ಆಂಧ್ರಪ್ರದೇಶದ ಕರಾವಳಿಗೆ ಅರ್ನಬ್ ಚಂಡಮಾರುತ ದಾಂಗುಡಿ ಇಟ್ಟಿದ್ದು, ಭೀಕರ ಬಿರುಗಾಳಿ ಮತ್ತು ಸಿಡಿಲ ಆರ್ಭಟಕ್ಕೆ ಇದುವರೆಗೆ ಎಂಟು ಜನರು ಬಲಿಯಾಗಿದ್ದಾರೆ. ಚಂಡಮಾರುತದ ತೀವ್ರತೆಗೆ ಸಾವಿರಾರು ಮರಗಳು ಹಾಗೂ ವಿದ್ಯುತ್ ಕಂಬಗಳು ಧರಾಶಾಹಿಯಾಗಿದ್ದು, 70 ಸಾವಿರಕ್ಕೂ ಅಧಿಕ ಹೆಕ್ಟೇರ್ ಪ್ರದೇಶದ ಬೆಳೆ ಸಂಪೂರ್ಣ ನಾಶವಾಗಿದೆ.
ಕರಾವಳಿ ಭಾಗದಲ್ಲಿ ಸಮುದ್ರದ ಅಲೆಗಳು ರಕ್ಕಸ ಗಾತ್ರದಲ್ಲಿ ಭೋರ್ಗರೆಯುತ್ತಿದ್ದು, ವಿಮಾನ ಹಾಗೂ ರೈಲು ಸಂಚಾರ ಸಂಪೂರ್ಣ ಅಸ್ತವ್ಯಸ್ತಗೊಂಡಿದೆ. ಅರ್ನಬ್ ರೌದ್ರರೂಪಕ್ಕೆ ಇಡೀ ಆಂಧ್ರಪ್ರದೇಶ ಅಲ್ಲೋಲಕಲ್ಲೋಲವಾಗಿದ್ದು, ಇದರ ಎಫೆಕ್ಟ್ ಒಡಿಶಾ, ತೆಲಂಗಾಣ ಮತ್ತು ಗುಜರಾತ್ ರಾಜ್ಯಗಳಿಗೂ ತಟ್ಟಿದೆ.
