ಬೆಂಗಳೂರು : ಸ್ವಚ್ಛ ನಗರ ನಿರ್ಮಾಣದ ಭಾಗವಾಗಿ ಬೆಂಗಳೂರು ಘನತ್ಯಾಜ್ಯ ನಿರ್ವಹಣಾ ನಿಯಮಿತ (BSWML) ಇದೀಗ ಪ್ಲಾಸ್ಟಿಕ್ ಬಳಕೆ ವಿರುದ್ಧ ಮತ್ತಷ್ಟು ಕಠಿಣ ಕ್ರಮ ಕೈಗೊಳ್ಳಲು ಮುಂದಾಗಿದೆ. ಈಗಾಗಲೇ ಏಕಬಳಕೆ ಪ್ಲಾಸ್ಟಿಕ್ ಮೇಲೆ ನಿಯಂತ್ರಣ ಜಾರಿಯಲ್ಲಿರುವುದರ ನಡುವೆ, ಮದುವೆ ಹಾಗೂ ಇತರ ಶುಭ ಸಮಾರಂಭಗಳಲ್ಲೂ ನಿಯಮ ಪಾಲನೆ ಕಡ್ಡಾಯ ಮಾಡಲು ತೀರ್ಮಾನಿಸಿದೆ.
ನಗರದ ಸುತ್ತಮುತ್ತಲಿನ ಕಲ್ಯಾಣ ಮಂಟಪಗಳು, ಸಭಾಂಗಣಗಳು ಮತ್ತು ದೊಡ್ಡ ಕಾರ್ಯಕ್ರಮಗಳ ಮೇಲೆ ಕಣ್ಣಿಟ್ಟಿರುವ ಅಧಿಕಾರಿಗಳು, ಪ್ಲಾಸ್ಟಿಕ್ ಬಳಕೆ ಕಂಡುಬಂದರೆ ತಕ್ಷಣ ದಾಳಿ ನಡೆಸಿ ದಂಡ ವಿಧಿಸಲು ಸಿದ್ಧತೆ ಮಾಡಿಕೊಂಡಿದ್ದಾರೆ. ವಿಶೇಷವಾಗಿ ಊಟದ ತಟ್ಟೆ, ಚಮಚ ಸೇರಿದಂತೆ ಪ್ಲಾಸ್ಟಿಕ್ ಪರಿಕರಗಳ ಬಳಕೆ ಹೆಚ್ಚುತ್ತಿರುವುದು ಅಧಿಕಾರಿಗಳ ಗಮನಕ್ಕೆ ಬಂದಿದೆ.
ಸಮಾರಂಭಗಳಲ್ಲಿ ಪ್ಲಾಸ್ಟಿಕ್ ಬಳಕೆಗೆ ಕಠಿಣ ಕ್ರಮ:
- ಮದುವೆ, ಸಮಾರಂಭಗಳಲ್ಲಿ ಪ್ಲಾಸ್ಟಿಕ್ ಬಳಕೆ ಮಾಡಿದರೆ ದಂಡ ವಿಧಿಸಲಾಗುತ್ತದೆ.
- ಎನ್ಡಬ್ಲ್ಯೂಪಿಪಿ ಬ್ಯಾಗ್, ಫ್ಲೆಕ್ಸ್, ಪ್ಲಾಸ್ಟಿಕ್ ಸೀಟ್ ಬಳಕೆಗೂ ಕ್ರಮ
- ಮೊದಲ ಹಂತದಲ್ಲಿ ₹3,500 ವರೆಗೆ ದಂಡ
- ಪದೇ ಪದೇ ಉಲ್ಲಂಘನೆ ಮಾಡಿದರೆ 5 ಲಕ್ಷದವರೆಗೆ ದಂಡ ವಿಧಿಸುವ ಅವಕಾಶ ಇದೆ ಎಂದು ಅಧಿಕಾರಿಗಳು ತಿಳಿಸಿದರು.
ಕಸ ವಿಂಗಡಣೆ ಕಡ್ಡಾಯ: ಉಲ್ಲಂಘನೆಗೆ ದಂಡಾಸ್ತ್ರ
ಇಂದಿನಿಂದಲೇ ಕಸ ವಿಂಗಡಿಸದವರ ಮೇಲೆ BSWML ಕಟ್ಟುನಿಟ್ಟಿನ ಕ್ರಮ ಜಾರಿಗೊಳಿಸಿದೆ.
ಮನೆಮಠಗಳಲ್ಲಿ ಕಸ ವಿಂಗಡಿಸದಿದ್ದರೆ:
- ಮೊದಲ ಬಾರಿ ₹500
- ಎರಡನೇ ಬಾರಿ ₹1000
- ಖಾಲಿ ಸೈಟ್ನಲ್ಲಿ ಕಸ ಸಂಗ್ರಹಿಸಿದರೆ:
- ಮೊದಲ ಬಾರಿ ₹25,000
- ನಂತರ ₹50,000
- ಬಲ್ಕ್ ತ್ಯಾಜ್ಯ ಉತ್ಪಾದಕರಿಗೆ:
- ಮೊದಲ ಬಾರಿ ₹10,000
- ನಂತರ ₹25,000
- ಪದೇ ಪದೇ ನಿಯಮ ಉಲ್ಲಂಘನೆ ಮಾಡಿದರೆ ₹5 ಲಕ್ಷದವರೆಗೆ ದಂಡ.
ಕಾನೂನು ಕಟ್ಟುನಿಟ್ಟಾಗಿ ಜಾರಿ:
2026ರ ಘನತ್ಯಾಜ್ಯ ನಿರ್ವಹಣಾ ಕಾಯ್ದೆಯಡಿ ನಿಯಮಗಳನ್ನು ಕಟ್ಟುನಿಟ್ಟಾಗಿ ಜಾರಿಗೊಳಿಸಲಾಗುತ್ತಿದ್ದು, ಮನೆ ಮನೆ ಕಸ ಸಂಗ್ರಹ, ಮಂಟಪಗಳು, ಖಾಲಿ ಜಾಗ—ಎಲ್ಲೆಡೆ ನಿಯಮ ಪಾಲನೆ ಕಡ್ಡಾಯವಾಗಿದೆ. ಪ್ಲಾಸ್ಟಿಕ್ ಬಳಕೆ ಕಡಿತ ಮತ್ತು ಕಸ ವಿಂಗಡಣೆ ಪಾಲನೆ ಈಗ ಆಯ್ಕೆ ಅಲ್ಲ.ಕಡ್ಡಾಯ. ನಿಯಮ ಉಲ್ಲಂಘಿಸಿದರೆ ಭಾರೀ ದಂಡ ತಪ್ಪದು.
