ಬೆಂಗಳೂರು : ದೇಶದ ಪ್ರಮುಖ ಸಾರ್ವಜನಿಕ ವಲಯದ ಬ್ಯಾಂಕ್ ಗಳಲ್ಲಿ ಒಂದಾಗಿರುವ ಐಡಿಬಿಐ ಬ್ಯಾಂಕ್ (IDBI Bank)ಈಗ ಹೊಸ ಯೋಜನೆ ಘೋಷಣೆ ಮಾಡಿದೆ. ಗ್ರಾಹಕರು ಹೂಡಿಕೆ ಮಾಡುವ ಜತೆಗೆ ವಿಮಾ ಸುರಕ್ಷತೆಯನ್ನೂ ಪಡೆಯಬಹುದಾದ ಆರೋಗ್ಯ ಫಿಕ್ಸೆಡ್ ಡೆಪಾಸಿಟ್ (Aarogya Fixed Deposit) ಎಂಬ ಯೋಜನೆ ಆರಂಭಿಸಿದೆ. ಇದು ಹೂಡಿಕೆಯ ಲಾಭ ಸಿಗುವ ಜತೆಗೆ ಕುಟುಂಬಕ್ಕೆ ಆರೋಗ್ಯ ವಿಮೆಯ ರಕ್ಷಣೆಯನ್ನೂ ಒದಗಿಸುತ್ತದೆ.
ಯೋಜನೆಯ ಪ್ರಮುಖಾಂಶಗಳು
ಯೋಜನೆ ಹೆಸರು: ಐಡಿಬಿಐ ಆರೋಗ್ಯ ಫಿಕ್ಸೆಡ್ ಡೆಪಾಸಿಟ್
ಯೋಜನೆಯ ಲಾಭ: ಹೂಡಿಕೆ ಜತೆಗೆ ಆರೋಗ್ಯ ವಿಮಾ ಸುರಕ್ಷತೆ
ಹೂಡಿಕೆ ಮೊತ್ತ: 7.5 ಲಕ್ಷ ರೂ.
ಹೂಡಿಕೆಯ ಕನಿಷ್ಠ ಅವಧಿ: 370 ದಿನಗಳು
ಆರೋಗ್ಯ ವಿಮೆ ಕವರೇಜ್ ಮೊತ್ತ: 15 ಲಕ್ಷ ರೂಪಾಯಿ
ಹೌದು, ಗ್ರಾಹಕರು ಐಡಿಬಿಐ ಬ್ಯಾಂಕಿನಲ್ಲಿ ಯೋಜನೆ ಅಡಿಯಲ್ಲಿ 7.5 ಲಕ್ಷ ರೂಪಾಯಿಯನ್ನು ಫಿಕ್ಸೆಡ್ ಡೆಪಾಸಿಟ್ ಆಗಿ ಇರಿಸಿದರೆ, ಅದಕ್ಕೆ ಬಡ್ಡಿಯ ಲಾಭ ದೊರೆಯುತ್ತದೆ. ಹಾಗೆಯೇ, ಖಾತೆದಾರರು 15 ಲಕ್ಷ ರೂಪಾಯಿಯ ಆರೋಗ್ಯ ವಿಮಾ ಸುರಕ್ಷತೆ ಸಿಗುತ್ತದೆ. ಆಸ್ಪತ್ರೆಗಳಲ್ಲಿ ಕ್ಯಾಶ್ ಲೆಸ್ ಆಗಿ ಗ್ರಾಹಕರು ಚಿಕಿತ್ಸೆ ಪಡೆಯಬಹುದಾಗಿದೆ. ಕೇರ್ ಹೆಲ್ತ್ ಇನ್ಶೂರೆನ್ಸ್ ಸಹಯೋಗದಲ್ಲಿ ವಿಮಾ ಸುರಕ್ಷತೆ ನೀಡಲಾಗುತ್ತದೆ.
ಐಡಿಬಿಐ ಗ್ರಾಹಕರು ಹಣವನ್ನು ಹೂಡಿಕೆ ಮಾಡಿ, ಅದರ ರಿಟರ್ನ್ಸ್ ಲಾಭ ಪಡೆಯುವ ಜತೆಗೆ ವಿಮಾ ಸುರಕ್ಷತೆಯನ್ನೂ ಪಡೆಯಲಿ ಎಂಬ ದೃಷ್ಟಿಯಿಂದ ಹೊಸ ಯೋಜನೆಯನ್ನು ಆರಂಭಿಸಲಾಗಿದೆ. ಕನಿಷ್ಠ 18ರಿಂದ 59 ವರ್ಷ 11 ತಿಂಗಳಿನ ಒಳಗಿನವರು ಯೋಜನೆಯಲ್ಲಿ ಹೂಡಿಕೆ ಮಾಡಬಹುದು ಎಂದು ಬ್ಯಾಂಕ್ ತಿಳಿಸಿದೆ. ಕ್ಯಾಶ್ ಲೆಸ್ ಚಿಕಿತ್ಸೆ ಜತೆಗೆ ವರ್ಷಕ್ಕೊಮ್ಮೆ ಉಚಿತವಾಗಿ ಆರೋಗ್ಯ ತಪಾಸಣೆಯನ್ನೂ ಮಾಡಿಸಿಕೊಳ್ಳಬಹುದಾಗಿದೆ.
ಗಮನಿಸಿ :
ಐಡಿಬಿಐ ಬ್ಯಾಂಕ್ ಆರಂಭಿಸಿರುವ ಆರೋಗ್ಯ ಫಿಕ್ಸೆಡ್ ಡೆಪಾಸಿಟ್ ಸ್ಕೀಮ್ ಕುರಿತು ಮಾಹಿತಿ ನೀಡುವ ಉದ್ದೇಶದಿಂದ ಮಾತ್ರ ಲೇಖನ ಪ್ರಕಟಿಸಲಾಗಿದೆ. ಇದು ಗ್ರಾಹಕರಿಗೆ ನಾವು ಮಾಡುವ ಹೂಡಿಕೆಯ ಶಿಫಾರಸು ಅಲ್ಲ. ಯಾವುದೇ ಮಾದರಿಯ ಹೂಡಿಕೆಗೂ ಮೊದಲು ತಜ್ಞರ ಸಲಹೆ-ಸೂಚನೆ ಪಡೆಯುವುದನ್ನು ಮರೆಯದಿರಿ.
ಇದನ್ನೂ ಓದಿ : ‘ರಜನಿಕಾಂತ್-ಕಮಲ್ ಹಾಸನ್’ ಜುಗಲ್ ಬಂಧಿ!
