ಟೈಟನ್ಸ್‌ ವಿರುದ್ಧ ಬುಲ್ಸ್‌ಗೆ ವೀರೋಚಿತ ಸೋಲು | ಧಿಧಿ- ಫಲ ನೀಡದ ಅಲಿರೇಜಾ ಮಿರ್ಜಾಯಿನ್‌ ಹೋರಾಟ

ನವದೆಹಲಿ, ಅ.26: ಅಂತಿಮ ಕ್ಷ ಣದ ಒತ್ತಡವನ್ನು ನಿಭಾಯಿಸುವಲ್ಲಿವಿಫಲಗೊಂಡ ಬೆಂಗಳೂರು ಬುಲ್ಸ್‌ ತಂಡ ಪ್ರೊ ಕಬಡ್ಡಿ ಲೀಗ್‌ 12ನೇ ಆವೃತ್ತಿಯ ತನ್ನ ಮಿನಿ ಕ್ವಾಲಿಫೈಯರ್‌ ಪಂದ್ಯದಲ್ಲಿತೆಲುಗು ಟೈಟನ್ಸ್‌ ವಿರುದ್ಧ 5 ಅಂಕಗಳ ವೀರೋಚಿತ ಸೋಲನುಭವಿಸಿತು.

ತ್ಯಾಗರಾಜ ಒಳಾಂಗಣ ಕ್ರೀಡಾಂಗಣದಲ್ಲಿಭಾನುವಾರ ನಡೆದ ದ್ವಿತೀಯ ಪಂದ್ಯದಲ್ಲಿಬುಲ್ಸ್‌ ತಂಡ 32-37 ಅಂಕಗಳಿಂದ ಟೈಟನ್ಸ್‌ ಎದುರು ಪರಾಭವಗೊಂಡಿತು. ಹೀಗಾಗಿ ನೇರವಾಗಿ ಎಲಿಮಿನೇಟರ್‌3ಕ್ಕೆ ಅರ್ಹತೆ ಗಳಿಸುವ ಅವಕಾಶವನ್ನು ಬುಲ್ಸ್‌ ತಂಡ ಕೈಚೆಲ್ಲಿತು. ಈ ಸೋಲಿನಿಂದಾಗಿ ಬುಲ್ಸ್‌ ತಂಡವು ಅಕ್ಬೋಬರ್‌ 27ರಂದು ಎಲಿನೇಟರ್‌ 2ರಲ್ಲಿಪಟನಾ ತಂಡವನ್ನು ಎದುರಿಸಲಿದೆ.

ಬುಲ್ಸ್‌ ತಂಡದ ಪರ ಅಲಿರೇಜಾ ಮಿರ್ಜಾಯಿನ್‌ ಮೊದಲಾರ್ಧದಲ್ಲಿನಿರಾಸೆ ಮೂಡಿಸಿದರೂ ಅಂತಿಮವಾಗಿ 11 ಅಂಕ ಗಳಿಸಿ ತಂಡದ ಹೋರಾಟಕ್ಕೆ ಬಲ ತುಂಬಿದರೆ, ಆಶಿಶ್‌, ಆಕಾಶ್‌ ಮತ್ತು ಸತ್ಯಪ್ಪ ತಲಾ 4 ಅಂಕ ಗಳಿಸಿದರು. ಅತ್ತ ಟೈಟನ್ಸ್‌ ತಂಡದ ಪರ ವಿಜಯ್‌ ಮಲಿಕ್‌ ಮತ್ತು ಭರತ್‌ ಕ್ರಮವಾಗಿ 10 ಮತ್ತು 12 ಅಂಕ ಗಳಿಸಿ ತಂಡದ ರೋಚಕ ಗೆಲುವಿಗೆ ಕಾರಣರಾದರು.

ಮೊದಲ 30 ನಿಮಿಷಗಳ ಆಟದಲ್ಲಿಉಭಯ ತಂಡಗಳು ಜಿದ್ದಾಜಿದ್ದಿನ ಆಟ ತೋರಿದ ಕಾರಣ ಕೊನೆಯ ಹತ್ತು ನಿಮಿಷಗಳ ಆಟ ರೋಚಕತೆಗೆ ಕಾರಣವಾಯಿತು. ಪ್ರತಿ ರೇಡ್‌ ಮತ್ತು ಟ್ಯಾಕಲ್‌ ಪ್ರೇಕ್ಷ ಕರ ಕರತಾಡತನಕ್ಕೆ ಸಾಕ್ಷಿಯಾಯಿತು. ಆದರೆ 34ನೇ ನಿಮಿಷದಲ್ಲಿಬುಲ್ಸ್‌ ತಂಡವನ್ನು ಖಾಲಿ ಮಾಡಿಸಿದ ಟೈಟನ್ಸ್‌ ಮೇಲುಗೈ ಸಾಧಿಸಿ ಎದುರಾಳಿ ತಂಡದ ಮೇಲೆ ಒತ್ತಡ ಹೇರುವಲ್ಲಿಯಶಸ್ವಿಯಾಯಿತು.ಇದರಿಂದ ಬುಲ್ಸ್‌ ಆಟಗಾರರು ಹೊರಬರಲು ಶ್ರಮಿಸಿದರೂ ಸಾಧ್ಯವಾಗಲಿಲ್ಲ.

