣ. ಹೀಗೆ ಒಂದಲ್ಲಾ ಒಂದು ಅಹಿತರಕ ಘಟನೆಗಳೇ ನಡೆಯುತ್ತಿವೆ. ಹೀಗಾಗಿ ಇದು ಜಗತ್ತಿನ ಅಂತ್ಯದ ಮುನ್ಸೂಚನೆಯಾ. ನಿಜಕ್ಕೂ ವಿಶ್ವವೇ ವಿನಾಶವಾಗಿಬಿಡುತ್ತಾ. ಇಂಥಾ ಹತ್ತಾರು ಪ್ರಶ್ನೆಗಳು ಶತಮಾನಗಳ ಹಿಂದಿನಿಂದಲೂ ಕೇಳಿ ಬರುತ್ತಲೇ ಇವೆ. ಕಲಿಯುಗ ಅಂತ್ಯವಾಗುತ್ತೆ ಅನ್ನೋದಕ್ಕೆ ಪುರಾಣ ಪುಣ್ಯಕತೆಗಳಲ್ಲೂ ಉಲ್ಲೇಖವಿದೆ ಅನ್ನೋ ವಾದವೂ ಇದೆ. ಆದ್ರೆ ಇಂದಿನ ವೈಜ್ಞಾನಿಕ ಯುಗದಲ್ಲೂ ಇಂಥಾ ನಂಬಿಕೆಗಳು ಎಷ್ಟು ಪ್ರಸ್ತುತ ಅನ್ನೋ ಚರ್ಚೆಯೂ ಇದೆ. ಆದ್ರೆ ಜಗತ್ತೇ ದಂಗಾಗುವಂಥಾ ಭವಿಷ್ಯವಾಣಿಯೊಂದು ಜಪಾನ್ ನಿಂದ ಹೊರಬಿದ್ದಿದೆ.

ಜಪಾನ್ ಗೆ ಇಲ್ಲವೇ ಇಲ್ವಾ ಉಳಿಗಾಲ
ರಿಯೋ ಟ್ಯಾಟ್ಸುಕಿ ಅಲಿಯಾಸ್, ಜಪಾನೀಸ್ ಬಾಬಾ ವಂಗಾ. ಇದೇ ಬಾಬಾ ವಂಗಾ ನುಡಿದಿರುವ ಭವಿಷ್ಯ ವಾಣಿಯೊಂದು ಈಗ ಜಗತ್ತಿನ ನಿದ್ದೆಗೆಡಿಸಿದೆ. ಅಚ್ಚರಿಯಾದರೂ ಇದು ಸತ್ಯ. ಈ ಹಿಂದೆ ಜಗತ್ತನ್ನೇ ಕಂಗಾಲಾಗಿಸಿದ್ದ ಸುನಾಮಿ ಮತ್ತೊಮ್ಮೆ ಅವತರಿಸಲಿದೆ ಅಂತಾ ಬಾಂಬಾ ವಂಗಾ ಭವಿಷ್ಯ ನುಡಿದ್ದಾರೆ. ಜಪಾನ್, ತೈವಾನ್, ಇಂಡೋನೇಷ್ಯಾಕ್ಕೆ ಈ ವರ್ಷದ ಜುಲೈ ತಿಂಗಳು ವಿನಾಶಕಾರಿ ಆಗಿ ಪರಿಣಮಿಸಲಿದೆ ಎನ್ನಲಾಗುತ್ತಿದೆ. ಹೊಸ ಬಾಬಾ ವಂಗಾ ಎಂದೇ ಕರೆಯಲ್ಪಡುವ ಜಪಾನಿನ ರಿಯೊ ಟ್ಯಾಟ್ಸುಕಿ ಈ ಬಗ್ಗೆ ಸ್ಪೋಟಕ ಭವಿಷ್ಯ ನುಡಿದಿದ್ದಾರೆ. ರಿಯೊ ಟ್ಯಾಟ್ಸುಕಿಯನ್ನು ಜಪಾನೀಸ್ ಬಾಬಾ ವಂಗಾ ಎಂದೇ ಕರೆಯಲಾಗುತ್ತದೆ. ಅಸಲಿಗೆ ಬಾಬಾ ವಂಗಾ ಓರ್ವ ಮಂಗಾ ಕಲಾವಿದೆ. ಅಂದರೆ ರೇಖೆಗಳ ಮೂಲಕ ವಿವರಿಸುವ ಅಥವಾ ಕಾರ್ಟೂನ್ ಗಳ ಮೂಲಕ ಮುಂದಿನ ಆಗುಹೋಗುಗಳನ್ನು ಚಿತ್ರಿಸುವ, ಸ್ವಯಂ-ಘೋಷಿತ ದಿವ್ಯದೃಷ್ಟಿಯುಳ್ಳವಳು. ಇವರು ತಮ್ಮ ಆಲೋಚನೆಗಳನ್ನು ಕಾಮಿಕ್ಸ್ ಮೂಲಕ ಮುಂದಿನ ಕೆಲವು ತಿಂಗಳುಗಳಲ್ಲಿ ಘಟಿಸುವ ವಿಪತ್ತುಗಳ ಭವಿಷ್ಯ ನುಡಿಯುತ್ತಾರೆ.

