ಬೆಂಗಳೂರು : ಜಾಗತಿಕ ಭೌಗೋಳಿಕ ಸಂಘರ್ಷ ಸೇರಿ ಹಲವು ಕಾರಣದಿಂದಾಗಿ ಷೇರು ಮಾರುಕಟ್ಟೆಯು ಏರಿಳಿತ ಕಾಣುತ್ತಲೇ ಇದೆ. ಹಾಗಾಗಿ, ಜನ ಸುರಕ್ಷಿತ ಹೂಡಿಕೆಗಳತ್ತ ಮುಖ ಮಾಡುತ್ತಿದ್ದಾರೆ. ಅದರಲ್ಲೂ, ಬ್ಯಾಂಕ್ ಎಫ್.ಡಿ ಇರಿಸಲು ಆಸಕ್ತಿ ತೋರಿಸುತ್ತಿದ್ದಾರೆ. ಹೀಗೆ, ನೀವು ಕೂಡ ಬ್ಯಾಂಕ್ ಎಫ್.ಡಿಯಲ್ಲಿ ಹಣ ಹೂಡಿಕೆ ಮಾಡಲು ಒಳ್ಳೆಯ ಅವಕಾಶವಿದೆ. ಅದರಲ್ಲೂ, ದೇಶದ ಅತಿ ದೊಡ್ಡ ಸಾರ್ವಜನಿಕ ವಲಯದ ಬ್ಯಾಂಕ್ ಆಗಿರುವ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (SBI) ತನ್ನ ಗ್ರಾಹಕರಿಗೆ ಸುರಕ್ಷಿತ ಮತ್ತು ಆಕರ್ಷಕ ಬಡ್ಡಿ ದರಯೊಂದಿಗೆ ಫಿಕ್ಸೆಡ್ ಡೆಪಾಸಿಟ್ (FD) ಯೋಜನೆಗಳನ್ನು ನೀಡುತ್ತಿದೆ.
ಯಾವುದೇ ಮಾರುಕಟ್ಟೆ ರಿಸ್ಕ್ ಇಲ್ಲದೆ ಗ್ಯಾರಂಟಿಯಾದ ಆದಾಯ ಬಯಸುವವರಿಗೆ ಎಫ್.ಡಿ ಉತ್ತಮ ಆಯ್ಕೆಯಾಗಿದೆ. ಒಂದು ವೇಳೆ ನೀವು ಎಸ್.ಬಿ.ಐ.ನಲ್ಲಿ 5 ವರ್ಷಗಳ ಅವಧಿಗೆ 5 ಲಕ್ಷ ರೂಪಾಯಿಗಳನ್ನು ಹೂಡಿಕೆ ಮಾಡಿದರೆ ಎಷ್ಟು ಲಾಭ ಪಡೆಯಬಹುದು ಎಂಬುದರ ಸಂಪೂರ್ಣ ಮಾಹಿತಿ ಇಲ್ಲಿದೆ.
ಬ್ಯಾಂಕ್ ನಿಯಮಗಳ ಪ್ರಕಾರ, 5 ವರ್ಷಗಳಿಂದ 10 ವರ್ಷಗಳ ಅವಧಿಯ ಎಫ್.ಡಿ ಮೇಲೆ ಸಾಮಾನ್ಯ ನಾಗರಿಕರಿಗೆ (60 ವರ್ಷಕ್ಕಿಂತ ಕಡಿಮೆ ವಯಸ್ಸಿನವರು) ವಾರ್ಷಿಕ ಶೇ.6.05ರಷ್ಟು ಬಡ್ಡಿ ನೀಡಲಾಗುತ್ತಿದೆ. ಅದೇ ರೀತಿ, ಹಿರಿಯ ನಾಗರಿಕರಿಗೆ ಶೇ.7.05ರಷ್ಟು ಬಡ್ಡಿ ದೊರೆಯಲಿದೆ. ಅದರಂತೆ, 5 ವರ್ಷದ ಹೂಡಿಕೆಯ ಬಡ್ಡಿ ಲೆಕ್ಕಾಚಾರ ಇಲ್ಲಿದೆ.
