ಇತ್ತೀಚಿನ ದಿನದಲ್ಲಿ ಬಹುತೇಕ ಜನರಿಗೆ ಡಯಾಬಿಟಿಸ್ ಕಂಡು ಬರುವ ಪ್ರಮಾಣ ಗಣನೀಯವಾಗಿ ಹೆಚ್ಚುತ್ತಿದೆ. ಡಯಾಬಿಟಿಸ್ ಎಂದರೆ ದೇಹದಲ್ಲಿ ಸಕ್ಕರೆ (ಗ್ಲುಕೋಸ್) ಮಟ್ಟ ಅಧಿಕವಾಗುವುದು ಎಂದರ್ಥ. ದೇಹದಲ್ಲಿ ಇನ್ಸುಲಿನ್ ಹಾರ್ಮೋನ್ ಕೊರತೆ ಉಂಟಾಗುವ ಕಾರಣ ಡಯಾಬಿಟಿಸ್ ಉಂಟಾಗುತ್ತದೆ. ಈ ದೀರ್ಘ ಕಾಲದ ಕಾಯಿಲೆಗೆ ನಿರಂತರ ಕಾಳಜಿ ವಹಿಸುವುದು ಅತ್ಯಗತ್ಯ. ತಿಳಿಸಿಕೊಟ್ಟಿದ್ದಾರೆ.
ರಕ್ತದಲ್ಲಿ ಯಾವಾಗ ಹೆಚ್ಚಿನ ಪ್ರಮಾಣದ ಸಕ್ಕರೆ ಅಂಶ ಶೇಖರಣೆಯಾಗುತ್ತದೆ ಆ ಸಂದರ್ಭದಲ್ಲಿ ಕ್ರಮೇಣವಾಗಿ ರೋಗ ನಿರೋಧಕ ಶಕ್ತಿ ಕುಸಿತ ಕಾಣುತ್ತದೆ. ಏಕೆಂದರೆ ಸಕ್ಕರೆ ಅಂಶ ಪ್ರೊಟೀನ್ ಅಂಶಕ್ಕೆ ಸೇರಿಕೊಳ್ಳುವುದರಿಂದ. ಇದರಿಂದ ದೇಹದಲ್ಲಿ ಸರಿಯಾಗಿ ಕೆಲಸ ಮಾಡಬೇಕಾದ ಪ್ರೋಟೀನ್ ತನ್ನ ಕಾರ್ಯ ಚಟುವಟಿಕೆ ಕಡಿಮೆ ಮಾಡುತ್ತದೆ. ಇಡೀ ದೇಹದ ತುಂಬಾ ರಕ್ತ ಸಂಚಾರ ಆಗುವುದರಿಂದ ಮತ್ತು ಇದೇ ರೀತಿಯ ಸಕ್ಕರೆಯುಕ್ತ ಪ್ರೋಟೀನ್ ಸಂಚಾರವಾಗುವುದರಿಂದ ಗಾಯಗಳು ಉಂಟಾದ ಭಾಗದಲ್ಲಿ ಅದನ್ನು ವಾಸಿ ಮಾಡುವ ಆರೋಗ್ಯಕರ ಪ್ರೊಟೀನ್ ರಕ್ತದಲ್ಲಿ ಇರುವುದಿಲ್ಲ. ಹೀಗಾಗಿ ಗಾಯ ಬೇಗ ವಾಸಿ ಆಗುವುದಿಲ್ಲ.
