ಮಂಗಳೂರು: ಅಸಹಜ ಸಾವಿಗೀಡಾದ ಶವಗಳನ್ನು ಹೂತಿದ್ದೇನೆ ಎಂದು ಸಾಕ್ಷಿ ದೂರುದಾರನೊಬ್ಬ ಸಲ್ಲಿಸಿದ ದೂರಿನ ಆಧಾರದ ಮೇಲೆ ಎಸ್. ಐ.ಟಿ ತನಿಖೆ ನಡೆಸುತ್ತಿರುವ ನಡುವೆಯೇ ಧರ್ಮಸ್ಥಳ ಗ್ರಾಮ ಪಂಚಾಯಿತಿಯವರು 1987ರಿಂದ 2025 ಮಾರ್ಚ್ವರೆಗೆ ಗುರುತು ಪತ್ತೆಯಾಗದ ಒಟ್ಟು 279 ಮೃತದೇಹಗಳನ್ನು ವಿಲೇವಾರಿ ಮಾಡಿದ್ದಾರೆ ಎಂಬ ಮಾಹಿತಿ ಈಗ ಬೆಳಕಿಗೆ ಬಂದಿದೆ.
ಧರ್ಮಸ್ಥಳ ಗ್ರಾಮದಲ್ಲಿ 1987ರಿಂದ ಇಲ್ಲಿಯವರೆಗೆ ಎಷ್ಟು ಮೃತದೇಹಗಳನ್ನು ಗ್ರಾಮ ಪಂಚಾಯತಿಯಿಂದ ಹೂಳಲಾಗಿದೆ ಎಂಬ ಪ್ರಶ್ನೆಗೆ ಗ್ರಾಮ ಪಂಚಾಯತ್ ಉತ್ತರಿಸಿದೆ.
ರಾಜ್ಯದ ಪ್ರತಿಷ್ಠಿತ ಸುದ್ದಿ ಸಂಸ್ಥೆಯೊಂದು ಮಾಹಿತಿ ಹಕ್ಕು ಕಾಯ್ದೆಯಡಿಯಲ್ಲಿ ಕೇಳಿದ ಪ್ರಶ್ನೆಗಳಿಗೆ ಪಂಚಾಯತ್ ಉತ್ತರಿಸಿದ್ದು, ಮೇಲೆ ಉಲ್ಲೇಖಿಸಿರುವ ‘ಅವಧಿಯಲ್ಲಿ, ಗುರುತು ಪತ್ತೆಯಾಗದ 279 ಮೃತದೇಹಗಳಲ್ಲಿ 219 ಗಂಡು, 46 ಹೆಣ್ಣಿನ ಶವಗಳು.13 ಮೃತದೇಹಗಳ ಲಿಂಗ ಪತ್ತೆಯಾಗಿಲ್ಲ. ಒಂದು ನವಜಾತ ಶಿಶು’ ಎಂದು ತಿಳಿಸಿದೆ.
2003-04, 2006-07, 2014-15 ಸಾಲಿನಲ್ಲಿ ಅತಿ ಹೆಚ್ಚು (ತಲಾ 17) ಮೃತದೇಹಗಳನ್ನು ಮಾಡಲಾಗಿದೆ. ಈ ವರ್ಷಗಳನ್ನು ಹೊರತುಪಡಿಸಿದರೆ ಪಂಚಾಯಿತಿಯವರು ಅತಿ ಹೆಚ್ಚು (14) ಮೃತದೇಹಗಳನ್ನು ಹೂತಿರುವುದು 2024-25ರಲ್ಲಿ ಎಂದು ತಿಳಿಸಿದೆ.
2009-10, 2011-1202ರಲ್ಲಿ ತಲಾ 13 ಹಾಗೂ 2005-06, 2007-08, 2018-19 ಹಾಗೂ 2023-2024ರಲ್ಲಿ ತಲಾ 12, 2008-09 ಮತ್ತು 2022-23ರಲ್ಲಿ ತಲಾ 11 ಹಾಗೂ 2020-21ರಲ್ಲಿ 10 ಮೃತದೇಹಗಳನ್ನು ಪಂಚಾಯಿತಿ ವ್ಯಾಪ್ತಿಯಲ್ಲಿ ವಿಲೇ ಮಾಡಲಾಗಿದೆ. 16 ವರ್ಷಗಳ ಅವಧಿಯಲ್ಲಿ ವರ್ಷವೊಂದಕ್ಕೆ 10ಕ್ಕೂ ಹೆಚ್ಚು ಮೃತದೇಹಗಳಂತೆ ವಿಲೇ ಮಾಡಲಾಗಿದೆ.