ಹಿನ್ನಡೆ ತಗ್ಗಿಸುವ ನಿಟ್ಟಿನಲ್ಲಿಬೆಂಗಳೂರು ಬುಲ್ಸ್‌ ತಂಡ ದ್ವಿತೀಯಾರ್ಧ ಆರಂಭಿಸಿತು. ಚುರುಕಿನ ರೇಡಿಂಗ್‌ ಮೂಲಕ ಎದುರಾಳಿ ತಂಡದಲ್ಲಿಗೊಂದಲ ಮೂಡಿಸಿತು. ಜತೆಗೆ 26ನೇ ನಿಮಿಷದಲ್ಲಿಟೈಟನ್ಸ್‌ ತಂಡವನ್ನು ಆಲೌಟ್‌ ಮಾಡಿದ ಬುಲ್ಸ್‌ ತಂಡ  21-20ರಲ್ಲಿಮೇಲುಗೈ ಸಾಧಿಸಿತು. ರೇಡಿಂಗ್‌ಗೆ ಇಳಿದ ವಿಜಯ್‌ ಮಲಿಕ್‌ ಅವರನ್ನು ಅದ್ಭುತವಾಗಿ ಟ್ಯಾಕಲ್‌ ಮಾಡಿದ ಸತ್ಯಪ್ಪ ಮಟ್ಟಿ, ಪಂದ್ಯದಲ್ಲಿಮೊದಲ ಸಲ ಬುಲ್ಸ್‌ಗೆ ಮೇಲುಗೈ ತಂದುಕೊಟ್ಟರು. ಟೈಟನ್ಸ್‌ ಸಹ ಪ್ರಬಲ ಪ್ರತಿರೋಧ ನೀಡದ ಕಾರಣ 30 ನಿಮಿಷಗಳ ಅಂತ್ಯಕ್ಕೆ 24-24ರಲ್ಲಿಮರು ಹೋರಾಟ ಸಂಘಟಿಸಿತು.

ಜಿದ್ದಾಜಿದ್ದಿನ ಹೋರಾಟ: ಬೆಂಗಳೂರು ಬುಲ್ಸ್‌ ಮತ್ತು ತೆಲುಗು ಟೈಟನ್ಸ್‌ ತಂಡಗಳು ಪಂದ್ಯದ ಪೂರ್ವಾರ್ಧಕ್ಕೆ ಜಿದ್ದಾಜಿದ್ದಿನ ಹೋರಾಟ ಸಂಘಟಿಸಿದವು. ಆದಾಗ್ಯೂ ಬುಲ್ಸ್‌ ತಂಡ 2(14-16) ಅಂಕಗಳಿಂದ ಹಿನ್ನಡೆ ಅನುಭವಿಸಿತು.

ಖಾತೆ ತೆರೆಯುವುದರೊಂದಿಗೆ ಟೈಟನ್ಸ್‌ ತಂಡ ಮೊದಲ ಹತ್ತು ನಿಮಿಷಗಳ ಆಟದಲ್ಲಿ10-8ರಲ್ಲಿಮೇಲುಗೈ ಸಾಧಿಸಿತು. ಮೊದಲ ಐದು ನಿಮಿಷದಲ್ಲಿ3-5ರಲ್ಲಿಹಿನ್ನಡೆ ಕಂಡ ಬುಲ್ಸ್‌, 8ನೇ ನಿಮಿಷದ ವೇಳೆಗೆ 6-6ರಲ್ಲಿದಿಟ್ಟ ಪ್ರತಿರೋಧ ನೀಡುವ ಮೂಲಕ ಲಯ ಕಂಡುಕೊಂಡಿತು. ಆದರೆ ರೇಡಿಂಗ್‌ನಲ್ಲಿನ ವೈಫಲ್ಯವು ತಂಡದ ಅಲ್ಪ ಹಿನ್ನಡೆಗೆ ಕಾರಣವಾಯಿತು.

10ರಿಂದ 20 ನಿಮಿಷಗಳ ಆಟದಲ್ಲಿಉಭಯ ತಂಡಗಳು ರಕ್ಷ ಣಾತ್ಮಕ ಆಟಕ್ಕೆ ಒತ್ತು ನೀಡಿದವು. ಹೀಗಾಗಿ ಅಂಕಗಳಿಸಲು ರೇಡರ್‌ಗಳು ತಿಣುಕಾಡಿದರು. ಈ ಅವಧಿಯಲ್ಲಿಟೈಟನ್ಸ್‌ ತಂಡ 6 ಅಂಕಗಳನ್ನು ಕಲೆಹಾಕಿದರೆ, ಬುಲ್ಸ್‌ ಕೂಡ 6 ಅಂಕಗಳನ್ನು ಗಳಿಸಿತು. ಬೆಂಗಳೂರಿನ ಸ್ಟಾರ್‌ ಆಲ್‌ರೌಂಡರ್‌ ಅಲಿರೇಜಾ ಮಿರ್ಜಾಯಿನ್‌ ನಿರೀಕ್ಷಿತ ಆಟ ಆಡುವಲ್ಲಿವಿಫಲಗೊಂಡಿದ್ದು, ಬುಲ್ಸ್‌ ತಂಡದ ಹಿನ್ನಡೆಗೆ ಕಾರಣವಾಯಿತು. ಅತ್ತ ಭರತ್‌ 5 ಅಂಕಗಳನ್ನು ಗಳಿಸಿ ಟೈಟನ್ಸ್‌ ತಂಡದ ಮೇಲುಗೈಗೆ ನೆರವಾದರು.