ತಾನೊಂದು ಬಗೆದರೆ ದೈವವೊಂದು ಬಗೆತಿತ್ತಂತೆ..ಅದ್ಯಾರು ಅದ್ಯಾಕೆ, ಅದ್ಯಾವಾಗ ಹೀಗೆ ಹೇಳಿದ್ರೋ ಆ ದೇವರೇ ಬಲ್ಲ. ಆದ್ರೆ ಒಬ್ಬರಿಗೆ ಒಳ್ಳೆಯದನ್ನ ಬಯಸಿದ್ರೆ ನಿಜಕ್ಕೂ ಅಂಥವರಿಗೆ ಒಳ್ಳೆಯದೇ ಆಗುತ್ತೆ. ಅದು ಬಿಟ್ಟು ಕೇಡು ಯೋಚಿಸಿದ್ರೆ ಈ ವಿಧಿ ಪಕ್ಕದಲ್ಲೇ ಕೂತು ತಾಂಡವವಾಡುತ್ತೆ. ಈ ಮಾತೀಗ ಚೀನಾದ ವಿಚಾರದಲ್ಲಿ ನಿಜವಾಗಿದೆ. ಪಾಪಿ ಪಾಕಿಗಳೊಟ್ಟಿಗೆ ಕೈ ಮಿಲಾಯಿಸಿದ ತಪ್ಪಿಗೆ ತನ್ನ ಬೊಕ್ಕಸಕ್ಕೆ ಬರ್ತಿದ್ದ ಹರಿವನ್ನು ತಪ್ಪಿಸಿಕೊಂಡಿದ್ದಲ್ಲದೆ, ಜಾಗತಿಕ ಮಟ್ಟದಲ್ಲಿ ತನ್ನ ರಕ್ಷಣಾ ವಲಯದ ಮರ್ಯಾದೆಯನ್ನೇ ಚೀನಾ ಮೂರ್ಕಾಸಿಗೆ ಹರಾಜು ಹಾಕಿಕೊಂಡಿದೆ.
ಪಿಎಸ್ 15 ಕ್ಷಿಪಣಿ, ಜೆ 17 ಯುದ್ಧ ವಿಮಾನಗಳು ಢಂ, ಢಮಾರ್
ಪಾಕಿಸ್ತಾನ ವಿರುದ್ಧ ಆಪರೇಷನ್ ಸಿಂಧೂರ ಸಮರ ಸಾರಿದ್ದ ಭಾರತ ಮನೆಗೆ ನುಗ್ಗಿ ಹೊಡೆದು ಹೂಂಖರಿಸಿದೆ. ಇಸ್ಲಾಮಾಬಾದ್, ಲಾಹೋರ್, ಕರಾಚಿ,ರಾವಲ್ಪಿಂಡಿ ವಾಯುನೆಲೆಗಳೇ ಛಿದ್ರಛಿದ್ರವಾಗಿ ಹೋಗಿದೆ. ಅಷ್ಟೇ ಆಗಿದ್ರೆ ಇದು ಪಾಕಿಗಳ ಪಾಪದ ಫಲ ಅಂತಾ ಸುಮ್ಮನಾಗಬಹುದಿತ್ತು. ಆದರೆ ತಾನು ಹಾಳಾಗಿದ್ದಲ್ಲದೆ ತನ್ನ ಕುಚ್ಚಿಕ್ಕು ಗೆಳೆಯ ಚೀನೀಯರ ಮಾನವನ್ನೂ ಬೀದಿಯಲ್ಲಿ ನಿಂತು ಮೂರ್ಕಾಸಿಗೆ ಹರಾಜಾಕಿದೆ. ಭಾರತದ ಮೇಲಿನ ದಾಳಿಗೆ ಪಾಕ್, ಚೀನಾ ನಿರ್ಮಿತ ಪಿಎಸ್ 15 ಮತ್ತು ಜೆ 17 ಯುದ್ಧ ವಿಮಾನವನ್ನು ತನ್ನ ಬಾಹುಬಲಿಗಳು ಅಂತಾ ಅಖಾಡಕ್ಕಿಳಿಸಿತ್ತು. ಆದರೆ ಭಾರತದ ಸ್ವದೇಶಿ ಅಸ್ತ್ರಗಳು ಈ ಚೀನೀ ಐಟಂಗಳನ್ನ ಮಕ್ಕಳ ಆಟಿಕೆಗಳಂತೆ ಹೊಸಕಿ ಹಾಕೋ ಮೂಲಕ ಜಾಗತಿಕ ರಕ್ಷಣಾ ವಲಯದಲ್ಲಿ ಮೇಡ್ ಇನ್ ಇಂಡಿಯಾ ಬಾವುಟ ಹಾರಿಸಿದೆ.