ಬಾಬಾ ವಂಗಾ ನುಡಿದ ಭವಿಷ್ಯ ನಿಜವಾಗಿದೆಯಾ
ಹಾಗೆ ನೋಡಿದರೆ ಬಾಬಾ ವಂಗಾ ಬಗ್ಗೆ ನಿಜಕ್ಕೂ ಈ ಜಪಾನೀಯರಿಗೆ ಇನ್ನಿಲ್ಲದ ಗೌರವ. ಏಕೆಂದರೆ ಈ ಸ್ವಯಂ ಘೋಷಿತ ದೇವಪುತ್ರಿ, ಈ ಹಿಂದೆ ನುಡಿದ ಭವಿಷ್ಯಗಳೆಲ್ಲಾ ನಿಜವಾಗಿದೆ ಅನ್ನೋ ನಂಬಿಕೆಯಿದೆ. ಹೌದು, ಬಾಬಾ ವಂಗಾ ಈ ಹಿಂದೆ ನುಡಿದಂತೆ ಥೈಲ್ಯಾಂಡ್ ಮತ್ತು ಮ್ಯಾನ್ಮಾರ್ ನಲ್ಲಿ ಮಾರಕ ಭೂಕಂಪ ಸಂಭವಿಸಿದೆ. ಲಾಸ್ ಏಂಜಲೀಸ್‌ನಲ್ಲಿ ಕಾಡ್ಗಿಚ್ಚಿನ ಭವಿಷ್ಯವೂ ದಿಟವಾಗಿದೆ. 2025 ರ ಮೊದಲ ನಾಲ್ಕು ತಿಂಗಳುಗಳು ಈಗಾಗಲೇ ಹಲವಾರು ವಿನಾಶಕಾರಿ ನೈಸರ್ಗಿಕ ವಿಕೋಪಗಳನ್ನು ಕಂಡಿವೆ . ಈ ವಿಪತ್ತುಗಳ ಪರಿಣಾಮವಾಗಿ ನೂರಾರು ಜನರು ಸಾವನ್ನಪ್ಪಿದ್ದಾರೆ ಮತ್ತು ಲಕ್ಷಾಂತರ ಡಾಲರ್‌ ಪೋಲಾಗಿದೆ. ಈ ನಿಟ್ಟಿನಲ್ಲೇ ಈಗ ಜಪಾನ್‌ನ ಬಾಬಾ ವಂಗಾ ಹೇಳಿರುವ ಭಯಾನಕ ಭವಿಷ್ಯವಾಣಿ ಜಾಗತಿಕವಾಗಿ ಆತಂಕ ಸೃಷ್ಟಿಸಿದೆ.

ಈ ವರ್ಷದ ಜುಲೈನಲ್ಲಿ ಘಟಿಸಲಿದೆ ಭೀಕರ ಸುನಾಮಿ
ಬಾಬಾ ವಂಗಾ ಭವಿಷ್ಯವಾಣಿ ಪ್ರಕಾರ ಈ ವರ್ಷದ ಜುಲೈನಲ್ಲಿ ಜಪಾನ್‌ನ ದಕ್ಷಿಣ ಸಮುದ್ರ ಕುದಿಯುತ್ತದೆ, ಇದು ರಣ ಸುನಾಮಿಗೆ ಕಾರಣವಾಗುತ್ತದೆ ಎಂದಿದ್ದಾರೆ. ನೀರೊಳಗಿನ ಜ್ವಾಲಾಮುಖಿ ಸ್ಫೋಟವು ಸುನಾಮಿಯನ್ನು ಸೃಷ್ಟಿಸುತ್ತದೆ, ಇದು ಜಪಾನ್, ತೈವಾನ್ ಮತ್ತು ಇಂಡೋನೇಷ್ಯಾವನ್ನು ಅಪ್ಪಳಿಸುತ್ತದೆ. ಈ ಭೀಕರ ಸುನಾಮಿಯು, 2011 ರಲ್ಲಿ ಸಂಭವಿಸಿದ ಸುನಾಮಿಗಿಂತ ಹೆಚ್ಚು ಮಾರಕವಾಗಿರಲಿದೆ ಎಂದಿದ್ದಾರೆ.

