ಮುಂಬಯಿ: ಟೀಮ್ ಇಂಡಿಯಾ ಆಟಗಾರ ಯಜುವೇಂದ್ರ ಚಹಲ್(Chahal-Dhanashree Divorce) ಮತ್ತು ಅವರ ಪತ್ನಿ ಧನಶ್ರೀ ವರ್ಮಾ ಶೀಘ್ರದಲ್ಲೇ ವಿಚ್ಛೇದನ ಪಡೆಯಲಿದ್ದಾರೆ ಎಂಬುದು ಖಾತ್ರಿಯಾಗಿದೆ. ಅದಕ್ಕಾಗಿ ಅವರು ಧನಶ್ರೀ ವರ್ಮಾಗೆ ಚಹಲ್ 60 ಕೋಟಿ ರೂ. ಜೀವನಾಂಶ ನೀಡಲು ಒಪ್ಪಿದ್ದಾರೆ ಎಂದು ಹೇಳಲಾಗಿದೆ. ಇಷ್ಟೆಲ್ಲ ಬೆಳವಣಿಗೆ ನಡೆದಿದ್ದರೂ ಕೂಡ ಇದುವರೆಗೂ ಚಹಲ್ ಅಥವಾ ಧನಶ್ರೀ ವಿಚ್ಛೇದನದ ಬಗ್ಗೆ ಯಾವುದೇ ಅಧಿಕೃತ ಮಾಹಿತಿ ನೀಡಿಲ್ಲಎಂಬುದು ವಿಶೇಷ. ಆದರೆ, ಜತೆಯಾಗಿ ಅವರು ಜೀವನ ಮಾಡುತ್ತಿಲ್ಲ ಎಂಬುದಾಗಿ ಹಲವಾರು ವೆಬ್ಸೈಟ್ಗಳು ವರದಿ ಮಾಡಿವೆ. ದಂಪತಿ ಪ್ರತ್ಯೇಕವಾಗಿ ತಮ್ಮ ಜೀವನ ಮುಂದುವರಿಸಲು ನಿರ್ಧರಿಸಿದ್ದಾರೆ ಎಂಬುದು ಸ್ಪಷ್ಟವಾಗಿದೆ.
ಕಳೆದ ವರ್ಷ ಡಿಸೆಂಬರ್ ಅಂತ್ಯದಲ್ಲಿ ಈ ಜೋಡಿ ಪರಸ್ಪರ ಪ್ರತ್ಯೇಕವಾಗುತ್ತಿದ್ದಾರೆ ಎಂದು ಸುದ್ದಿಯಾಗಿತ್ತು. ಇದಕ್ಕೆ ಪುಷ್ಠಿ ನೀಡಿವಂತೆ ಇಬ್ಬರು ಕೂಡ ಸಾಮಾಜಿಕ ಜಾಲತಾಣ ಮಾಧ್ಯಮಗಳಲ್ಲಿ ಒಬ್ಬರನ್ನೊಬ್ಬರು ಅನ್ ಫಾಲೋ ಮಾಡಿಕೊಂಡಿದ್ದರು. ಅದರಲ್ಲೂ ಚಹಲ್ ಪತ್ನಿ ಜತೆಗಿರುವ ಎಲ್ಲ ಫೋಟೊವನ್ನು ಕೂಡ ಡಿಲೀಟ್ ಮಾಡಿದ್ದರು. ಅಲ್ಲಿಗೆ ಅವರ ನಡುವಿನ ಭಿನ್ನಭಿಪ್ರಾಯ ಬಹಿರಂಗೊಂಡಿತ್ತು. ಧನಶ್ರೀ ಇನ್ಸ್ಟಾದಲ್ಲಿ ಚಹಲ್ರನ್ನು ಅನ್ ಫಾಲೋ ಮಾಡಿದ್ದರೂ ಕೂಡ ಅವರ ಜತೆಗಿರುವ ಫೋಟೊವನ್ನು ಡಿಲೀಟ್ ಮಾಡಿಲ್ಲ.
ಕೆಲ ದಿನಗಳ ಹಿಂದೆಷ್ಟೇ ಚಹಲ್ ತಮ್ಮಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಚಹಲ್ ತಮ್ಮ ಹಲವು ಸ್ಟೈಲಿಶ್ ಲುಕ್ನ ಹಲವು ಫೋಟೊಗಳನ್ನು ಹಂಚಿಕೊಂಡು ರಹಸ್ಯ ಸಂದೇಗಳನ್ನು ಪೋಸ್ಟ್ ಮಾಡಿದ್ದರು.
ಧನಶ್ರೀ ಮತ್ತು ಚಹಲ್ 2020ರ ಡಿಸೆಂಬರ್ 11 ರಂದು ದಾಂಪತ್ಯ ಜೀವನಕ್ಕೆ ಕಾಲಿಲಿಟ್ಟಿದ್ದರು. ಚಹಲ್ ಲಾಕ್ಡೌನ್ ಸಮಯದಲ್ಲಿ ಧನಶ್ರೀ ಅವರಿಂದ ನೃತ್ಯ ಕಲಿಯಲು ಇಚ್ಛಿಸಿದ್ದರು. ಈ ಸಮಯದಲ್ಲಿ ಇಬ್ಬರ ನಡುವೆ ಆತ್ಮೀಯತೆ ಮೂಡಿ ಪ್ರೀತಿ ಶುರುವಾಗಿತ್ತು.
ಸದ್ಯ ಚಹಲ್ ಮಾರ್ಚ್ 22 ರಿಂದ ಆರಂಭಗೊಳ್ಳಲಿರುವ 18ನೇ ಆವೃತ್ತಿಯ ಐಪಿಎಲ್ಗಾಗಿ ಸಿದ್ಧತೆಯಲ್ಲಿ ತೊಡಗಿದ್ದಾರೆ. ಕಳೆದ ವರ್ಷ ನಡೆದಿದ್ದ ಐಪಿಎಲ್ ಮೆಗಾ ಹರಾಜಿನಲ್ಲಿ ಚಹಲ್18 ಕೋಟಿ ರೂ. ಪಡೆದು ಪಂಜಾಬ್ ಕಿಂಗ್ಸ್ ತಂಡದ ಪಾಲಾಗಿದ್ದರು. ಇದುವರೆಗೆ 160 ಐಪಿಎಲ್ ಪಂದ್ಯಗಳನ್ನಾಡಿ 205 ವಿಕೆಟ್ ಕಿತ್ತು ಟೂರ್ನಿಯಲ್ಲೇ ಅತ್ಯಧಿಕ ವಿಕೆಟ್ ಕಿತ್ತ ಬೌಲರ್ ಎನಿಸಿಕೊಂಡಿದ್ದಾರೆ.