ಭಾರತದ ಸ್ವದೇಶಿ ಅಸ್ತ್ರಗಳಿಗೆ ಫುಲ್ ಡಿಮ್ಯಾಂಡ್
ಪಾಕ್ ವಿರುದ್ಧ ಸಮರದಲ್ಲಿ ಭಾರತವನ್ನು ಅಕ್ಷೋಹಿಣಿ ಸೈನ್ಯದಂತೆ ಕಾದದ್ದು ಈ ಸ್ಕೈಸ್ಟ್ರೈಕರ್ ಆತ್ಮಾಹುತಿ ಡ್ರೋನ್. ಸುಮಾರು 5ರಿಂದ 10 ಕೆಜಿ ತೂಕದ ಬಾಂಬ್ ಗಳನ್ನು ಹೊತ್ತು ಸಾಗಬಲ್ಲ ಸಾಮರ್ಥ್ಯದ ಈ ಡ್ರೋನ್ ಬಳಕೆ ಇದೇ ಮೊದಲು. ಬೆಂಗಳೂರು ಮೂಲದ ಕಂಪನಿ, ಇಸ್ರೇಲ್ ನ ಎಲ್ಬಿಟ್ ಸೆಕ್ಯುರಿಟಿ ಜಂಟಿಯಾಗಿ ತಯಾರಿಸಿರುವ ಈ ಡ್ರೋನ್ ಪಾಕ್ ನೆಲೆಗಳ ಧ್ವಂಸಕ್ಕೆ ಹೆಚ್ಚಿನ ಸಂಖ್ಯೆಯಲ್ಲಿ ಬಳಕೆಯಾಗಿವೆ. ಉಗ್ರರ ನೆಲೆಗಳನ್ನು ಹುಡುಕಿ ಹುಡುಕಿ ಹೊಡೆದದ್ದು ಇವೇ ಡ್ರೋನ್ ಗಳು.
ಡಿ4 ಆಂಟಿ ಡ್ರೋನ್ ಸಿಸ್ಟಂ
ಡಿಆರ್ ಡಿಒ ಸಿದ್ಧಪಡಿಸಿರುವ ಈ ಡಿ 4 ಆಂಟಿ ಡ್ರೋನ್ ಸಿಸ್ಟಂ ಶತ್ರುಗಳ ಡ್ರೋನ್ ಗಳನ್ನು ಪತ್ತೆ ಮಾಡಿ ಸಂಹರಿಸೋ ಶಕ್ತಿ ಇದೆ. ಗಡಿ ದಾಟಿ ನುಸುಳಲು ಯತ್ನಿಸಿದ್ದ ಪಾಕ್ ಡ್ರೋನ್ ಗಳನ್ನು ಖತಂ ಮಾಡಿದ್ದು ಇದೇ ಡಿ4 ಸಿಸ್ಟಂ ಇದನ್ನು ಭಾರತದ ಐರನ್ ಡೋಮ್ ಎಂದೇ ಕರೆಯಲಾಗುತ್ತೆ.
ಆಕಾಶ್ ಸಮಸ್ತ ಆಕಾಶಕ್ಕೇ ಬಾಸ್
ಅಡ್ನಾನ್ಸ್ ಡ್ ಏರ್ ಡಿಫ್ನ್ಸ್ ಕಂಟ್ರೋಲ್ ರಿಪೋರ್ಟಿಂಗ್ ಸಿಸ್ಟಂ ಅಥವಾ ಆಕಾಶ್ ಕ್ಷಿಪಣಿಯನ್ನು ಭಾರತ್ ಎಲೆಕ್ಟ್ರಾನಿಕ್ ಲಿಮಿಟೆಡ್ ಅಭಿವೃದ್ಧಿ ಪಡೆಸಿದೆ. ಈ ಆಕಾಶ್ ಬಾನಲ್ಲಿ ಶತ್ರುಗಳ ಡ್ರೋನ್ ಗಳನ್ನು ಕ್ಷಣಾರ್ಧದಲ್ಲಿ ಹೊಡೆದುರುಳಿಸುವ ತಾಕತ್ತು ಹೊಂದಿದೆ.
