ನಂದಿನಿ ಹಾಲು ದರ ಏರಿಕೆಗೆ ಹೋಟೆಲ್ ಮಾಲೀಕರ ಸಂಘದಿಂದ ತೀವ್ರ ವಿರೋಧ ವ್ಯಕ್ತವಾಗಿದೆ. ಪ್ರತಿ ಲೀಟರ್ ಹಾಲಿಗೆ ಏಕಾಏಕಿ ಎಂಟು ರೂಪಾಯಿ ಏರಿಕೆ ಮಾಡುವುದಕ್ಕೆ ಬ್ರೇಕ್ ಹಾಕಿರುವ ಸಂಘ, ದರವನ್ನು ಕೇವಲ ಎರಡು ಮೂರು ರೂಪಾಯಿಗೆ ಸೀಮಿತಗೊಳಿಸುವಂತೆ ಆಗ್ರಹಿಸಿದೆ.
ಹಾಲಿನ ಬೆಲೆ ಏರಿದರೆ ಕಾಫಿ ಹಾಗೂ ಟೀ ದರವೂ ಗಗನಕ್ಕೇರಲಿದ್ದು, ನೇರವಾಗಿ ಹೋಟೆಲ್ ಗ್ರಾಹಕರ ಜೇಬಿಗೆ ಕತ್ತರಿ ಬೀಳಲಿದೆ. ಈಗಾಗಲೇ ಹಾಲು ಹಾಗೂ ಅಕ್ಕಿ ಬೆಲೆ ಏರಿಕೆಯಿಂದ ತತ್ತರಿಸಿರುವ ಹೋಟೆಲ್ ಉದ್ಯಮಕ್ಕೆ ಇದು ಮತ್ತಷ್ಟು ದೊಡ್ಡ ಸಂಕಷ್ಟ ತಂದೊಡ್ಡಿದೆ!
