ಬೆಂಗಳೂರು: ದೇಶದಲ್ಲಿ ಆನ್ ಲೈನ್ ವಂಚನೆಗಳು ಹೆಚ್ಚಾಗುತ್ತಿವೆ. ಜನರ ಖಾತೆಯಿಂದ ಸೈಬರ್ ವಂಚಕರು ಕೋಟ್ಯಂತರ ರೂಪಾಯಿ ಎಗರಿಸುತ್ತಿದ್ದಾರೆ. ಇನ್ನು, ಪ್ಯಾನ್ ಕಾರ್ಡ್ ವಂಚನೆ ಕೇಸ್ ಗಳ ಸಂಖ್ಯೆಯೂ ಜಾಸ್ತಿಯಾಗುತ್ತಿದೆ. ನಿಮ್ಮ ಪ್ಯಾನ್ ಕಾರ್ಡ್ ಮಾಹಿತಿ ಸೋರಿಕೆಯಾಗಿ, ಅದರಿಂದ ಸಾಲ ತೆಗೆದುಕೊಳ್ಳುವುದು ಸೇರಿ ಹಲವು ರೀತಿಯ ವಂಚನೆಗಳು ನಡೆಯುತ್ತಿವೆ. ಹಾಗಾಗಿ, ಗ್ರಾಹಕರು ಪ್ಯಾನ್ ಕಾರ್ಡ್ ವಂಚನೆ ಬಗ್ಗೆ ಅರಿತು, ಮುಂಜಾಗ್ರತಾ ಕ್ರಮಗಳನ್ನು ತೆಗೆದುಕೊಳ್ಳುವುದು ಅತ್ಯವಶ್ಯಕವಾಗಿದೆ.
ಮುಂಜಾಗ್ರತೆ ತೆಗೆದುಕೊಳ್ಳಿ
ಪ್ಯಾನ್ ಕಾರ್ಡ್ ವಂಚನೆ ತಡೆಯಲು ಮುಂಜಾಗ್ರತೆ ಅಗತ್ಯವಾಗಿದೆ. ನಿಮ್ಮ ಪ್ಯಾನ್ ಕಾರ್ಡ್ ಸಂಖ್ಯೆಯನ್ನು ಅಸುರಕ್ಷಿತ ಸೈಟ್ಗಳು, ಅಪ್ಲಿಕೇಶನ್ ಗಳು ಅಥವಾ ವಾಟ್ಸ್ ಆ್ಯಪ್ ಮೂಲಕ ಯಾರೊಂದಿಗೂ ಹಂಚಿಕೊಳ್ಳಬೇಡಿ. ನಿಮ್ಮ ಪ್ಯಾನ್ ಕಾರ್ಡ್ ಕಳೆದುಹೋದರೆ, ಬೇರೆ ಕಾರ್ಡ್ ಗೆ ಕೂಡಲೇ ಅರ್ಜಿ ಸಲ್ಲಿಸಿ. ಹಾಗೆಯೇ, ಹೊಸ ಪ್ಯಾನ್ ಕಾರ್ಡ್ ಬರುವವರೆಗೂ ನಿಮ್ಮ ಕ್ರೆಡಿಟ್ ವರದಿಯನ್ನು ಪರಿಶೀಲಿಸಿ.
ನಿಮ್ಮ ಪ್ಯಾನ್ ಕಾರ್ಡ್ ಬಳಸಿಕೊಂಡು ಸಾಲ ಪಡೆಯುವ ಸಾಧ್ಯತೆಯೂ ಇರತ್ತೆ. ಹಾಗಾಗಿ, ನಿಮ್ಮ ಪ್ಯಾನ್ ಅಡಿಯಲ್ಲಿ ಯಾವುದೇ ಸಾಲವನ್ನು ತೆಗೆದುಕೊಳ್ಳಲಾಗಿದೆಯೇ ಎಂದು ಖಚಿತಪಡಿಸಿಕೊಳ್ಳಲು ಸುಲಭವಾದ ಮಾರ್ಗವೆಂದರೆ ನಿಮ್ಮ ಕ್ರೆಡಿಟ್ ವರದಿಯನ್ನು ವೀಕ್ಷಿಸುವುದು. ಕ್ರೆಡಿಟ್ ಬ್ಯೂರೋಗಳು ನಿಮ್ಮ ಹೆಸರಿನಲ್ಲಿ ತೆಗೆದುಕೊಂಡ ಎಲ್ಲ ಸಾಲಗಳು ಮತ್ತು ಕ್ರೆಡಿಟ್ ಕಾರ್ಡ್ ಗಳ ದಾಖಲೆಯನ್ನು ನಿರ್ವಹಿಸುತ್ತವೆ. ನೀವು ಅವರ ಸೈಟ್ ಗಳ ಮೂಲಕ ಸಿಬಿಲ್ ಸ್ಕೋರ್ ಚೆಕ್ ಮಾಡಿಕೊಳ್ಳಬಹುದು.
ದುರ್ಬಳಕೆ ಆದರೆ ಏನು ಮಾಡುವುದು?
ಸ್ಟೆಪ್ 1: ದುರ್ಬಳಕೆಯಾಗಿದೆ ಎಂಬುದು ಗೊತ್ತಾದರೆ ಕೂಡಲೇ ರಿಪೋರ್ಟ್ ಮಾಡಬೇಕು. ಟ್ಯಾಕ್ಸ್ ಇನ್ಫಾರ್ಮೇಷನ್ ನೆಟ್ ವರ್ಕ್ ನ ಅಧಿಕೃತ ವೆಬ್ ಸೈಟ್ ಗೆ ತೆರಳಿ, ಕಸ್ಟಮರ್ ಕೇರ್ ವಿಭಾಗ ಆಯ್ಕೆ ಮಾಡಿಕೊಳ್ಳಬೇಕು.
ಸ್ಟೆಪ್ 2: ಮೆನು ಲಿಸ್ಟ್ ನಲ್ಲಿ Complaints/Queries ಆಪ್ಶನ್ ಆಯ್ಕೆ ಮಾಡಿಕೊಳ್ಳಿ
ಸ್ಟೆಪ್ 3: ಅಲ್ಲಿ ಕಂಪ್ಲೇಂಟ್ ಅರ್ಜಿ ಸಿಗುತ್ತದೆ. ನಿಮ್ಮ ದೂರಿನ ಬಗ್ಗೆ ವಿವರ ನೀಡಿ, ಸಬ್ ಮಿಟ್ ಮೇಲೆ ಕ್ಲಿಕ್ ಮಾಡಿ