ಬರಾಕ್ 8 ಎಂಆರ್ಎಸ್ ಎಎಂ
ಈ ಮಧ್ಯಮ ದೂರ ವ್ಯಾಪ್ತಿಯ ನೆಲದಿಂದ ಆಗಸಕ್ಕೆ ಜಿಗಿಯುವ ಕ್ಷಿಪಣಿಯನ್ನು ಡಿಆರ್ ಡಿಒ ಮತ್ತು ಇಸ್ರೇಲ್ ಏರೋಸ್ಪೋಸ್ ಇಂಡಸ್ಟ್ರೀಸ್ ಜಂಟಿಯಾಗಿ ಅಭಿವೃದ್ಧಿ ಪಡಿಸಿದೆ. ಪಾಕಿಸ್ತಾನದ ಹಿರಿಮೆಯ ಫತೇ-2 ಕ್ಷಿಪಣಿಯನ್ನು ನೆಲಕ್ಕುರುಳಿಸಿದ ಕೀರ್ತಿ ಇದಕ್ಕೇ ಸಲ್ಲಬೇಕು.
ಭಾರಕದ ಬಾಹುಬಲಿ ಈ ಬ್ರಹ್ಮೋಸ್
ಭಾರತೀಯ ಸೇನೆಯ ಬತ್ತಳಿಕೆಯ ಬ್ರಹ್ಮಾಸ್ತ್ರ ಅಂದ್ರೆ ಅದು ಈ ಬ್ರಹ್ಮೋಸ್. ಪಾಕಿಸ್ತಾನದ ನೂರ್ ಖಾನ್ ಏರ್ ಬೇಸನ್ನ ಧ್ವಂಸ ಮಾಡಿದ ಶ್ರೇಯ ಈ ಬ್ರಹ್ಮೋಸ್ ಗೆ ಸಲ್ಲಿಬೇಕು. ಪಕ್ಕಾ ದೇಸಿ ನಿರ್ಮಿತ ಈ ಬ್ರಹ್ಮೋಸ್ ಶಬ್ಧಕ್ಕಿಂತ ವೇಗವಾಗಿ ಯಾವ ರೆಡಾರ್ ಕಣ್ಣಿಗೂ ಸಿಗದೆ ಶತ್ರು ಸಂಹರಿಸೋ ಕೆಚ್ಚೆದೆ ಹೊಂದಿದೆ.
ಎಲ್ 70 ಆಂಟಿ ಏರ್ ಕ್ರಾಫ್ಟ್ ಗನ್
ಇದನ್ನು ಮೊದಲು ಅಭಿವೃದ್ಧಿ ಪಡೆಸಿದ್ದೇ ಸ್ವೀಡನ್ ನ ಬೋರ್ಫೋರ್ಸ್ ಕಂಪನಿ. ಆದ್ರೀಗ ಈ ಗನ್ನನ್ನ ಭಾರತದಲ್ಲೇ ಉತ್ಪಾದಿಸಲಾಗ್ತಿದೆ. ಪಾಕ್ ಹಾರಿಬಿಟ್ಟ ಟರ್ಕಿ ನಿರ್ಮಿತ ಡ್ರೋನ್ ಗಳನ್ನು ಸುಟ್ಟು ಬೂದಿ ಮಾಡಿದ್ದೇ ಈ ಎಲ್ 70 ಗನ್ ಗಳು. ಪಾಕ್ ವಿರುದ್ಧ ಸಮರ ಸಾರಿ ವಿಜಯ ತಿಲಕವಿಟ್ಟುಕೊಂಡಿರುವ ಈ ಅಸ್ತ್ರಗಳಿಗೀಗ ಹತ್ತಾರು ದೇಶಗಳಿಂದ ಬೇಡಿಕೆ ಸೃಷ್ಟಿಯಾಗ್ತಿದೆ. ಈ ಮೂಲಕ ಚೀನಾದ ಖಾಯಂ ಕಸ್ಟಮರ್ ಗಳಾದ ಬಾಂಗ್ಲಾದೇಶ,ಮ್ಯಾನ್ಮಾರ್, ಅಲ್ಜೀರಿಯಾ, ಆಫ್ರಿಕಾ ದೇಶಗಳು ಇದೀಗ ಭಾರತದ ಅಸ್ತ್ರಗಳ ಮೇಲೆ ಒಲವು ತೋರ್ತಿದ್ದಾರೆ. ಈ ಮೂಲಕ ಚೀನಾ ತನಗಿದ್ದ ಮಾರುಕಟ್ಟೆಯನ್ನು ತಾನೇ ಕೊಂದು ಗೋರಿ ಕಟ್ಟಿದೆ.