ಯಾರಿಗೆ ಮಧುಮೇಹ ಕಂಟ್ರೋಲ್ ನಲ್ಲಿ ಇರುವುದಿಲ್ಲ, ಅಂತಹವರಿಗೆ ದೇಹದಲ್ಲಿ ರಕ್ತ ಸ್ವಲ್ಪ ಗಟ್ಟಿಯಾಗಿರುತ್ತದೆ. ಈ ಸಂದರ್ಭದಲ್ಲಿ ಸರಾಗವಾದ ರಕ್ತ ಸಂಚಾರ ರಕ್ತನಾಳಗಳಲ್ಲಿ ಇರುವುದಿಲ್ಲ. ಹಾಗಾಗಿ ಗಾಯ ಆದಂತಹ ಜಾಗಕ್ಕೆ ಬಿಳಿ ರಕ್ತ ಕಣಗಳು ನಿರಂತರವಾಗಿ ಬಹಳ ಬೇಗನೆ ಬಂದು ತಲುಪಲು ಸಾಧ್ಯವಾಗುವುದಿಲ್ಲ. ಇದು ಗಾಯ ವಾಸಿ ಆಗಲು ಸಮಯ ತೆಗೆದುಕೊಳ್ಳುತ್ತದೆ.
ಬ್ಲಡ್ ಶುಗರ್ ಲೆವೆಲ್ ಹೆಚ್ಚಾದರೆ ಅದರಿಂದ ಬ್ಯಾಕ್ಟೀರಿಯಾ ಪ್ರಭಾವ ರಕ್ತದಲ್ಲಿ ಬಲವಾಗುತ್ತದೆ. ಮೊದಲೇ ದುರ್ಬಲ ರೋಗ ನಿರೋಧಕ ಶಕ್ತಿ ಇರುವುದರಿಂದ ಗಾಯ ಉಂಟಾದ ಜಾಗದಲ್ಲಿ ಇರುವಂತಹ ಬ್ಯಾಕ್ಟೀರಿಯಾ ಉಪಟಳ ಹೆಚ್ಚಾಗುತ್ತದೆ. ಇದರಿಂದ ಗಾಯ ವಾಸಿಯಾಗುವುದು ನಿಧಾನವಾಗುತ್ತದೆ ಅಥವಾ ಕೆಲವೊಮ್ಮೆ ಜಾಸ್ತಿ ಆಗುತ್ತದೆ.
ಯಾವಾಗ ರಕ್ತದಲ್ಲಿ ಸಕ್ಕರೆ ಪ್ರಮಾಣ ಮಿತಿಮೀರಿ ಹೋಗುತ್ತದೆ ಆಗ ಅದು ನಮ್ಮ ದೇಹದಲ್ಲಿ ಡೈ ಕಾರ್ಬೋನಿಲ್ ಆಗಿ ಬ್ರೇಕ್ ಡೌನ್ ಆಗುತ್ತದೆ. ಇದು ನಮ್ಮ ರಕ್ಷಣಾತ್ಮಕ ವ್ಯವಸ್ಥೆಯನ್ನು ಕ್ರಮೇಣವಾಗಿ ತಗ್ಗಿಸುತ್ತದೆ. ಇದರಿಂದ ಬೇರೆ ಬಗೆಯ ಕಾಯಿಲೆಗಳನ್ನು ಉಂಟುಮಾಡುವ ಸೋಂಕು ಕ್ರಿಮಿಗಳಿಗೆ ಅನುಕೂಲವಾಗುತ್ತದೆ. ಇದರಿಂದಲೂ ಸಹ ಗಾಯ ವಾಸಿಯಾಗುವುದು ನಿಧಾನವಾಗುತ್ತದೆ.
ಡಯಾಬಿಟಿಸ್ ಲಕ್ಷಣಗಳೇನು?
- ಪದೇ ಪದೆ ಬಾಯಾರಿಕೆ ಮತ್ತು ಹಸಿವಾಗುವುದು.
- ಪದೇ ಪದೇ ಮೂತ್ರ ವಿಸರ್ಜಿಸುವುದು.
- ತುಂಬಾ ಆಯಾಸವಾಗುವುದು.
- ಕಣ್ಣು ಮಂಜಾಗುವುದು.
- ಗಾಯಗಳು ನಿಧಾನವಾಗಿ ಗುಣವಾಗುವುದು.
- ದೇಹದಲ್ಲಿ ರೋಗನಿರೋಧಕ ಶಕ್ತಿ ಕ್ಷೀಣಿಸುವುದು.
