ಬೆಂಗಳೂರು : ಸಾರ್ವಜನಿಕ ವಲಯದ ಪ್ರಮುಖ ಟೆಲಿಕಾಂ ಸಂಸ್ಥೆಯಾದ ಭಾರತ್ ಸಂಚಾರ್ ನಿಗಮ್ ಲಿಮಿಟೆಡ್ (BSNL) ತನ್ನ ಗ್ರಾಹಕರಿಗೆ ಸಿಹಿ ಸುದ್ದಿ ನೀಡಿದೆ. ಆಯ್ದ ಪ್ರಿಪೇಯ್ಡ್ ರಿಚಾರ್ಜ್ ಪ್ಲಾನ್ ಗಳ ಮೇಲೆ 1 ಲಕ್ಷ ರೂ. ಕವರ್ ಇರುವ ಉಚಿತ ಅಪಘಾತ ವಿಮೆ ಮತ್ತು 10 ಸಾವಿರ ರೂಪಾಯಿವರೆಗೆ ಸೈಬರ್ ವಂಚನೆ ಕವರೇಜ್ ಸೌಲಭ್ಯವನ್ನು ಘೋಷಣೆ ಮಾಡಿದೆ. ಈ ವಿಮಾ ಸೌಲಭ್ಯವನ್ನು ಒದಗಿಸಲು ಬಿಎಸ್ಎನ್ಎಲ್ ಸಂಸ್ಥೆಯು ಓರಿಯಂಟಲ್ ಇನ್ಶೂರೆನ್ಸ್ ಕಂಪನಿ ಜತೆ (Oriental Insurance Company) ಒಪ್ಪಂದ ಮಾಡಿಕೊಂಡಿದೆ.
ಈ ಯೋಜನೆಯು ಅಕ್ಟೋಬರ್ 1ರಿಂದ ಜಾರಿಗೆ ಬಂದಿದ್ದು, ಗ್ರಾಹಕರಿಗೆ ವಿಮಾ ರಕ್ಷಣೆ ನೀಡುತ್ತಿರುವ ದೇಶದ ಮೊದಲ ಟೆಲಿಕಾಂ ಕಂಪನಿ ಎಂಬ ಹೆಗ್ಗಳಿಕೆಗೆ ಬಿಎಸ್ಎನ್ಎಲ್ ಪಾತ್ರವಾಗಿದೆ. ಗ್ರಾಹಕರು ಎರಡು ವಿಶೇಷ ಪ್ಲಾನ್ ಗಳನ್ನು ರಿಚಾರ್ಜ್ ಮಾಡಿಸಿಕೊಂಡ ತಕ್ಷಣವೇ ವಿಮೆ ಹಾಗೂ ಸೈಬರ್ ಸುರಕ್ಷತೆ ಆಫರ್ ಲಭಿಸಲಿವೆ. ವಿಮೆಗೆ ನಾಮಿನಿಗಳನ್ನೂ ಹೆಸರಿಸಬಹುದಾಗಿದೆ.
ಯಾವ ಪ್ಲಾನ್ ಗಳಿಗೆ ಆಫರ್ ಲಭ್ಯ?
STV 202 ರೂ. ಪ್ಲಾನ್
ವ್ಯಾಲಿಡಿಟಿ: 30 ದಿನ
ಪ್ರಯೋಜನಗಳು: 300 ನಿಮಿಷಗಳ ಉಚಿತ ವಾಯ್ಸ್ ಕರೆ, 5 ಜಿಬಿ ಡೇಟಾ ಮತ್ತು 100 ಎಸ್ಎಂಎಸ್.
ವಿಮಾ ಸೌಲಭ್ಯ: ಉಚಿತ ಅಪಘಾತ ವಿಮೆ ಮತ್ತು ಸೈಬರ್ ವಂಚನೆ ಕವರೇಜ್
STV 2,449 ರೂ. ಪ್ಲಾನ್
ವ್ಯಾಲಿಡಿಟಿ: 365 ದಿನ
ಪ್ರಯೋಜನಗಳು: ಅನ್ ಲಿಮಿಟೆಡ್ ವಾಯ್ಸ್ ಕರೆ, ದಿನಕ್ಕೆ 2 ಜಿಬಿ ಡೇಟಾ ಮತ್ತು ದಿನಕ್ಕೆ 100 ಎಸ್ಎಂಎಸ್
ವಿಮಾ ಸೌಲಭ್ಯ: ಉಚಿತ ಅಪಘಾತ ವಿಮೆ ಮತ್ತು ಸೈಬರ್ ವಂಚನೆ ರಕ್ಷಣೆ
ನಾಮಿನಿ ವಿವರಗಳನ್ನು ಅಪ್ಡೇಟ್ ಮಾಡುವುದು ಹೇಗೆ?
ರಿಚಾರ್ಜ್ ಪೂರ್ಣಗೊಂಡ ತಕ್ಷಣ ಈ ವಿಮಾ ಪಾಲಿಸಿ ಚಾಲನೆಗೆ ಬರಲಿದೆ. ಗ್ರಾಹಕರು ತಮ್ಮ ಬಿಎಸ್ಎನ್ಎಲ್ ಸೆಲ್ಫ್ ಕೇರ್ ಪೋರ್ಟಲ್ ಅಥವಾ ರಿಚಾರ್ಜ್ ಮಾಡಿದ ನಂತರ ಬರುವ ಎಸ್ಎಂಎಸ್ ಲಿಂಕ್ ಮೂಲಕ ನಾಮಿನಿ ವಿವರಗಳನ್ನು ನೋಂದಾಯಿಸಬೇಕಾಗುತ್ತದೆ. ರಿಚಾರ್ಜ್ ಪ್ಲಾನ್ ನ ವ್ಯಾಲಿಡಿಟಿ ಇರುವವರೆಗೆ ವಿಮಾ ರಕ್ಷಣೆ ಅನ್ವಯವಾಗುತ್ತದೆ.
ಇದನ್ನೂ ಓದಿ : 15 ವರ್ಷಗಳ ಬಳಿಕ ಮೈಸೂರು ವಿವಿ ಪ್ರಸಾರಾಂಗದಿಂದ ‘ಜೈಮಿನಿ ಭಾರತ’ ಹಾಗೂ ‘ಕಥಾಮಂಜರಿ’ ಮರುಮುದ್ರಣ!
