ಬೆಂಗಳೂರು : ಐಫೋನ್ ಪ್ರಿಯರಿಗೆ, ಅದರಲ್ಲೂ ಆ್ಯಪಲ್ ಐಫೋನ್ 17 ಪ್ರೊ ಮ್ಯಾಕ್ಸ್ (Apple iPhone 17 Pro Max) ಖರೀದಿಸಬೇಕು ಎಂದು ಬಯಸುತ್ತಿರುವವರಿಗೆ ಭರ್ಜರಿ ಗುಡ್ ನ್ಯೂಸ್ ದೊರೆತಿದೆ. ಫ್ಲಿಪ್ ಕಾರ್ಟ್ ಗೋಟ್ ಸೇಲ್ (Flipkart GOAT Sale) ಅನ್ವಯ ಈಗ ಒಂದೂವರೆ ಲಕ್ಷ ರೂಪಾಯಿ ಮೌಲ್ಯದ ಐಫೋನ್ 17 ಪ್ರೊ ಮ್ಯಾಕ್ಸ್ ಮೊಬೈಲ್ ಈಗ 1.29 ಲಕ್ಷ ರೂಪಾಯಿಗೆ ಲಭಿಸುತ್ತಿದೆ. ಸುಮಾರು 20 ಸಾವಿರ ರೂಪಾಯಿ ಆಫರ್ ಅನ್ನು ಫ್ಲಿಪ್ ಕಾರ್ಟ್ ಘೋಷಣೆ ಮಾಡಿದೆ.
ಐಫೋನ್ 17 ಪ್ರೊ ಮ್ಯಾಕ್ಸ್ ಮೊಬೈಲ್ ಆರಂಭಿಕ ಬೆಲೆಯು 1,49,900 ಲಕ್ಷ ರೂಪಾಯಿ ಆಗಿತ್ತು. ಇದನ್ನು ಫ್ಲಿಪ್ ಕಾರ್ಟ್ ಗೋಟ್ ಸೇಲ್ ಅಡಿಯಲ್ಲಿ 1,29,900 ಲಕ್ಷ ರೂಪಾಯಿಗೆ ಮಾರಾಟ ಮಾಡಲಾಗುತ್ತಿದೆ. ಆಫರ್ ಯೋಜನೆ ಅನ್ವಯ ಫ್ಲಿಪ್ ಕಾರ್ಟ್ ಕಂಪನಿಯು 10 ಸಾವಿರ ರೂಪಾಯಿ ನೇರ ಡಿಸ್ಕೌಂಟ್ ನೀಡಿದೆ. ಹಾಗೆಯೇ, ಫ್ಲಿಪ್ ಕಾರ್ಟ್ ಆ್ಯಕ್ಸಿಸ್ ಬ್ಯಾಂಕ್ ಕ್ರೆಡಿಟ್ ಕಾರ್ಡ್ ಮೂಲಕ ಖರೀದಿಸಿದರೆ 6 ಸಾವಿರ ರೂಪಾಯಿ ಡಿಸ್ಕೌಂಟ್ ಸಿಗಲಿದೆ. ಆಗ ಐಫೋನ್ ಬೆಲೆಯು 1,33,900 ರೂ. ಆಯಿತು.
ಇದಿಷ್ಟೇ ಅಲ್ಲ, ಫ್ಲಿಪ್ ಕಾರ್ಟ್ ಆ್ಯಕ್ಸಿಸ್ ಬ್ಯಾಂಕ್ ಕ್ರೆಡಿಟ್ ಕಾರ್ಡ್ ಹೊಂದಿದವರಿಗೆ ಹೆಚ್ಚುವರಿಯಾಗಿ ಶೇ.5ರಷ್ಟು (4 ಸಾವಿರ ರೂ.ವರೆಗೆ ಮಾತ್ರ) ಕ್ಯಾಶ್ ಬ್ಯಾಕ್ ಸಿಗಲಿದೆ. ಆಗ ಮೊಬೈಲ್ ಬೆಲೆಯಲ್ಲಿ 4 ಸಾವಿರ ರೂ. ಕಡಿಮೆಯಾಗಲಿದ್ದು, ಒಟ್ಟಾರೆಯಾಗಿ 1,29,900 ರೂ.ಗೆ ಮೊಬೈಲ್ ಲಭಿಸಿದೆ.
ಅಮೆಜಾನ್ ನಿಂದ 14 ಸಾವಿರ ರೂ. ಆಫರ್
ಅಮೆಜಾನ್ ಕಂಪನಿ ಕೂಡ ಅಮೆಜಾನ್ ಪ್ರೈಮ್ ಡೇ ಸೇಲ್ ಆಫರ್ ಘೋಷಣೆ ಮಾಡಿದ್ದು, ಐಫೋನ್ 17 ಪ್ರೊ ಮ್ಯಾಕ್ಸ್ ಮೊಬೈಲ್ ಗೆ 14 ಸಾವಿರ ರೂ. ಡಿಸ್ಕೌಂಟ್ ನೀಡಿದೆ. ಅಮೆಜಾನ್ ಕೂಡ ನೇರವಾಗಿ 10 ಸಾವಿರ ರೂಪಾಯಿ ಡಿಸ್ಕೌಂಟ್ ಘೋಷಣೆ ಮಾಡಿದೆ. ಇದರ ಜತೆಗೆ, ಎಸ್ ಬಿಐ ಅಥವಾ ಆ್ಯಕ್ಸಿಸ್ ಬ್ಯಾಂಕ್ ಕ್ರೆಡಿಟ್ ಕಾರ್ಡ್ ಬಳಸಿ ಖರೀದಿಸಿದರೆ 4 ಸಾವಿರ ರೂ. ಕ್ಯಾಶ್ ಬ್ಯಾಕ್ ಸಿಗಲಿದೆ. ಅಲ್ಲಿಗೆ, ಮೊಬೈಲ್ ಬೆಲೆಯು 1,35,900 ರೂ.ಗೆ ಇಳಿಕೆಯಾದಂತಾಗಿದೆ.
ಇದನ್ನೂ ಓದಿ : ವಿದ್ಯಾರ್ಥಿಗಳ ಭವಿಷ್ಯಕ್ಕೆ ಆಸರೆಯಾದ ನಟ ರಿಷಬ್ ಶೆಟ್ಟಿ ; ಭಾವುಕರಾಗಿ ಕೃತಜ್ಞತೆ ಸಲ್ಲಿಸಿದ ಪೋಷಕರು!
