ಬೆಂಗಳೂರು: ಈಪಿಎಲ್ 19ನೇ ಆವೃತ್ತಿಗೆ ಕ್ಷಣಗಣನೆ ಆರಂಭವಾಗಿರುವ ಹಿನ್ನೆಲೆಯಲ್ಲಿ, ಉದ್ಘಾಟನಾ ಪಂದ್ಯವನ್ನು ಬೆಂಗಳೂರಿನ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ನಡೆಸಲು ಬಿಸಿಸಿಎ ನಿರ್ಧರಿಸಿದೆ.
ಇದರೊಂದಿಗೆ ಆರ್ಸಿಬಿ ತವರು ಪಂದ್ಯಗಳನ್ನು ಮೈದಾನದಲ್ಲೇ ವೀಕ್ಷಿಸಲು ಅಭಿಮಾನಿಗಳಿಗೆ ಅವಕಾಶ ಸಿಕ್ಕಿದೆ. ಆದರೆ ಇದೇ ವೇಳೆ KSCA ಸದ್ದಿಲ್ಲದೆ ಟಿಕೆಟ್ ದರಗಳನ್ನು ಭಾರೀ ಪ್ರಮಾಣದಲ್ಲಿ ಏರಿಕೆ ಮಾಡುವ ಮೂಲಕ ಕ್ರಿಕೆಟ್ ಪ್ರೇಮಿಗಳಿಗೆ ಶಾಕ್ ನೀಡಿದೆ.
ಹಿಂದಿನ ಟಿಕೆಟ್ ದರಗಳು
- 500 – 1,000 ರೂ. : ಬೇಸಿಕ್ ಸ್ಟ್ಯಾಂಡ್
- 1,000 – 3,000 ರೂ. : ಮಧ್ಯಮ ವರ್ಗದ ಆಸನಗಳು
- 3,000 – 8,000 ರೂ. : ಉತ್ತಮ ವೀಕ್ಷಣೆಯ ಸೀಟುಗಳು
- 8,000 – 20,000+ ರೂ. : VIP / ಕಾರ್ಪೊರೇಟ್ ಬಾಕ್ಸ್
ಈ ಬಾರಿ ಸಾಧ್ಯ ಟಿಕೆಟ್ ದರಗಳು
- 3,750 ರೂ.: ಬೇಸಿಕ್ ಸ್ಟ್ಯಾಂಡ್
- 6,000 ರೂ. : ಮಧ್ಯಮ ವರ್ಗದ ಆಸನಗಳು
- 12,000 ರೂ. : ಉತ್ತಮ ವೀಕ್ಷಣೆಯ ಸೀಟುಗಳು
- .15,000, 25,000, 27,500, 47,000 ರೂ. : VIP / ಕಾರ್ಪೊರೇಟ್ ಬಾಕ್ಸ್
ಮಾಹಿತಿಯ ಪ್ರಕಾರ, ಕನಿಷ್ಠ ಟಿಕೆಟ್ ದರ ₹3,700ರಿಂದ ಆರಂಭವಾಗುವ ಸಾಧ್ಯತೆ ಇದ್ದು, ಗರಿಷ್ಠ ದರ ₹47,000ವರೆಗೆ ನಿಗದಿ ಮಾಡುವ ಸಾಧ್ಯತೆ ಇದೆ. ಇನ್ನೂ ಬೇಡಿಕೆಗೆ ಅನುಗುಣವಾಗಿ ವಿಮಾನ ದರ ಮಾದರಿಯಲ್ಲಿ ಟಿಕೆಟ್ ದರಗಳು ಬದಲಾವಣೆ ಆಗುವ ಸಾಧ್ಯತೆ ಇದೆ.
ಉದಾಹರಣೆಗೆ, 3,750 ರೂ. ಟಿಕೆಟ್ಗೆ ಹೆಚ್ಚಿನ ಬೇಡಿಕೆ ಬಂದರೆ 4,875 ರೂ.ವರೆಗೆ ಏರಿಕೆಯಾಗಬಹುದು. ಹಾಗೆಯೇ 47,000ರೂ. ಟಿಕೆಟ್ 65,800ರೂ.ವರೆಗೆ ಹೆಚ್ಚಾಗುವ ಸಾಧ್ಯತೆಯೂ ಇದೆ.
ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಒಟ್ಟು 12 ಸ್ಟ್ಯಾಂಡ್ಗಳಿದ್ದು, ಪ್ರತಿ ಸ್ಟ್ಯಾಂಡ್ಗೆ ವಿಭಿನ್ನ ದರಗಳನ್ನು ನಿಗದಿ ಮಾಡುವ ಯೋಜನೆ ಇದೆ. ಇನ್ನೆರಡು ದಿನಗಳಲ್ಲಿ ಟಿಕೆಟ್ ಬಿಡುಗಡೆ ಆಗುವ ಸಾಧ್ಯತೆ ಇದ್ದು, ದುಬಾರಿ ದರಗಳ ನಡುವೆಯೂ ಅಭಿಮಾನಿಗಳು ಪಂದ್ಯ ವೀಕ್ಷಣೆಗೆ ಹೇಗೆ ಸ್ಪಂದಿಸುತ್ತಾರೆ ಎಂಬುದು ಕಾದು ನೋಡಬೇಕಿದೆ.
ಇದನ್ನೂ ಓದಿ : ಐಪಿಎಲ್ ವ್ಯಾಮೋಹಕ್ಕೆ ಬ್ರೇಕ್ ಹಾಕಲು ಪಾಕಿಸ್ತಾನ ಕ್ರಿಕೆಟ್ ಮಂಡಳಿ ಸಜ್ಜು : ಆಟಗಾರರಿಗೆ ಪಿಸಿಬಿ ಮುಖ್ಯಸ್ಥರ ಖಡಕ್ ಎಚ್ಚರಿಕೆ