ಸಾಮಾನ್ಯ ನಾಗರಿಕರಿಗೆ ಸಿಗುವ ಲಾಭ
• ಹೂಡಿಕೆ ಮೊತ್ತ: 5 ಲಕ್ಷ ರೂ.
• ಅವಧಿ: 5 ವರ್ಷ
• ಬಡ್ಡಿ ದರ: ಶೇ.6.05 (ವಾರ್ಷಿಕವಾಗಿ ಕಾಂಪೌಂಡಿಂಗ್)
• 5 ವರ್ಷಗಳ ಮುಕ್ತಾಯದ ನಂತರ ಸಿಗುವ ಒಟ್ಟು ಮೊತ್ತ (Maturity Amount): ಅಂದಾಜು 6,74,383 ರೂ.
• ನಿಮಗೆ ಸಿಗುವ ನಿವ್ವಳ ಬಡ್ಡಿ ಲಾಭ: ಅಂದಾಜು 1,74,383 ರೂ.
ಹಿರಿಯ ನಾಗರಿಕರಿಗೆ ಸಿಗುವ ಲಾಭ
• ಹೂಡಿಕೆ ಮೊತ್ತ: 5,00,000 ರೂ.
• ಅವಧಿ: 5 ವರ್ಷ
• ಬಡ್ಡಿ ದರ: ಶೇ. 7.05
• 5 ವರ್ಷಗಳ ಮುಕ್ತಾಯದ ನಂತರ ಸಿಗುವ ಒಟ್ಟು ಮೊತ್ತ: ಅಂದಾಜು 7,08,835 ರೂ.
• ನಿಮಗೆ ಸಿಗುವ ನಿವ್ವಳ ಬಡ್ಡಿ ಲಾಭ: ಅಂದಾಜು 2,08,835 ರೂ.
ತೆರಿಗೆ ವಿನಾಯಿತಿ
ಎಸ್.ಬಿ.ಐ.ನಲ್ಲಿ 5 ವರ್ಷಗಳ ಟ್ಯಾಕ್ಸ್ ಸೇವಿಂಗ್ಸ್ ಎಫ್.ಡಿ.ಯಲ್ಲಿ ಹೂಡಿಕೆ ಮಾಡಿದರೆ ಆದಾಯ ತೆರಿಗೆ ಕಾಯ್ದೆಯ ಸೆಕ್ಷನ್ 80ಸಿ ಅಡಿಯಲ್ಲಿ ವಾರ್ಷಿಕ 1.5 ಲಕ್ಷ ರೂ.ವರೆಗೆ ತೆರಿಗೆ ವಿನಾಯಿತಿ ಪಡೆಯಬಹುದು. ಆದರೆ, ಈ ತೆರಿಗೆ ಉಳಿತಾಯ ಯೋಜನೆಯ ಬಡ್ಡಿ ಆದಾಯವು ತೆರಿಗೆಗೆ ಒಳಪಡುತ್ತದೆ ಎಂಬುದನ್ನು ಗಮನಿಸಬೇಕು. ಬ್ಯಾಂಕ್ ನಿಯಮಗಳನುಸಾರ ಬಡ್ಡಿ ಮೊತ್ತದ ಮೇಲೆ ಟಿಡಿಎಸ್ (TDS) ಕಡಿತಗೊಳ್ಳಲಿದೆ.
ಇದನ್ನೂ ಓದಿ : ರೀಲ್ಸ್ ತಂದ ಕ್ರಾಂತಿ : ದಿಲ್ಲಿ ಪ್ರೊಟೆಸ್ಟ್ Gen-Z ಪಡೆ ನಡೆಸಿದ ದೇಶದ ಮೊದಲ ‘ಡಿಜಿಟಲ್ ಬಂಡಾಯ’ ಎಂದ ಚೇತನ್ ಭಗತ್!