ದಿ ಫ್ಯೂಚರ್ ಐ ಸಾ ಪುಸ್ತಕದಲ್ಲಿರೋ ಆಸತ್ಯವಾದ್ರು ಏನು
ಹಾಗೆ ನೋಡಿದರೆ ಬಾಬಾ ವಂಗಾರ ಭವಿಷ್ಯವಾಣಿಗಳ ಸಮಗ್ರ ಮಾಹಿತಿ 1999ರಲ್ಲೇ ಪ್ರಕಟವಾದ ದಿ ಫ್ಯೂಚರ್ ಐ ಸಾ ಪುಸ್ತಕದಲ್ಲಿ ದಾಖಲಾಗಿದೆ. ಆದ್ರೆ ಈ ಪುಸ್ತಕಕ್ಕೆ ನಿಜವಾದ ಮನ್ನಣೆ ಸಿಕ್ಕಿದ್ದು ಮಾತ್ರ 2011ರಲ್ಲಿ. ಹೌದು, ಬಾಬಾ ವಂಗಾರ ಆ ಪುಸ್ತಕದಲ್ಲಿ ದಿನಾಂಕ, ವರ್ಷ ಮತ್ತು ಘಟಿಸಬಹುದಾದ ಪ್ರಮಾದಗಳನ್ನು ಎಳೆಎಳೆಯಾಗಿ ಚಿತ್ರಗಳ ಮೂಲಕ ದಾಖಲಿಸಿದ್ದಾರೆ. ಇದಕ್ಕೆ ಸಾಕ್ಷಿ ಎನ್ನುವಂತೆ, ಇಸ್ರೇಲ್ ಯುದ್ಧ, ಮಹಾಮಾರಿ ಕೊವಿಡ್ ಗಳ ಬಗ್ಗೆ ಹೇಳಿದ್ದ ಭವಿಷ್ಯ ನಿಜವಾಗಿತ್ತು. ಹೀಗಾಗಿಯೇ ಬಾಬಾ ವಂಗಾ ಈಗ ನುಡಿರುವ ಸುನಾಮಿ ಮುನ್ನೆಚ್ಚರಿಕೆ ನುಡಿ ನಿಜಕ್ಕೂ ಜಗತ್ತನ್ನೇ ಆತಂಕದ ಕೂಪಕ್ಕೆ ನೂಕುವಂತೆ ಮಾಡಿದೆ.

ವಂಗಾ ಭವಿಷ್ಯವಾಗಿ ಪತರಗುಟ್ಟಿದ ಪ್ರವಾಸೋದ್ಯಮ
ಜಪಾನಿನ ಮಂಗಾ ಕಲಾವಿದೆ ರಿಯೋ ಟ್ಯಾಟ್ಸುಕಿ ಜುಲೈ 2025 ರಲ್ಲಿ ದೊಡ್ಡ ವಿಪತ್ತು ಸಂಭವಿಸಲಿದೆ ಎಂದು ಭವಿಷ್ಯ ನುಡಿಯುವ ಮೂಲಕ ಆತಂಕದ ವಾತಾವರಣವನ್ನು ಸೃಷ್ಟಿಸಿದ್ದಾರೆ. ಈ ಮುನ್ಸೂಚನೆ ಬಳಿಕ ಪ್ರವಾಸೋದ್ಯಮಕ್ಕೆ ದೊಡ್ಡ ಪೆಟ್ಟು ಬಿದ್ದಿದೆ. ಹೇಳಿ ಕೇಳಿ ಜಪಾನ್ ಪ್ರವಾಸಿಗರ ಪಾಲಿನ ಸ್ವರ್ಗ. ಪ್ರತಿ ವರ್ಷ ಲಕ್ಷಾಂತರ ವಿದೇಶಿಗರನ್ನು ಕೈಬೀಸಿ ಕರೆಯುವ ದೇಶದ ಆರ್ಥಿಕತೆಗೂ ಈಗ ದೊಡ್ಡ ಪೆಟ್ಟುಬಿದ್ದಿದೆ. ಇದಕ್ಕೆ ಕಾರಣ ಬಾಬಾ ವಂಗಾರ ಆ ಭವಿಷ್ಯ ವಾಣಿ. ಜುಲೈನಲ್ಲಿ ಸುನಾಮಿ ಅಂತಾ ಹೇಳ್ತಿದ್ದಂತೆ ಪ್ರವಾಸಿಗರು ತನ್ನ ಪ್ರವಾಸವನ್ನೇ ರದ್ದುಗೊಳಿಸಿದ್ದಾರೆ. ಈವರೆಗೂ ಆಗಿದ್ದ ಶೇಕಡಾ 50ರಷ್ಟು ಮುಂಗಡ ಬುಕ್ಕಿಂಗ್ ಕ್ಯಾನ್ಸಲ್ ಆಗಿದೆ. ಈ ಮೂಲಕ ಜಗತ್ತಿನಲ್ಲಿ ಮತ್ತೊಮ್ಮೆ ಸುನಾಮಿಯ ಕಾರ್ಮೋಡ ಆವರಿಸಿದೆ.