ಭಾರತದ ಉದಯೋನ್ಮುಖ ಉದ್ಯಮಿಗಳಲ್ಲಿ ಅಗ್ರ ಶ್ರೇಯಾಂಕದಲ್ಲಿ ಗುರುತಿಸಿಕೊಂಡ ಶ್ರೇಯ ಸಂಜಯ್ ಕಪೂರ್ ಅವರದ್ದು. ತಂದೆಯಿಂದ ಬಳವಳಿಯಾಗಿ ಬಂದ ಆಟೋ ಕಂಪೋನೆಂಟ್ ಕಂಪನಿ ಸೋನಾ ಕಾಮ್ ಸ್ಟಾರ್ ನನ್ನು ಜಾಗತಿಕ ಸಂಸ್ಥೆಯಾಗಿ ಕಟ್ಟಿದ ಕೀರ್ತಿ ಸಂಜಯ್ ಅವರದ್ದು. ಆದರೆ, ಮೊನ್ನೆ ನಡೆದ ಅನಿರೀಕ್ಷಿತ ಘಟನೆಯಲ್ಲಿ 58 ವರ್ಷದ ಸಂಜಯ್ ಹೃದಯಾಘಾತಕ್ಕೆ ಬಲಿಯಾಗಿದ್ದಾರೆ. ಸಂಜಯ್ ಸಾವಿನ ಬೆನ್ನಲ್ಲೇ ಅವರ ಕಂಪನಿಯನ್ನು ಮುನ್ನಡೆಸೋರು ಯಾರು ಎನ್ನುವ ಪ್ರಶ್ನೆ ಉದ್ಯಮ ವಲಯದಲ್ಲಿ ದೊಡ್ಡ ಚರ್ಚೆಗೆ ನಾಂದಿ ಹಾಡಿದೆ.
ಸಂಜಯ್ ಕಪೂರ್ ಗೆ ಮೂವರು ಹೆಂಡತಿಯರು
ನಟಿ ಕರಿಷ್ಮಾ ಕಪೂರ್ ಗೆ ಸಿಗಲಿದೆಯಾ ಪಾಲು
ಸಂಜಯ್ ಕಟ್ಟಿ ಬೆಳೆಸಿದ ಸೋನಾ ಕಾಮ್ ಸ್ಟಾರ್ ಕಂಪನಿ ಮೂಲಕ 31 ಸಾವಿರ ಕೋಟಿ ಮೌಲ್ಯದ ಸಾಮ್ರಾಜ್ಯ ಕಟ್ಟಿದ್ದಾರೆ. ಭಾರತ, ಚೀನಾ, ಅಮೆರಿಕ, ಸರ್ಬಿಯಾ, ಮೆಕ್ಸಿಕೋದಲ್ಲಿ ಕಂಪನಿ ತನ್ನ ವಹಿವಾಟು ನಡೆಸುತ್ತಿದೆ. ಇನ್ನು ಸಂಜಯ್ ಸಾಮ್ರಾಜ್ಯದಲ್ಲಿ ಕುಟುಂಬಕ್ಕೆ 10 ಸಾವಿರ ಕೋಟಿ ರೂ.ಗೂ ಮೀರಿದ ಷೇರು, ಆಸ್ತಿಗಳು ಲಭಿಸಲಿವೆ. ಈ ದೊಡ್ಡ ಮಟ್ಟದ ಆಸ್ತಿಯ ಉತ್ತರಾಧಿಕಾರಿ ಯಾರು ಅನ್ನೋದು ಈಗಿರುವ ಪ್ರಶ್ನೆ. ಸಂಜಯ್ ಬಾಳಲ್ಲಿ ಮೂವರು ಹೆಣ್ಣು ಮಕ್ಕಳ ಪಾತ್ರವಿದೆ.
ಹೌದು, 1996ರಲ್ಲಿ ಡಿಸೈನರ್ ಆಗಿದ್ದ ನಂದಿತಾ ಮಹತಾನಿ ಜೊತೆ ವಿವಾಹವಾಗಿದ್ದರು. ಆದರೆ, ಈ ವಿವಾಹ ಬಂಧ 2000 ದಲ್ಲಿ ವಿಚ್ಛೇದನದ ಮೂಲಕ ಅಂತ್ಯವಾಗಿತ್ತು. ನಂತ್ರ ಬಾಲಿವುಡ್ ತಾರೆಯಾಗಿದ್ದ ನಟಿ ಕರಿಷ್ಮಾ ಕಪೂರ್ ರನ್ನ 2003ರಲ್ಲಿ ಸಂಜಯ್ ಮದುವೆಯಾಗಿದ್ರು. ಈ ದಾಂಪತ್ಯ ಜೀವನದಲ್ಲಿ ಇಬ್ಬರು ಮಕ್ಕಳಿದ್ದಾರೆ. ಆದ್ರೆ ಈ ಸಂಸಾರವೂ 2016ರಲ್ಲಿ ಡೈವೋರ್ಸ್ ಮೂಲಕ ಸಮಾಪ್ತಿಯಾಗಿತ್ತು. 2017ರಲ್ಲಿ ಸಂಜಯ್ ರೂಪದರ್ಶಿಯಾಗಿದ್ದ ಪ್ರಿಯಾ ಸಚ್ ದೇವ್ ರೊಟ್ಟಿಗೆ ಸಪ್ತಪದಿ ತುಳಿದಿದ್ರು. ಸಂಜಯ್-ಪ್ರಿಯಾಗೆ ಅಜಾರಿಯಸ್ ಅನ್ನೋ 6 ವರ್ಷದ ಮಗನಿದ್ದಾನೆ. ಸದ್ಯ ಸಂಜಯ್ ರ ಆಸ್ತಿಗೆ ಪ್ರಿಯಾರೇ ಉತ್ತರಾಧಿಕಾರಿ ಎನ್ನಲಾಗುತ್ತಿದೆ.
ಕರಿಷ್ಮಾ ಕಪೂರ್ ಗೆ ಸಿಗೋದಿಲ್ವಾ ಆಸ್ತಿಯಲ್ಲಿ ಪಾಲು
ನಟಿಯ ಮಕ್ಕಳಿಗೆ ಸಂಜಯ್ ಕೊಟ್ಟಿದ್ದಾರಾ ಬಂಪರ್
2016ರಲ್ಲೇ ನಟಿ ಕರಿಷ್ಮಾರೊಟ್ಟಿಗಿನ ವೈವಾಹಿಕ ಜೀವನಕ್ಕೆ ಸಂಜಯ್ ತಿಲಾಂಜಲಿ ಹಾಡಿದರು. ಆದರೆ, ಮಕ್ಕಳಾದ ಸಮೈರಾ ಮತ್ತು ಕಿಯಾನಾರ ಭವಿಷ್ಯವನ್ನು ಸುಭದ್ರವಾಗಿಸಿದ್ದಾರೆ. ಕರಿಷ್ಮಾರೊಟ್ಟಿಗಿನ ವಿಚ್ಛೇದನದ ಬೆನ್ನಲ್ಲೇ ಇಬ್ಬರು ಮಕ್ಕಳ ಉಜ್ವಲ ಭವಿಷ್ಯಕ್ಕಾಗಿ ತಲಾ 14 ಕೋಟಿಯ ಬಾಂಡ್ ಗಳನ್ನು ಸಂಜಯ್ ಗಿಫ್ಟ್ ಡೀಡ್ ಮಾಡಿದ್ದಾರೆ. ಇನ್ನು ಕರಿಷ್ಮಾರ ಕುಟುಂಬ ನಿರ್ವಹಣೆಗಾಗಿ ಪ್ರತಿ ತಿಂಗಳು 10 ಲಕ್ಷವನ್ನೂ ನೀಡುತ್ತಿದ್ದಾರೆ. ಹೀಗಾಗಿ ಸಂಜಯ್ ರ ಆಸ್ತಿಯಲ್ಲಿ ಕರಿಷ್ಮಾಗೆ ಈಗ ಯಾವುದೇ ಲಾಭ ಸಿಕ್ಕೋದಿಲ್ಲ.
ಆದರೆ ಫೋಬ್ಸ್ ವರದಿಯನ್ವಯ ಸಂಜಯ್ ರ 10 ಸಾವಿರ ಕೋಟಿ ಸಂಪತ್ತಿಗೆ ಅವರ ಮೂರನೇ ಪತ್ನಿ ಪ್ರಿಯಾ ಸಚ್ ದೇವ್ ವಾರಸುದಾರರಾಗಲಿದ್ದಾರೆ. ಸಂಜಯ್ ಅಮೆರಿಕದ ಪ್ರಜೆಯಾಗಿದ್ದು, ಅಲ್ಲಿನ ಕಾನೂನಾತ್ಮಕ ಪ್ರಕ್ರಿಯೆಗಳೆಲ್ಲಾ ಪೂರ್ಣಗೊಳ್ಳಬೇಕಿದೆ. ನಂತ್ರ ಭಾರತೀಯ ಷೇರು ಮಾರುಕಟ್ಟೆ ಮತ್ತು ಸೆಬಿಗೆ ಸಲ್ಲಿಸಬೇಕಿರೋ ದಾಖಲೆಗಳೆಲ್ಲಾ ಸಲ್ಲಿಕೆಯಾದ ಬಳಿಕ ಷೇರುಗಳು ಪ್ರಿಯಾರಿಗೆ ವರ್ಗಾವಣೆಯಾಗಲಿದೆ. ಈ ಮೂಲಕ ಸಂಜಯ್ ರ ಸಂಪತ್ತಿನ ಉತ್ತರಾಧಿಕಾರತ್ವ ಪ್ರಿಯಾ ಮತ್ತು ಪುತ್ರನ ಪಾಲಾಗಲಿದೆ.
